嘉華大酒樓 @ 官塘 ( 18-OCT-2015 )

叫咗個套餐 "花尾躉全包宴" ~ 一品燒味大拚盤 - 我只食海蜇   哈哈  

芝士焗蝦球稻庭麵 - 又幾好味喎  

脆皮素鵝好味骨 - 我鍾意食素鵝架   蘸喼汁好好味呢 

家鄉脆米燴魚蓉 - 呢個好味呀   如果自己識煮就好 lu  

粥水杞子泡躉球 - 掛住傾計都無食到添 

清蒸百福躉頭腩 - 無食呀 

福祿靈芝菇鵝掌 - 食咗隻鵝掌同生菜   索哂 d 汁嘅生菜最好味   呵     

蒜香籠仔糯米蟹 - 無咩人食咁呀   我同家姐拎走 d 糯米飯囉   唔好嘥嘛   同埋我又鍾意食   滯就滯啦 ~~~~

( 18-OCT-2015  SUN )

今朝明明 9 點 45 分起咗身   但尋晚對腳好痛呀   瞓得唔好囉   所以懶床懶到瞓鬼埋   結果瞓到 10 點半先起身呢 ~

番唔切教會喇   所以唔駛咁趕 lu ~

食埋早餐就番屋企   里奧大人瞓覺   我就抹書房抹柜執柜   搞掂哂都 2 點   啱啱里奧大人起身   等得沖埋涼就行去德福旅行社交訂金   之後再食 tea ~

里奧大人捧住比我影架   所以要快快手影   唔係一陣跌哂落地就慘 lu 

珍珠奶茶

食完又行 Piago   買咗 2 罐牛芳蒡茶   之後喺德福嘅 Kaimonoou 買個飯盒袋   再買埋船襪就番屋企 lu   原來已經 4 點半   抖多半個鐘就去媽咪屋企   因為叔叔嬸嬸喺加拿大番黎   所以同埋姑姐姑丈會上媽咪屋企坐下呢 ~  

特價 $65/2樽 ( 原價 $38/樽 )

佢地話 5 點半到   不過佢地差唔多 6 點先到   我一見到叔叔又忍唔住喊   兩次都係咁   姑姐話我超級眼淺   哈哈   但真係好開心好感動   始終加拿大遠嘛   一坐就十幾個鐘   無理由年年黎啦   我又請唔到兩星期假   所以見到佢地真係非常之開心呢 ~ 

家姐 book 咗 6 點   好在家姐同表哥佢地已經到咗喺酒樓   咁比埋手信同利是就落酒樓喇 ~

估唔到今晚齊哂人食飯呀   total 20 個   我同阿奧   媽咪家姐工人   姑姐姑丈表哥 12 人   加埋叔叔嬸嬸堂細佬同弟婦   弟婦嘅細佬   嬸嬸嘅表妹同個女   次次嬸嬸番黎   佢表妹都一齊食飯架   唔知真係以為兩姐妹呢   感情咁好真係好難得啊 ~   

我同叔叔講   話希望有一可以去加拿大探佢地啦   但我話一定會喺冬天探佢地   因為我想見到落雪   但可能講緊嘅溫度係零下 40 度   問我頂唔頂得順喎   之後表哥佢地話我要幫手剷雪   咁先可以冬天探叔叔   我話當體驗囉   怕你呀   哈哈 ~

叔叔番黎兩個星期左右   但就好多節目呀   原來佢仲同緊香港 d 朋友聯絡   真開心呀   認識幾十年   真係好難得呢   佢又出咗旺角   話超級多人   哈哈   去番以前住嘅地方同埋我讀嘅小學睇一睇就走喇   估唔到佢仲記得我讀邊間小學   好感動呀 ~~~~

食下傾下   之後見到堂細佬兩公婆行咗開去叫人執幾杯茶   原來係斟茶比媽咪同姑姐姑丈飲呢   因為結婚嘅時候要斟茶比長輩   佢地依家補番呢   同埋今餐係佢地請架   真係好有心呢   上次黎香港又請我地飲茶   好乖呀 ~          

話咁快就 9 點 lu   因為叔叔佢地聽朝要上大陸   要 7 點集合   所以佢地要早 d 番去休息喇   我同阿奧就送埋佢地去搭車   之後就番屋企喇 ~ 

細細妹無黎香港   因為佢要考兩次試   分別讀讀 75 本書同 45 本書   我聽完已經即刻幻想果棟書加埋都高過我   暈啦 ~

我沖完涼之後就 whatsapp d 相比佢睇   佢即刻話好掛住 daddy mommy   我好開心叔叔 3 個仔女都咁聽話咁孝順   因為我另一個叔叔 d 仔唔係咁呢 ~   

其實我好感恩架   講真   因為我係一個好懶嘅人   同埋時差關係   我真係好小打比佢地架   咁對上一次佢地同埋兩個堂妹一齊番黎   都起碼有 10 年喇   但果次見到之後   細細妹都間唔中打比我傾計架   咁有咗 FB 之後   佢一見我 online 就會話 miss u 姐姐   妳忙唔忙呀   又會問媽咪同阿奧點呀 ?!   我覺得佢超級乖架   會記得我呢個姐姐 ~

傾咗半個鐘都差唔多 10 點半   佢又記得我差唔多時間瞓喎   真係記得我講嘅嘢   哈哈 ~

咁睇埋新聞   hea 多陣   11 點幾就瞓喇 ~