Babymama: 慢活。墾丁 & 高雄。台南 DAY 1 ( 19-NOV-2016 )

( 19-NOV-2016 SAT )

今朝 4 點半要起身喇勁眼瞓呀哈哈不過唔敢懶床囉 ~

其實可以 4 點 45 分先起身嘅但唔想搞到咁趕因為出門前一定 check 好哂所有証件再關哂水制同煤氣制點都要啲時間嘛寧願早小小搞掂好過心心急急 ~

諗住睇下有無得拎 i-money 點知實在太早未送到黎呀咁即打道回府啦哈哈條街靜英英其實都幾驚

咁早實要打的去機場啦約咗 5 點 45 分但佢 5 點 40 分已經到停車場咁啱我地又早到咗 5 分鐘呵呵 ~

車程好順呀只係 30 分鐘就到機場平時最快都要 35 分鐘呢 ~

好多車咁喎

到此一影

@ 6:24am

我地 H 區 Check-in 我同里奧大人講話咁早無咩人

去到 Check-in Counter 原來已經有咁多人排隊好在里奧大人已經喺網上揀位所以只係磅行李就搞掂 ~

大排長龍

呢個喼係 9.8 kgs

另一個就 14.7 kgs 應該裝咗叉電器呢啲重嘢

次次見到佢揹住個大背囊就覺得重不過其實佢番工都係咁大個背囊

里奧大人知我鍾意去 T1 所以話早啲行入去食嘢睇下嘢我真係覺得去 T1 先有旅行 Feel 㗎 ~

好多店舖當然未開啦如果唔係行下都唔錯

過完關即去大家樂喇感恩有人啱啱走我地可以好快有位坐呢 ~

呢度就永遠都咁多人哈哈

差唔多全部都係男人買嘢 Good 喎老婆們可以坐喺度等食哈哈

估唔到係 2 隻烚蛋想唔飽都難啦我個牛角包係脆㗎但里奧大人嗰個就係腍囉

食完又周圍行啦我勁呀忍到手唔買嘢呀居然反而里奧大人係都要我買直頭搶住包嘢去比錢好在要排隊我即刻搶番放回原位佢真係估唔到我咁忍手我話依家要慳錢 ~

番到香港去優品 360 睇下價錢原來要過百蚊一包我仲以為一百蚊以內添咁機場買咪好抵 ?!

8 點鬆啲去到閘口 最鍾意搭早機可以多啲時間玩嘛

影下愛人

機來機往真開心

8:17am 排隊喇

我仍然睇緊飛機哈哈

8 點 35 分上到機喇

買咗呢本旅遊書

下雨了

9 點喇停咗雨 lu 但仲未起飛 @@

9:40 am 起飛離哂譜囉原定係 8:55am 起飛架足足遲咗 45 分鐘 ><

泊得好齊嘅飛機

望下藍天白雲等自己平靜啲哈哈

越來越好天

又見到直不甩嘅雲

好曬呀要關窗喇

9:50am 派餐我覺得好似錢罌

中式點心唔熱嘅 @@

@ 10:31am 再望多一下雲海

@ 10:32am 已經進入台南喇

好多貨櫃

唔知係咪住宅區呢 ?!

又見到一粒粒貨櫃

10 點 42 分降落一個鐘頭多啲就到高雄真係快過九龍灣入長洲喎哈哈 ~

安全降落今次只係輕輕 "鄧" 咗兩下最怕降落之後係咁 "鄧" 到停機呢

里奧大人影咩呢 ?!

@ 10:52am 落機喇

影到里奧大人好似殊殊咁哈哈哈哈

開始有啲興奮喇

"盥洗窒" 我讀個 "盤" 洗室呀但之後上網睇正確係讀 "貫" 字

等咗好似十幾分鐘

顯示牌差唔多咩 Status 都有齊

11 點 20 分拎埋行李就出去喇我問里奧大人點樣同民宿啲人相認㗎 ?! 佢話會有人舉牌我話叫佢唔好咁快相認等我影埋相先好認 ~

@ 拎埋行李旅程正式開始 Yeah

我地要唱錢先咁先有錢買電話卡同民宿嘅人聯絡 ~

喺呢度兌換錢

HK$1 -> NT$3.94

兌換 HK$7,0000 (NT$27,550) 應該夠駛

一路行都唔見民宿嘅牌喎我哋已經遲咗唔通佢地仲遲過我咃 ?!

