尋晚好難先入睡呀 因為擔心今日會好多人坐昂坪 360 雖然里奧大人已經網上訂飛 但都係驚要排好耐隊囉 ~
6 點半即起身 又唔眼瞓喎 可能我好期待呢一日呢 哈哈 ~
沖埋涼就落去食早餐 咁里奧大人要熨條短褲 叫我落去太興先 咁我即入廁所 jel 頭啦 咁順便搽 cream 同噴香水 快快手都要 2 分鐘啦 之後里奧大人眼神好好奇怪咁問做乜咁耐 我話要 jel 頭架大佬 唔通顛雞咁出街咩 @@
7 點半上到屋企 咁約咗叔叔嬸嬸 8 點半喺九龍塘地鐵月台等 咁都有時間 估唔到嬸嬸 7 點半打黎話出門口 咁我地都早 d 出 lu 我地等佢好過佢等我地 驚佢地唔熟路 所以我地早 d 到好 d 可以接佢地嘛 ~
我地 8 點 05 分已經到九龍塘站 里奧大人驚叔叔嬸嬸唔識落黎 所以去另一邊等仍地 估唔到見到兒生仔女 佢地今日教會旅行呀 所以我地約埋今晚一齊食飯呢 ~
叔叔嬸嬸差唔多 8 點 15 分就到喇 比預期早咗 15 分鐘 咁 d 時間又可以鬆動 d 正呀 ~
我地喺太子轉車去荔景 之後再轉車去東涌 9 點 15 分到昂坪 360 可能早呀 無咩人排隊買飛 不過對我地都無咩影響 因為我地網上訂咗飛嘛 ~
9 點半坐纜車 9 點 55 分到喇 可能早啦 所以唔太熱 又涼涼地 最緊要係無咩人 所以好舒服呢 ~
9 點 20 分到昂坪 360 站 lu
飛過去喇
周圍望下
今日好多煙霞
越來越上喇 叔叔話架 cable car 好定
唔記得起緊咩嘢橋添
山上面有幾間屋仔
有唔小人行上去呢 好佩服佢地呀 如果我行 應該起碼 5 個鐘先上到去呢
呢度唔知係咪可以停比人落車呢 ?!
我話如果上到呢個山頂 我同里奧大人講 話佢會感動到喊呢 之後佢幾衰呀 話我咁難得上到去 一定要留低響度三五七年先好落番黎呀 佢就即走佬 唔駛再比我煩住哂呀 @@
繼續飛上山
上面有窗之餘 坐位後面都有 d 通風位 所以唔太焗
小瀑布
望到大佛
差唔多 10 點就到喇 ~~~~
感恩今日唔太多人啊
行下睇下又影下相 經過見到山水豆腐花 叔叔嬸嬸話想試呀 所以去食喇 ~
食完抖陣就行去睇大佛 要上樓梯嘛 所以開始 feel 到熱喇 哈哈 ~
行咗一間買佛像同生肖嘅 shop 但原來仲有好多其他嘢呢 里奧大人就買咗紅色呢個公仔 $20 又唔貴喎 我初初諗住起碼 $50 話哂做遊客生意嘛
入去食山水豆腐花
睇下點行
熱唔熱呀你 ?!?!
叔叔行樓梯就一定無問題 因為佢喺加拿大 同堂妹一齊上山露營 行咗差唔多 8 個鐘呀 仲要係泥路 同埋聽叔叔講話以前後生 成日行山架 咩鳳凰山頂 又八仙嶺 總知佢行過好多山 我聽見都腳軟 哈哈 ~
去到大佛又影下相咁啦 諗住上多一層睇啦 原來要買齋劵先上得 好似 $35一張劵 有 1 支水同一碟米粉定咩 最後我地都無上呀 無諗過上多一層要錢囉 @@
行上去睇大佛喇 好似要行 28x 級樓梯
里奧大人話呢個人係拋 d 錢落個器皿入面
唔同位置影下咁囉
落去洗手間 原來門口位置可能影到佛像背面
又行番上去睇喇
好似仙境 哈哈
望到寶蓮寺
行番去市集
好多狗呀 嬸嬸成日話佢地係咪食肉 ?! 佢覺得呢 d 地方應該係以食齋為主呢 哈
行下影下 咁啱堂細佬兩公婆約咗 d 老表喺大澳 BBQ 我地又見到有巴士去大澳 所以行去睇 雖然去大澳只係要 20 分鐘 但一個鐘先一班車呢 同埋我地啱啱已經 miss 咗一班車 無理由依家排定隊家嘛 咁叔叔又要 5 點前番到馬鞍山 所以都係唔去大澳喇 搵個地方食下嘢補充體力 一陣再去心經簡林 ~
嬸嬸鍾意食沙律 叔叔 lunch 多數係齋啡 Toast 所以我話去 Eleneezer's 多 d 西嘢嘛 哈哈 ~
去大澳嘅巴士站
我同奧就食希臘沙律 嬸嬸名叔叔食 Garden Salad 叔叔習慣每日一齋啡 所以我過去隔離茶餐廳買 要 $25 一杯 我覺得勁貴呀 之後嬸嬸話杯齋啡有 d 燶味 我就唔識咯 只會覺得係苦味 哈哈
燒雞肉卡巴 有 d 辣辣地嘅汁 我覺得好味呀
食完又起行喇 沿途都有幾間山水豆腐花店
行去心經簡林嘅方向
呢日未完架
沒有留言:
發佈留言