8 點起身 沖埋涼就去食早餐 ~~~~
眼力唔好就好易仆親 哈哈哈哈
今日坐呢度
望住呢度
煙燻鴨胸
醃漬鮮菇沙律
花枝慕斯沙拉 (Squid Salad)
我覺得把刀咁樣放 好危險
日式照燒雞腿
紅燒油豆腐 (蛋奶素)
精選義大利麵
鯖魚
炸薯條
炒雜菜
法式炒蛋
每日新鮮果汁
生果
燒賣
黑糯米
唔算多人
呢份早餐係我嘅
呢碟好味道呀
里奧大人食咁少嘢嘅 哈哈
真係覺得自己好勁 食咁多壽司
夾埋酸瓜一齊食 正呀 我由細到大都鍾意食酸青瓜 麥當勞嘅漢堡包塊打瓜 里奧大人同家姐都唔鍾意食架 但我好鍾意喎
呢個海鮮粥 腥到呢
咖啡幾好飲
再黎 哈哈哈哈
我唔係咁鍾意坐 Bar 枱 因為傾計要側住一邊來傾 同埋我腳唔長 上落比較辛苦 哈哈
又係食咗個幾鐘 其實食物都 ok 架 因為有我鍾意食嘅壽司 ~
今日無咩特別想去 去天書介紹嘅地方咋 同埋今日可能捷運遊 咁就可以用盡張 one day pass 喇 ~~~~
我們的房間
呢張梳化坐得唔舒服嘅
古式古香
雲石地板 感覺好跣 哈哈
黑色 lift 幾咁有型格 哈哈
對面係咪好古老呀 哈哈
跳下先
有隻白鴿
搵路 ?!
里奧大人話喎 佢要低炒咁影 先顯得我跳得有動感 因為。。我真係好難跳得起 哈哈
無人感覺係好舒服
10 點 44 分了
我好多時都一shot 搞掂 唔係里奧大人跳到氣喘都似 呵呵
嘩 算係好多人架喇
我叫佢做下其實動作 哈哈
天幕真係好靚
着哂長袖 真係睇見都熱
搭捷運去中央公園站嘅彩虹市集 上網話好多嘢睇 我又唔覺喎 @@
我地去新光三越
揹住背囊跳住來影 其實係好攰 哈哈
行到入去先見到 "彩虹市集"
都唔記得點解又行番呢度 lu 定係特登影張相呢 ?!
行番出去睇下
呢隻老鼠定狗呢 ?!
終於搵到 "彩虹市集" 喇
@ 彩虹市集門口了 出面可以坐
台灣嘅 7-11 實會有關東煮
呢 d 食店真係唔多吸引
其實係咪個個一樣樣架 ?!
唔同 size ?!?!
幾靚
呢個又唔同款 其實我對呢 d 完全無興趣
之後再行三越 仲更加唔想行 因為個場好焗呀 同埋好多都係連鎖店同名牌 完全無興趣 ~
雖然瞓得好好 但真係焗到好攰呀 ~
@ 新光三越
好耐無見 PRINT 出來嘅 Directory 了
里奧大人話呢個包好似幾好味咁 不過我話我唔想食 所有佢無買了
依家喺台南買個包都唔平喎 咁喺台北咪仲貴 ?!
又 12 點喇 我話想飲杯咖啡 里奧大人話去 Starbucks 飲啦 懶得去搵其他 Coffee shop 咁又係 個商場好焗 我都唔想周圍搵 ~
抖咗 40 分鐘又好似好 d 咁喎 之後又 hea 行高雄啦 我覺得真係好似去咗廿年前嘅大陸咁 仲要係周圍人都唔多個 感覺好似死城咁 ~
唔算多人
坐呢度 hea 下
坐呢度 hea 下
搞笑呀 里奧大人好似揹住個 "入口"牌字嘅背囊咁呢 哈哈
價錢同香港差唔多
里奧大人話我好鍾意睇 Menu
自拍留念 ?! 其實影緊我 哈哈
影來影去
出去睇下
望出去係咁
望上去係咁
好舊式嘅長途火車
應該係住宅
附近就係咁架喇
觸動男視線 哈哈
入番去喇 哈哈
行落去睇下咩來
田園鐘
其實我係 load 相先知里奧大人影咗 d 咩嘢相呢 最搞笑佢問我 隻手係邊個 ?! 之後佢話應該係佢 因為好多手毛 咁你仲問 ?! 我咁多手毛就嚇鬼死你啦 哈哈
有 d 恐怖
叢林中的新光三越
我着長袖外套 唔通呢日有 d 涼 ?!?!