牛咁眼望住都唔見 "愛情海民宿" 個牌

去中華電信買電話卡

搞笑呀好似影埋女仔對鞋但其實係塊鏡嚟㗎哈哈

坐呢啲特急線都方便

搞掂哂都仲未見人來接我地咁即打比民宿負責人啦點知無人聽之後再打多次先話司機黎緊離哂大譜諗住坐佢地車會方便快捷假期仲要收多 NT$200 家嘛但我地點都要坐啦因為直接去到民宿門口嘛我地第一次去墾丁人生路不熟唔知去咗邊仲煩 ~

@ 11:29am

@ 11:36am 仍然喺度等我頂。。。。。。

全世界都有博愛座 ?!

里奧大人去完洗手間就同我講話自動紙巾機好得意一出紙巾就變綠色燈我又入去試下哈哈

@ 11:53am 喇簡直挑戰緊我容忍嘅極限所以要飲啖茶食塊餅冷靜一下

足足等咗半個鐘真係等到火都黎我知去旅行唔好嬲唔好影響心情嘛但我覺得佢哋最基本嘅服務態度都無呀咁都可以遲到嘅 ?! 我一心諗住民宿安排有車接送係好貼心嘅服務點知原來係咁對佢嘅印象已經大大打折扣喇 ~

我同里奧大人講一陣唔會比 Tips 佢地但如果係呀伯就算啦我雖然把口賤但我覺得老人家仲要揸長程車真係好辛苦囉 ~

好喇 11 點 55 分終於收到司機電話喇佢話已經到機場叫我地過條馬路就會見到佢喇喎 ~

怒氣沖沖殺出去喇

過馬路去停車場好在無落雨咋

噢佢真係阿伯來呀真係連個天都叫我唔好鬧人哈哈衰奧話呀我識用國語鬧人佢就驚喇哈哈 ~

@ 12:02pm

架車都幾污糟下噃

九人車

之後佢老婆都上埋車佢地話本身負責接我們的車壞咗喎所以他們臨時被急電召來接我們不過真真假假都唔重要啦都已經遲咗 ~

12:05pm 開車

但老實講我已經對台南第一印象已經唔好架喇

排班計程車排班停車場其實即係 Taxi Parking

沿路都無咩車

人都唔多個

有間 "青島村基督教會"

都有唔少車房

但仍都見到好多舖頭都係關門

獨立屋但住呢度真係好唔方便囉有車都咁話

勁眼瞓呀坐車無耐都瞓着咗瞓咗半個鐘左右就醒喇起身都已經 1 點之後里奧大人又同司機兩公婆傾計佢地話墾丁熱咗好多以往 11月係無咁熱架同埋好似呢年夏天墾丁天氣接近 40 度呀真係聽見都熱 ~

我地坐九人車所以坐位非常之舒服

高速公路

一起身司機叔叔就叫我地望右邊

經過買包嘅地方司機叔叔又問我地食唔食包 ?! 里奧大人話唔駛喇之後話呢間包好出名架咁我知佢講邊間 lu 我算勁喇都聽到 1/3 哈哈因為天書都有介紹呢間小杜包子但原來喺公路附近咁應該唔會特登去食 lu 哈哈 ~

最鍾意睇唔同型狀嘅雲

好似好大風咁

另一邊係山

全家都鞋鞋聲哈哈

酒店 ?!?!

