鹹魚肉餅飯 + 山竹牛肉 ( 外賣 ) @ 屋企 ( 2-OCT-2015 )

鹹魚肉餅飯   個人唔多舒服   真係唔想問陣鹹魚味   好鬼難頂   

次次都勁想食山竹牛肉   因為乾得黎有 d 濕咁   哈哈   里奧大人驚我唔夠飽   又再買多個豆沙包   不過最後都係佢食   我真係食唔落呢  

( 2-OCT-2015  FRI )

今朝超勁攰   原來每月一到   唔怪得之啦 ~

我想要支洗頭水呀   所以去麥當勞食早餐   食到一半已經超級勁飽   但唔想拎黎拎去   因為知一陣都應該無胃口食架喇 ~

菇場忙呀   11 點無啦啦個肚有 d 痛   咁即食粒勁嘢啦   但居然無料到   之後一食完   半個鐘就唔痛架喎   點解咁架 @@

其實勁想請病假   不過真係唔想又比西話   所以忍呀忍呀忍呀   其實我最煩係嘔之嘛   一飲水就頂住個胃   所以真係成日去廁所架 ~

好啦   行去廁所都行到攰   我發覺一起身   阿齋都望住我添呀   哈哈   因為去得好頻密 ~

一到 lunch time 即擺陣瞓覺   叫里奧大人 1 點半叫醒我   其實我都瞓得唔係咁好   始終驚唔知醒呢 ~

丫   真係好辛苦   所以索性"爬" 喺枱度洽下   唔係我會死   嗚嗚 ~

終於頂到 5 點半喇   即走   諗住打的   點知無的   咁唯有搭番巴士啦   好感恩去到巴士站就有車   唔係暈都似 ~

番到屋企即沖熱水涼   真係舒服好多   咁睇下電視   睇睇下都瞓着咗   里奧大人 7 點放工   所以叫佢去唐記買飯一齊 share 食呀   因為我有小小餓呢 ~

好感恩個肚唔痛   不過 10 點都瞓喇   好鬼攰呀 ~