如果有隻真牛喺隔離 都咪話唔驚 我講緊我
幾悠閒
見電單車多過見人
又想落雨咁 lu
我親眼見 都唔見有藍紫色喎
都幾靚啊
@ 12:47 pm
又見到夾公仔
OK 吸引 哈哈
搭捷運真係好方便
好想去巨蛋呢個站
所以到此一遊 @ 巨蛋站 妳話幾咁無聊丫 哈哈
一出到去見到咁 即搭番車走人喇 嘩哈哈哈哈
但估唔到幾多車來來往往噃
但人真係唔多個囉
飛番落去搭捷運
終於見到有一個人
我幾鍾意呢張 POSTER
無人又跳下啦
1 點 45分到了
溫馨提示 唔錯喎
跳出去睇下咩環境先
一出去係咁
我跳起上來就係咁 哈哈哈哈
好喇 行下行下都 2 點 係時候食 d 嘢 里奧大人話喎 朝早食菜咋 所以佢有 d 餓 反而我又唔餓 因為我食咗好多壽司 哈哈 ~
無嘢行嘅
真係好老土 哈哈
我地要澳洲和牛牛排 但我唔餓 所以叫一份餐 share 食 如果想食就再叫 咁就唔會嘥嘢了
開餐
呢杯可樂夠哂凍 爽爆
都幾好味
兩款前菜
沙律菜份量都好多
唔記得係咩 lu
牛肉飯份量又係好多 係一大碗呀 share 食完都飽飽地了
好多 kiss 相
張張都 kiss 喎 唔通有嘢送 ?!
好似 Display 咁 哈哈
白色呢塊好似係芋頭 慘啦 完全唔記得係咩來添 @@
剪好就可以食
話咁快就接近 2 點半喇
嘩哈哈 迷底解開喇 原來真係 kiss 10 秒就有嘢送
埋單 NT$605 抵食呀 兩個人食都夠哂飽 仲要係有咁好嘅服務添
地方闊落 冷氣又夠 真係好舒服呢
我初初以為係 jelly 來架
Toilet 標誌幾得意
走人喇
車手衫
Locker ?!
@ 乾杯
成條街都係食店
3 點走人 再周圍行 呢幾日行咗十年嘅路咁呀 哈哈 ~
唔好落雨呀
入去睇下
幾靚喎
最鍾意呢 d 公仔 哈哈
]@ KAOHSIUNG CITY
坐喺度食嘢都幾舒服架 因為無咩人同車呢
我仍都好鍾意呢 d pattern 架
白色樹幹
呢個牌有 15 年了
沿途都好靜
痴埋一嚿
我叫里奧大人跳下啦
d 大廈殘舊到呢 ~~~~
woo 好懷念中學嘅日子呀
原來仲未起好嘅
唔知對面嘅東南大樓係咪吉嘅呢 ?!
又行番黎呢度
行埋教堂 再去愛河 真係超攰 我要坐呀 坐咗 10 分鐘又走人 lu ~
@ 愛河
無咩特別
越望越眼瞓 哈哈哈哈
里奧大人行前 d 睇下有無嘢咩
係無嘅 所以可以走人
呢隻觀光船都幾得意
跳上車頂
好舊式嘅手寫廣告
嘩 呢樹喺乜地方來架
85 大樓
呢座大廈又係吉嘅
d 人去哂邊呀究竟 ?!
對面大廈 d 窗係咪無咗呀 ?!
睇真 d 真係無窗喎 又唔維修 咁不如成座送比我啦 哈哈
好多袋唔知咩放喺地下
我同里奧大人話落呢條樓梯 唔知去邊嘅呢 ?! 之後佢大笑 話係行去前面果度囉 真係唔夠 20 步就係出口 救命 咁樣咪仲行多咗 ?!
又番番來喇
有番 d 人氣 好似番番現實咁 哈哈
好多樹 好舒服呢 里奧大人影緊個鐘
小朋友放學 突然覺得充滿生氣 哈哈哈哈
畫上去架
行下呢條街 因為見到好多 Boutique
好多嘢食咁噃
再行入少少 我幾想食滷味 不過見到大大份就唔買 lu 一個人實食唔哂囉
行下先
又見到夾公仔機
呢 d 大型電影海報 好耐無見了
另一邊
5 點就搭捷運番酒店休息 對腳就黎斷咁滯 哈哈 ~
終於可以 chop 喇
抖到 6 點就出發去凱旋夜市 睇 blog 話好多嘢食嘛 咁一定去食啦 同里奧大人講話今次見到想食就好即買黎食喇 ~
出捷運站再行行行 行咗可能都有 20 分鐘先到 ~
@ 凱旋站
成條路 無人行架
頂 咁辛苦行到去 估唔到得幾檔開咋 諗到一陣又要行番去捷運站就想喊 ~~~~~~
咩。。。。 料。。。。呀 ?!
