炸蝦天婦羅
玉米蝦船
飛魚子軍艦
軟殼蟹手卷
帆立貝裙邊
三文魚刺身 ( 會員任何 5 碟送半價刺身一客 但只可以食 $40 嘅刺身囉 )
( 6-OCT-2015 TUE )
里奧大人好鬼衰 有時我好肉緊錫佢幾啖 佢就會話毛管動 又話見到女人都驚 所以一定唔會去滾 駛唔駛咁喎 衰人 ~
咁佢越驚我就越做家嘛 之後佢話我真係又顛又喪 我話 " 別人笑我太痴線 我笑別人太瘋顛 哈哈哈 " 之後里奧大人大笑呀 問我知唔知自己講咩 我其實真係唔知 我話有兩句嘢 其中有句係有瘋顛兩個字嘅呢 佢話係 " 別人笑我太瘋顛 我笑他人看不穿" 嘩哈哈 是鬼但啦 反正我都係求其 up 之嘛 ~
今朝個天黑哂 咁正想搭 lift 嘅時候 里奧大人話無帶遮 所以要番入屋攞遮 咁我喺樓下等佢啦 之後佢叫我幫佢買包 唔駛嘥時間喎 ~
都係無咩胃口食早餐 食剩好多麵包呀 但真係食唔到 唉 ~
正想番工嘅時候就落勁勁勁大雨 所以我坐多陣先走喇 寧願遲到都唔想成身濕哂 好易病架 咪搞 ~
菇場無咩嘢做 終於可以抖下 ~
Lunch 出去食粥 之後行零食店同阿信屋 買咗 d 零食就走喇 ~
Bakalland 能量捧 - 之前買咗 1 條杏脯味同香蕉味 我覺得香蕉好味呀 所以買咗 6 條 同埋原價 $4 依家正價 7 折 即係 $2.8 咋 所以好抵 不過如果底層唔係朱古力就更加好 咁樣無咁甜同埋健康 d 咁囉 ~
仍然 hea 過 但無啦啦胃酸倒流勁辛苦 所以今晚都係唔煮飯喇 ~
放工去佳寶買咗幾罐醬料同雜豆 好在今日仲係有 9 折 咁點都平過喺超市同街市買 呢 d 師奶數 里奧大人永遠唔會明白 哈哈 ~
番到屋企都差唔多 6 點半喇 里奧大人 7 點 15 分放工 今晚勁想食壽司 所以去元氣喇 ~
其實家姐尋晚打比我兩次問我要唔要木瓜雞腳湯 不過我唔要喇 今晚又打黎問我要唔要 不過我都係話唔要 唔想工人拎黎拎去 但我又唔想去媽咪屋企拎喎 我話其實我間唔中都滾湯架啦 佢話佢係煲唔係滾 好 d 架 真係頂佢唔順呀 哈哈 ~
呢餐抵呀 食咗 $189 但我扣咗賞分 只係比 $9 就搞掂 不過佢地扣得好得意 係 $30 / $50 / $100 咁扣呢 ~
食完就去 Taste 買金奇異果 我揀咗 8 個 之後里奧大人指住另一堆奇異果 問我兩隻有咩唔同 嘩 好在佢問一問咋 原本我揀咗奇異果 我唔食架 因為好酸 同埋次次食完喉嚨會好痕 但食金奇異果就唔會囉 最後只係買咗梳蕉就走人喇 ~
沖埋涼抖陣 再睇下電視 11 點瞓 lu ~
沒有留言:
發佈留言