又見到教會

1 點 40 分到民宿司機叔叔佢話佢地遲咗所以唔收 NT$200 咁佢地又未食飯所以我地照比番佢地呀反正都預咗比呢 ~

一見黃色牆就諗起阿 mi 屋企

呢啲擺設一睇就知住近海嘅地方哈哈

好耐無見呢啲電話 lu

我成日講咗愛琴海哈哈

我一入到去第一樣就係睇下有無 Local tour 好感恩一睇就睇到仲要大部份係我要去嗰啲最開心係每人 NT$700 因為我預咗起碼要 NT$2,500 包車依家唔駛啦感恩感恩 ~

民宿個女仔見到我拎一疊紙出黎佢笑住話我有做準備梗係啦雖然預咗跟 Local Tour 啫但如果半數地方唔係想去我唔跟㗎 ~

2 個人包車就好貴喇

每人 NT$700 就抵喇因為我會搭的士去景點車費都唔野小囉

活動預約說明

上房喇

好有去 Camp 嘅感覺

原來仲有得上去不過我無上去睇呀

有熱水機我覺得好唔錯呀

有茶包同咖啡免費供應

下列規則要遵守

每間房都有唔同嘅特色

我地住泰式風情我問里奧大人點解揀泰式佢話係民宿幫佢揀㗎

希臘風情我覺得成間房係藍白色

對門好似好矮咁嘅我好鍾意呢個木櫃呀

一目了然

好有 "駕步" Feel 嘅浴室設計哈哈

心型浴缸 ?! 應該係比兩個人浸浴啩但我覺得個設計比較怪

右手邊條魚嘅水龍頭原來係膠喉黎架估佢唔到呢

有齊淋浴露同洗頭水不過我地都係用番自己帶嚟嗰啲

里奧大人守身如肉所以即入廁所關窗但原來係關唔到嘅 @@

大小毛巾

分錢最緊要我有 NT$5,000

2 點鬆啲就出去食嘢喇天呀駛唔駛咁熱呀仲熱過香港 @@

見到廚房

藍白色呢棟就係 "愛情海民宿" 喇

相比隔離座民宿我覺得呢間民宿嘅設計好靚呀哈哈

我地由呢邊入黎但沿途唔見有任何商舖

好唔起眼嘅 "墾丁。愛情海民宿"

Lobby 出面係咁嘅里奧大人問緊管家點出去墾丁大街

隔離座嘅民宿設計好似幼稚園咁哈哈

見到隻貓即刻諗起阿 mi 叫里奧大人快啲影比阿 mi 睇呢隻貓貓係住喺另一間民宿㗎

幾有氣勢

個姿勢好得意呀同埋覺得佢好乾淨綠色眼睛又好靚

好曬呀

沿途都係民宿

里奧大人影到爆哂光佢話太耐無用相機同埋帶住副超嚟影呀哈哈

日光日白就睇到個指示牌囉

仲有啲民宿係興建中

去旅行好多時都會影低附近有啲咩咁樣就唔會認錯路啦 (希望)

最鍾意咁 Colorful 嘅設計

行出去大街了

好似好靜咁噃

我同里奧大人講話台灣都有 "康師傅" 佢叫我睇清楚啲啦哈哈哈哈

住喺大街位置就好嘈 lu

去台灣一定食牛肉麵啦見到有間門面唔錯咁就入去啦最緊要有冷氣雖然唔係好凍但都接受到起碼唔焗 ~

我一定一定唔會坐出面

室內唔錯喎

種類唔多咁就最好唔駛三心兩意哈哈

最愛嘅木制品

辣椒油

太熱喇見到西瓜汁就好想飲

我嘅招牌牛肉麵 (NT$220)

里奧大人嘅紅燒牛肉麵 (NT$180)

我好鍾意食呢啲麵㗎有口感用黎做冷麵都好好食呢

我又要食辣但又要驚哈哈好在小小辣都 ok 啦

小黃瓜 (NT$60) - 我用"好流利"嘅國語問老闆娘呢啲小黃瓜係咪酸 ?! 佢話係所以拎碟來食呢天氣熱真係要食啲酸嘢

西瓜汁 (NT$80) - 我覺得酸酸地咁

呢餐要 NT$540 我覺得唔平喎仲以為台南食嘢好平添哈哈

@ 牛肉三

3 點 15 分食完就去第一個景點 "恆春老街" 我同里奧大人講話呢次旅行最大開支應該係交通費因為睇天書如果去 d 景點好多公車如果 miss 咗要等半個鐘有啲要一個鐘我一定唔等囉因為如果每個景點都 miss 咗一班車咁就大鑊 ~