就係咁 我唔再相信 BLOG 上所講嘅嘢
好開心見到輕軌啦 點知要等 15 分鐘先去到夢時代 之後里奧大人話行去捷運站好過 我只能心裡流淚話好囉 ~~~~~~
里奧大人話不如話去六合夜市食嘢啦 咁又係喎 其實我都唔知夢時代有咩嘢食 但當下又諗唔到六合喎 豬豬 ~~~~~~~~
打道回府啦 頂
見到有車幾鬼開心 點知。。。。
企喺對面望到開哂燈嘅夜市 係咪比好大希望人丫
要等 15 分鐘先有車 所以唔等喇 無得食已經好痛苦 哈哈
二人漫步 從回初戀之味 嘩哈哈哈哈哈
影下相啦 難得成條街無人
行來行去 哈哈哈哈
呢勻真係開心到跳起喇
好在有扶手電梯
好得意
7 點 45 分鐘去到美麗島站 再喺捷運站入面行去夜市 我見到個女人拎住喼落電梯 但等咗一陣先敢落電梯 始終電梯行緊係危險 d 嘅 之後落到去 原來佢老公等緊佢 佢老公仲話做咩咁耐 個女人發脾氣話個老公 你都要理下後面先得架 只係掛住自己行 嘩 果下真係忍唔住同里奧大人講話佢真係好好 因為佢一定會顧我先 我太論盡嘛 又驚驚青青 真係好多時佢做好過我做架 哈哈 ~
聽日就到我咁拎行李落捷運站喇
我開始有 d 餓喇 一去到六合夜市 咁啱有香港團落車 咁就熱鬧好多喇 ~~~~
好餓呀 要飛去六合夜市
依家食力不大如前 里奧大人又唔食煎炸嘢 小咗好多選擇 食幾樣已經超級飽喇 ~~~~
@ 六合夜市
好多香港團友 導遊教佢地食咩 之後就解散 lu
招呼站 叫法好得意
買杯木瓜牛奶
馬英九都支持 哈哈
里奧大人買咗 1 件蔥抓餅 邊行邊食
原來都買咗 1 個胡椒餅 事隔太耐 都唔記得有無買黎食 睇相見到里奧大人隻手比錢 咁就肯定有食啦 哈哈
終於搵到臭豆腐
我呢檔 NUMBER ONE 架 哈哈
最緊要係有得買 "小份" 因為得得自己食咋 我唔敢食太多 驚胃痛
大堆頭
好似有得坐 但有 d 就係妳買佢地 d 嘢食 先可以坐呢
呢檔比較靜
呢檔就多人喇
原來有小丸子同涼粉 仲有一 d 好似薏米定咩
坐呢度食
外脆內嫩 個汁又辣辣地 超級勁正 初初以為得芽菜多啦 原來豆腐份量都唔少 酸菜都好味呀 呢個豆腐係去台南最好味嘅一餐 哈哈
人手搓嘅芋丸 唔怪得知口感咁好啦
我初初以為佢整緊毛巾呀
搓到一大嚿 真係睇見都攰 ~~~~
紅豆沙芋丸 (熱) - 里奧大人知我鍾意食小丸子 佢想我食紅豆沙補血 不過我一個人食哂真係超辛苦囉
刨冰機
居然掛到個電話 勁
其他檔口都幾忙
呢間豬豬仔係買手信的 有 d 醬料咁呢 不過我無咩興趣 同埋又唔係平喎
無人嘅 真係好恐怖 唔知以為係半夜 3 點
終於見番個人了
今朝睇住佢貼上去架 今晚已經見到成品
人來呀
NT$50 一個蘋果 都好貴喎
執埋哂行李 今次勁喇 我只係買咗 1 本書咁大把 反而里奧大人就買咗幾本書 同埋買手信比同事 原來去旅行唔買嘢都幾爽 依家好怕買完又執 執黎執去好攰呀 ~~~~
里奧大人又買咗呢幾本書
係都話係我拻都瘀咗 @@
沖埋涼 抖多陣 今晚差唔多 11 點先瞓 ~
呢日行程完畢
沒有留言:
發佈留言