嘉華大酒樓 @ 官塘 ( 1-OCT-2015 )

蒜香燒汁一口牛 - 食剩大半碟   所以叫工人拎走   留番聽日做 lunch 呢 

粟米石斑塊

脆皮燒腩仔 - 食剩 1/3   叫家姐拎走   我叫佢切粒之後炒飯   佢話工人多數用節瓜燜定咩喎   是但啦   最緊要佢識整就得喇   哈哈

雙丸什菜煲

( 1-OCT-2015  THU )

今朝里奧大人 8 點起身整嘢   咁我又啱啱醒咗去廁所   其實都可以起身   因為又係一覺瞓天光   不過里奧大人話會再瞓   咁我都瞓啦   之後一瞓就瞓到 11 點 15 分   仲諗住去麥當勞食早餐添   依家無得食 lu ~

好在附近幾間餐廳嘅早餐時間去到 12 點   咁我地都即刷牙洗臉落去食早餐喇 ~

假期好多人都瞓得好晏   去到麻酸樂要等 10 張枱   咁叫里奧大人去金姆指睇下啦   感恩金姆指有位   唔係唔知等幾耐 lu ~

食完去萬寧買嘢   之後再坎日本城買拖版同燈膽   再去 Giodano 買 2 件 tee   $79/2件   超勁抵   d 料又舒服   所以買咗兩件同色   因為想要嘅顏色無碼呢 ~

其實之前喺屈臣氏買咗盒   好似 $159   今日萬寧有 9 折   佢原價 $165 嘛   咁折咗又同出位價差唔多錢   所以我買多盒

我其實最主要係買 2 盒膠布   但原來今日買滿個人用品滿 $138 就送呢 pack 嘢   我仲以為買 d 咩會送呢 pack 嘢添 

勁秋價   個名雖然老土   但勁有親切感   哈哈   

商場影架   呢幾隻係配合 Halloween 主題嘅公仔

番到屋企抖冬天褸   我就順便抹埋衣柜同鞋柜   搞掂哂就沖涼   因為已經 3 點幾   里奧大人話要食嘢呀 ~

又係勁想飲凍咖啡   同埋唔想行咁遠   所以又去大快活喇 ~

我要正常嘅凍啡 ( 左邊 )   里奧大人要小甜小冰   所以完全係無味   因為佢地係用水溝淡呢  

今晚約咗家姐同媽咪 6 點半食飯   咁 6 點要出門口喇 ~

食完都 8 點   之後上媽咪屋企坐陣就走人 lu ~   

今晚着哂運動裝束   所以可以直接去徑步   家姐仲搞笑   以為我頭先去行山呢 ~

呢兩晚徑步徑得好舒服   可能之前 warm up 咗   今晚行番晨運徑都無難度   上上落落覺得好正添呀   哈哈 ~

徑咗半個鐘就走   其實想徑耐 d   不過想睇埋尋晚睇唔哂果半 part 戲   所以想番屋企睇囉 ~

沖埋涼就睇戲   11 點就瞓喇   聽日要番工呢 ~