海逸皇宮大酒樓 @ 紅磡 ( 8-NOV-2016 )

食咗 3 件乳豬   脆卜卜嘅皮真係好好味  

舅父好心急㗎   所以我都唔影相喇   呢晚食咗 3 件乳豬同 2 粒帶子西蘭花都已經飽哂 

( 8-NOV-2016  TUE )

今朝都 ok   不過個人仲係好攰   所以都係打的   幾日無食嘢   真係無咩力行路呢 ~

早餐食芝腿治   其實唔餓   但點都要食囉   食剩半件留番做 Lunch ~

菇場忙呀   嗱嗱聲搞掂哂就了咗心事   可以抖喇 ~

Lunch Time 出去買麵包比里奧大人   咁想食啲熱嘢   就去買燒賣 + 炒米粉   但勁難食   仲要係越食越想嘔咁   我都嘗試抖陣再食   但都係食唔落   終於都掉咗去呢 ~

個肚有啲赤赤痛   好在唔係冤冤痛   因為今晚要去食舅父結婚飯   無得番屋企休息 ~

放工去荷里活廣場坐住等里奧大人放工   因為真係無本事周圍行囉 ~

佢差唔多 7 點就放工   約佢喺九龍塘站等   之後再打的去紅磡   咁我問啲職員點去的士站   跟足指示咁行   但好奇怪係要上月台   之後嘟八達通先可以出去的士站 ~

見到的士站好開心啦   咁我嘟啦   又唔比我嘟喎   我再問職員   我點可以行出去的士站   佢話無得行出去   嚇死我啦   我唔識點樣再行番出去的士站喎   咁再問 Information   佢都奇怪點解我上咗嚟   之後佢話我在九龍塘站已經嘟咗   其實我都亂哂龍   咁我好驚話咁點呀 ?!   我想出去呀   之後佢比張飛我   我可以出去的士站 ~

其實可以直接喺紅磡再行去酒樓   不過要行成 10 分鐘先到   里奧大人驚我頂唔順   所以都話打的好啲   同埋我哋應該係最遲果兩位到   再行埋又要搵路就仲更加遲   我唔係咁想啦 ~

去到都齊哂人 lu   即時開席   好在剪髮表妹同影相表弟無去咋   唔係我哋就一定無得同班老表坐囉 ~

食到 9 點幾就散水   我同里奧大人就打的番屋企   番到屋企即沖涼   10 點半即入房瞓喇 ~