壽司 ( 外賣 ) + 粟米蛋花湯 ( 23-OCT-2015 )

( 23-OCT-2015  FRI )

聽日係每月一 off   所以完全感受到人地成日有嘅 happy friday 心情喇   yeah ~~~~~~~~

今朝塞車呀   所以 8 點半先到餐廳   好在今朝 7 點 50 分就出咗門口   唔係應該食唔切早餐 lu ~

菇場唔忙   hea 到 lunch time   爽呀 ~

好想食酸辣紅薯粉   所以買番黎菇場慢慢嘆呢 ~

好啦   諗住放工即走   點知渠王 531 打黎話有 urgent 嘢   我同佢又聽日一齊放 off   所以佢問我可唔可以整埋先走   咁我都 ok 嘅   因為我都諗緊煮唔煮飯好囉   因為我 d 手指仲未好番   唔想掂水住 ~

做呀做   做到 6 點 45 分先搞掂呀   即打比家姐里奧大人   因為好難得咁晏走   要做個電話記錄   哈哈 ~

可能今日係星期五關係   好鬼塞車   塞咗 15 分鐘   買埋壽司   番到屋企都差唔多 7 點半   煲埋粟米湯就開餐 ~   

食完都唔抖喇   因為我想熨衫   郁下咁呀 ~

里奧大人 8 點放工   之後我叫佢到九龍灣地鐵站就打比我   我要整壽司比佢食   佢好愕然話壽司都要整 ?!?!?!   嘩哈   其實我諗住拻哂 d 包裝紙影相   不過熨緊衫   是但 up 啦 ~

聽日行山   咁今晚都唔徑步喇   沖埋涼   食埋生果都已經 10 點   今晚遲咗個幾鐘番屋企   所以 d 樣樣嘢都遲哂做 ~

   
唔駛番工嘅心情真係好正   所以又成 12 點先瞓呀 ~