見到的士即問司機去恆春老街幾錢 ?! 佢話 NT$300 咁我地上車啦其實豬咗應該再問另一架先再搭嘛 ~

3 點 23 分開車 3 點 37 分就到咁就 NT$300 我估我地都應該比人呃咗喇哈哈 ~

影相留念

我覺得條電燈柱好靚

點影都得

星期六喎居然無咩人

Hello

唔記得呢座係咩

我同里奧大人講唔係間間都叫老街乜乜乜呀嘛 ?! 咁好易記錯哈哈

我好飽如果唔係一定會買嚟食

台灣好多都鍾意用媽媽麻麻做店名

好多人都以單車代步

天書話呢間 "玉珍香" 嘅蛋卷好味不過臨走先買

好多舖頭都無開嘅天書又話星期六日係最旺嘅 @@

好老街 Feel

入去睇下

里奧大人問我知唔知藍色膠箱裝啲咩我話冰囉佢好驚訝咁話我好叻呀咁都知我話因為頭先見佢地打開個箱拎啲冰出來呀嘩哈哈哈

強調係古早味但對我黎講係無咩用因為我不是在台灣出世呢

成碗都係冰

其實我一入到去見到啲人食緊一 pat 漿糊咁所以我想走但里奧大人話咩都試下嘛味道就無咩材料就有啲綠豆有啲一粒粒煙韌嘅嘢咁啦但食完真係好消暑呢哈哈

好多廣告

@ 恆香阿伯綠豆饌

我發覺墾丁街頭都好多狗狗

又周圍行下 lu

里奧大人問我要幾多塊我話一塊就夠啦又唔知好唔好味喎同埋呢啲好飽肚㗎

真係好鍾意食三星蔥因為家姐之前去宜蘭買咗啲三星蔥餅比我食我覺得好味道

里奧大人又問我點解要 "cup" 住我話叫佢直接問老闆娘哈哈

坐喺呢度食但其實無冷氣架有啲焗添不過唔理喇唔想拎住周圍走

有個人買咗幾塊但仲未黎拎所以老闆娘就比其中一塊比我地一樣係熱辣辣架又勁香胡椒粉味超勁正但食完就感覺到超級勁熱氣囉成個鼻窿慶哂呀 @@

有路就行但完全無遊客咁滯好似死城咁 @@

貳億即係港紙 5千幾萬如果我中咗即刻搵地起民宿哈哈但當然我唔會買彩票啦

我同里奧大人講話係 "屙綠豆"

其實里奧大人唔講我都無留意街道名係重覆咁呢

PINK PINK PINK

好舊式嘅屋

有 5 隻狗跟住個男人

流浪漢 ?!?!

行下行下差唔多行到西門

@ 西門

得一塊牆感覺好似澳門大三巴咁

車同人都係捐山窿過去

簡介

幾得意喎

西門入面就係咁喇無咩特別所以都係走人 lu

我一 take 搞掂唔係唔知要跳幾多次哈哈

我睇咗好耐先係咁易影一張諗住再影啦點知諗住再影佢地都唔知飛哂去邊 lu 里奧大人話佢地飛咗好耐啦佢哋都好攰㗎哈哈零零舍舍有一隻飛得好快唔通係大佬來 ?!

實在太熱氣又要食綠豆饌今次去呢間 "柯綠豆" 試下先

坐喺街邊食算喇反正室內都無冷氣同埋最慘係好焗囉

好在無咩車所以坐喺街邊食都 ok 㗎呢間用黑糖做糖水我覺得幾好味同埋唔係話好甜咁我地覺得呢間好味啲呀

里奧大人問老闆娘點解會出現兩個一樣嘅路牌老闆娘話佢都唔知哈哈

里奧大人話鹹酥 G 係咩個名咁得意嘅我話鹹酥雞呀佢又問我點解知大佬一睇就知係諧音啦之後再行近啲睇成隻 G 樣做 Logo 呀仲唔係 G ?!

