Part 2/2 昂坪 360 + 稻香 @ 深水埗 ( 21-OCT-2015 )

Part 2/2

1 點出發去心經簡林   大部份係平路   好好行呢   哈哈 ~ 

跟住路牌指示   

入去心經簡林喇

有埋地圖都幾好   可以知道要行幾耐   呵呵  

經過一間破爛嘅屋

另一間吉屋就有個巨型金元寶喺門口位置   應該之前係做生意呢   因為我見到入面有 d 膠餐牌

繼續行   話咁快就 1 點 lu    

鳳皇 ?! 

喺呢度聽到好似有人叫里奧大人   原來係佢舊同事高佬   最搞笑里奧大人話佢同事帶咗帽同黑超   如果臉對臉行過都認佢唔到囉

叔叔話佢以前行上去鳳凰山頂   仲指比我睇由邊度行   睇見到驚   哈哈  

                             

我覺得好似好多十字架咁  



由入口行咗 20 分鐘   終於到心經簡林喇

每條木都有唔同嘅佛句

圍住一個圈咁行   所以好快行哂   不過我都好想快 d 行哂   因為比太陽曬住好熱呀呀呀呀

                            

睇下點行番出去先   

又見到呢 d 花  

開始行番出去 lu   叔叔話佢 1 小時行 4 公里   之後里奧大人計過   我地 1 個鐘平均最多行 3 分里咋   咁叔叔真係行得好快喎   所以里奧大人成日叫我打壞後生   佢咪一樣係   呵呵 

呢條路好好行呀   我可以行好耐都得呢 ( 懶勁 )

落到黎 lu  

                          

差唔多 2 點就再去寶蓮寺   食多次豆腐花   坐多陣都已經 3 點   係時候坐番纜車出東涌喇 ~

寶蓮寺附近有個大鼎  

好多大大支嘅香

Q 版福祿壽 ?!

2 點 15 分再去食多碗山水豆腐花   我就飲汽水   我拎完就同個男人講   話連埋豆腐花一齊比   咁我行番入去   有個女人都有計到呢支汽水錢   之後個男人態度好差咁問我比咗錢未 ?!   里奧大人話比咗   個女人都話收咗   真係鬼得閒呃妳支汽水咩   同埋 d 態度唔駛咁衰呀嘛   

去番市集買生肖公仔

一坐纜車   叔叔就最開心   一見到 d 山呢   就好開心話以前由邊度邊度咁開始行上山架   又係嘅   又諗番起以前嘅點點滴滴   我地細過嘅嘢佢都記得   反而我同家姐都唔記得呀   哈 ~

叔叔話今次番黎香港   第一件最開心係可以去鄉下搵番到祠堂   話係爺爺條根   所以佢叫老友帶路一齊搵   真係好勁啦   講緊嘅係幾十年無去架喎   估唔到祠堂仲係度   第二件事係見到我同家姐平平安安就安心喇   真係好感動佢仲係咁掛住我地   叔叔喺我好細過就移民   當時根本唔知移民係咩   只記得有好大班人喺機場囉   大個之後又無咩點聯絡   但就一定收到叔叔 d 聖誕卡   咁十幾年前叔叔嬸嬸一家黎咗黎香港   一見番叔叔嬸嬸就好有感覺喇   喊到我呢   真係人大咗就更加珍惜親情   我地仲隔咁遠   好在依家科技發達   真係唔會失去聯絡   最大問題係時差啫   哈哈 ~

傾傾下又講開 d 機場巴士線   話一日之內坐 2 次   第 2 次係半價優惠   我好大反應話邊度有人一日坐 2 次機場巴架   之後嬸嬸話接機送機果 d 咪係囉   嘩哈哈   係喎   因為我搭機場巴士多數去旅行嘛   同埋真係好小送機接機就真   哈哈 ~  

坐纜車 zoom 埋去影架   因為叔叔話隻牛耳有個黃色牌   佢真係好眼力   因為我就咁睇都睇唔到   哈哈 ~   

佢地要繼續努力   

差唔多到東涌喇 

3 點半落到東涌   又係轉車轉車又轉車   因為里奧大人驚佢地唔識行去九龍塘   所以我地送到佢地去九龍塘   我地再去番深水埗喇   真係好感激里奧大人今日嘅貼心照顧呢 ~

頭先我地用自拍神棍影相   嬸嬸話想買比兩個堂妹   但我驚佢地唔識買   所以我話我地買比堂妹佢地   我送機嘅時候比佢地就得   不過唔嬸嬸唔知堂妹用咩 model 手機   咁我地唔買住   今晚問咗堂妹先   唔係買黎變咗無用就慘咯 ~

都 5 點喇   去稻香拎飛   但原來 6 點先開始晚飯   佢地又無開燈   所以都唔喺度坐啦   咁今日行到對腳好攰呀   所以去姑奶教會坐到 6 點好過 ~

食下傾下都 7 點半喇   要走喇   因為我地仲要趕住番九龍灣幫 3 姑奶拎嘢 ~

薑蔥魚雲煲

燒腩仔

魚香茄子煲 

白灼蝦 

脆皮咕嚕肉 

乾扁肉鬆四季豆  

蒜蓉炒油麥菜 

七味豆腐 x 2 

美極金薯牛柳粒

蒜蓉炒菜心  

南乳齋煲 

脆皮雞 ( 半隻 )

坐地鐵番九龍灣   因為諗住要去德福幫姑奶拎嘢   點知佢叫朋友搞掂咗   我頂   搞掂咗就話比里奧大人知啦   好彩里奧大人打比佢啫   唔係就白行一趟啦   離鬼哂譜   之後阿奧話如果姑奶知道我地幫佢做嘢依依哦哦   但佢朋友就即幫會點睇 ?!  我話好笑喇   佢仲好意思咁樣比較 ?!   首先你要記住   第一妳叫人做嘢   唔關咩親人同朋友囉   妳唔好成日奉旨咁囉   第二係妳叫人做嘢又唔交帶清楚   要幫嘅人同妳打去問嘢   但咩資料都無   妳以為間舖係妳開嗎 ?!   里奧大人講唔過我啦   所以佢都知我好慶   話同我食雪糕喎   咁係嘛   最憎 d 人咁樣囉   真係丫  >x<

頭先食飯   4 姑奶一家 9 個人食   所以以人頭計最好啦   但大姑奶嗰份就叫里奧大人比   之後打嚟解釋話等大姑奶覺得佢係家姐   咁都講得出口   真係 cheap 到爆   真係第一次見啲人係咁 cheap   我唔明點解比錢就係覺得佢係家姐囉 ~

食完雪糕   番到屋企都 8 點幾   即開機洗衫之後沖涼喇 ~

諗住 10 點半瞓   點知里奧大人無手尾   將 remote control 周圍擺   話明明擺喺梳化   但我地搵咗幾次都無   又搵下其他地方   搵咗 20 分鐘呀   之後佢再搵   原來攝咗喺梳化入面   抵啦   成日將 d 嘢周圍放   明明早瞓變遲瞓   最慘累埋我都遲瞓嘛   嗚 ~