蜜糖豆炒臘肉 + 豉汁蒸鯧魚 + 雙丸炒銀針粉 ( 3-NOV-2016 )

( 3-NOV-2016  THU )

呢幾日涼涼哋好舒服呀   如果唔駛番工   真係日日行山都唔錯   哈哈 ~

激死我   今朝先醒起 U 有特別版 Minions 旅行頸枕   一落車去 7 仔同 OK 都無哂貨  問埋報紙檔都無   之後即打比里奧大人幫手   咁啱家姐又打嚟   叫佢都一齊搵呀   哈哈   佢仲勁   幫我去幾間報紙檔   之後再行去 7 仔同 OK   不過都比人買哂 lu   家姐同里奧大人話睇緊嘅時候   隔離嗰個都係搵緊 U   因為望嘅方向都係雜誌區   家姐話有個直頭同佢一樣   行完報紙檔再 7 仔同 OK 呀   都幾搞笑 ~

咁家姐問本嘢幾時出㗎 ?!   我話今日呀   家姐高 8 度話: 今日 ?!   佢無諗過今日出   今朝已經買哂   哈哈   家姐話如果尋晚同佢講   佢同事可以買到   但我話我自己都唔記得有 Minions 呀   無計啦   呢排都不在狀態 ~

早餐食熱狗   想食啲酸咪咪嘢 ~

菇場忙呀   抖幾日忙幾日   不過我都係鍾意忙   有時上網上到唔知睇咩好呢 ~

Lunch Time 出去食粥   因為勁想食炒米粉   哈哈 ~

食完又行陣   諗住買甜醬   行咗幾間超市都無嘅   激死 ~

仍然忙呀   所以覺得好快就放工咁呢 ~

今晚唔駛去街市買餸   時間好用好多架   今晚攰呀   都係唔熨衫   想抖下 ~   

里奧大人 7 點半先放工   咁我都預備煮嘢 lu ~   

是日晚餐 - 蜜糖豆炒臘肉 + 豉汁蒸鯧魚 + 雙丸炒銀針粉 

蜜糖豆炒臘肉 - $14/斤   檔主話好平㗎喇   但其實我都唔知本身幾錢   但下次唔買啦   好多渣嘅   嗚 ~  

豉汁蒸鯧魚 - 尋晚買定   好在唔腥咋   其實好想食煎魚   但好驚煎到甩皮甩骨又唔脆   咁就最激氣   嘥哂啲心機   哈哈 ~  

雙丸炒銀針粉 - 我無食呀   咁留番聽日做 Lunch Box ~

搞掂哂都 9 點幾   即沖涼喇 ~

今晚 11 點都瞓   雖然涼涼哋   但都要開冷氣瞓   我鍾意靜啲咁瞓呢 ~