非常舊式嘅商店佢擺咗好多箱樽裝飲品

人影都唔多隻哈哈

好多店舖都 Closed

呢個玩意夠哂經典啦但咁樣托住好唔穩陣咁喎

里奧大人知我鍾意打邊爐問我試唔試呢間臭臭鍋我話依家咁鬼熱睇見個鍋字都已經唔想食喇哈哈

如果我只係記住中山老街就慘

無咩車又無咩人好定唔好呢 ?!

差唔多日落

行行下又落毛毛雨好似想越落越大咁所以即刻飛去 7-11 坐下等停雨再行呢 ~

Open 仔我喺台中見過覺得佢幾得意呢

我同里奧大人講話送比阿 mi 佢話大吉利是哈哈我話阿 mi 最鍾意講無得救同埋講夠鐘食藥嘛所以一見呢個醫生組合就諗起佢囉呵呵

佢地背影好似好寂寞咁哈哈我地係入咗去先知原來 7 仔係有得坐再行入啲直頭有四人枱添架可以買杯咖啡坐喺度消磨時間

隔住塊玻璃望出去架塊玻璃幾咁乾淨哈哈

咁開揚真係好舒服

勁想買黎食呀不過計番港紙好似要成廿蚊雞太貴喇所以唔買 lu

裝哂柑嘅貨車如果我同里奧大人咁講佢可能以為係裝哂金嘅貨車哈哈

呢架就係賣臭豆腐同泡菜

無雨就即刻走喇

"精巧"自助餐我望入去都幾乾淨如果民宿附近有我都會想試下樣樣夾啲都唔錯

里奧大人話呢個阿伯架車好勁喎

車中車哈哈

細細個嘅郵筒

好舊式嘅招牌

度度都差唔多樣所以成日行來行去都係果度哈哈

好多阿婆阿伯坐喺度吹水

日落喇

呢度好多人排隊等食鴨肉冬粉終於叫做多人喇

唔記得點解又入黎 7 仔

大大包薯片正呀但又唔係話好想買嚟食

行到南門

好想食所以行去睇咩價錢因為如果無 1 隻賣我就唔食 lu

買咗 1 隻炸雞翼好似 NT$20

嘩超勁好味呀香香辣辣如果唔係驚熱氣真係想番轉頭買多幾隻黎食不過一路行一路食其實都幾唔方便哈哈

個天差唔多黑哂 lu

買埋一 pack 蛋卷就番墾丁喇

行到 5 點半就走人咁諗住打的啦點知一架的士都無咁繼續行行行啦又落毛毛雨喎最慘唔記得帶遮 ~

諗住有公車坐公車但最慘係唔知個站喺邊唔似香港咁有個巴士站咁架 ~

越行越唔對路又一架的士都無喎所以同里奧大人講話見到公車就問係咪去墾丁囉咁行唔係辦法行咗 20 分鐘去到一間酒店門口諗住入酒店叫佢地幫我地叫車番墾丁點知有個講國語嘅男人問我地係咪去墾丁因為佢又係唔識搭車呀咁我地話等唔到的士之後佢指住架公車話佢喺坐呢啲公車黎恆春老街嘅咁佢上車問司機係咪去墾丁司機話係我地都跟住上喇出路遇貴人呀感恩感恩 ~

個男人比番車錢比里奧大人但里奧大人話唔駛啦我地多謝佢帶我地搭車就真呀依家每人都係 NT$30 如果打的要 NT$300 幫我地慳咗 NT$210 抵比抵比 ~

最搞笑里奧大人叫我睇住落車我話大哥第一已經天黑黑睇唔到路第二係根本都唔知邊個站點睇住落車呀哈哈好在司機叫我地落車同埋個男人睇住 GPS 咁我地無咁驚呢哈 ~

@ 17:47pm 個天已經黑哂喇