今朝 8 點 15 分起身 沖埋涼就落去食早餐喇 ~
里奧大人先搞笑 唔記得自己着住對拖鞋 想就咁落去食早餐呀 暈 ~~~~
我地坐個位置係接近洗手間 所以我一定坐得唔耐架 哈哈
今餐無咁 heavy
經過我悉心照顧 條頸 d 皮膚好番好多啦
唔好得罪我 哈哈
細細隻好得意
我尋日見人係咖啡奶凍 我又二仔底死跟啦 不過唔好食嘅 所以孝敬埋里奧大人
咖啡冰 好細心呀
食完都 9 點半 抖到 10 點就出發去沙灘 ~
里奧大人話附近有個沙灘 所以想去影下相 但今朝好熱呀 佢驚我又中暑咁 係都話唔去 我話去啦 難得一場黎到嘛 ~
10 點半去到沙灘 完全唔掂呀 哈哈 影完幾張相就走 lu ~
民宿之前比咗呢張飲食指南比我地 仲有好多景點
好曬呀
繼續行
好多唔同色嘅電單車
原來周圍都係電單車 哈哈 真係要日光日白先留意到呢
準備行去沙灘方向
我唔記得日租幾錢
見到 Chopper
曬到呢 ~~~~~~~~~~
向太陽出發
立體 King Kong
墾丁派出所
望住隻斑馬 其實有 d 恐怖
10 點半去到沙灘 完全唔掂呀 哈哈 所以影完幾張相就走 lu ~
到唔知咩沙灘喇
就係咁咋 ?!?!
沙灘禁止游泳 ?!
望住藍天白雲真係好舒服 但真係好曬囉
我話行出去睇下 里奧大人話好污糟 唔好去喎
行過少少就有 d 污雲
真係到此一遊呢 哈哈
行番出去喇
d 花冧好得意 好似跳緊舞咁
我發覺台南 d 車真係好殘舊下
一間未起好嘅教堂
早上嘅墾丁大街 靜英英
三爸火鍋 店主係三個細路嘅爸爸 ?!
唔坐就成日見到 哈哈
呢架的士好乾淨
尋晚諗住喺呢間 Amy's Cucina 食 Pizza 但食完薯條已經好飽 所以唔去食喇
監察專用箱
好鍾意呢 d 木牌 但買來又無用 以前見親鍾意就買買買 依家真係要諗下先 唔想成日嘥錢買完又掉呀 呢個木牌都要 NT$120 架 唔平啊
呢個女仔好有耐性咁餵隻狗 我睇住佢將罐狗糧又放低又拎走 佢一見隻狗想食又放番低 來來回回幾次呀
就算佢拎走咗罐狗糧 佢都會望下隻狗係咪想食 之後佢又再拎出來 但隻狗狗唔食囉
狗狗又等個女仔出來 哈哈
4 個一齊企定定
我地一出大街 隔離就係呢間 Hi-Life 便利店 所以買嘢飲勁方便
講真 雖然係便利店 但都坐得好舒服架 又乾淨 最緊要冷氣夠呀
望出去
好多唔同款嘅茶 不過我無咩興趣 但坐喺度 無理由齋坐 哈哈
台灣叫模範生點心餅
香港就成日見呢個包裝
味道好怪 唔似茶味 @@
突然聽到打鑼打鼓 又見到呢 d 上次去台北見到人打齋 之後有晚見到大黑影 諗起都驚
後面起碼有 20 架黑色私家車跟住
又番到黎民宿條路喇 入口係咁嘅
民宿個牌真係好唔起眼囉
諗起 "黃山"
我覺得愛情海設計幾靚架 望落去好舒服咁呢
夜晚。。睇到民宿名字已經好勁
又係英文重覆嘅 ?!
我屋企係咁就發達喇 會成日叫阿 mi 喂黎 BBQ 同瞓覺 哈哈
周圍睇下 其他民宿設計都好靚
呢座設計比較簡單 勝在夠 Colorful 囉
仲不斷興建民宿 但其實真係做幾個月生意 淡季真係無咩人來
行番去愛情海 所以黃色呢座民宿係我地嘅地標 哈
見人地執房 我又影下相 呢度好似係希臘風情
退房時間都好早噃
張床對住塊鏡 感覺闊落好多
我用完嘅風筒 就咁擺喺度咋
里奧大人用完風筒 會好有手尾咁卷番好去 喺屋企都係咁 拖板條電視啦 叉電器啦 佢都卷得好整齊好靚 反而我就好求其就咁擺喺度呢
頭先買咗嘅零食 但右邊兩包餅仔 我係番咗香港 喺 2017年4月先食 好在無過期
一打開本簿 多廛到呢 哈哈 紅色牆同木枱係我至愛 不過要是自己屋企 就一定唔會紅色牆 對個人嘅情緒係唔好架
天花 Wifi
我都好鍾意呢間民宿嘅設計
出面都幾舒服 但好多蟻 @@
呢度比較有 d 亂
我好鍾意紅色呢個燈台
坐喺度睇書都唔錯 唔熱嘅話
好多貓裝飾
個千鞦咁低嘅
靚
由細到大我都好鍾意 chop 印仔架 咁依家見到 即刻拎本記事薄出來起勢 chop 咁個印水台又無咩色 要大大力 chop 囉 chop 到流汗呀 @@
見到棵聖誕樹就好開心 哈哈
呢邊牆就好似太多嘢咁喇 哈哈
原來拎出去比人洗 咁樣比我覺得乾淨 d 咁呢
拎咗 1 包上車食 脆卜卜囉 但就無芝士味
我鍾意呢把風扇 基本上呢間民宿嘅嘢 我都好鍾意 哈哈
黃色公仔又黃色牆 cushion 又黃色 連餅乾都要黃色 唔通佢都鍾意黃色 ?! 哈哈
我覺得 4 個人包車就最抵
無無聊聊咁拎本書黎睇 一揭就係呢頁 我同里奧大人話個背景咁似呢間民宿嘅 ?! 之後再睇內文 原來真係呢間民宿
台灣嘅 IKEA 書
廚房門口影架
望出去
靚呀
里奧大人痴痴的等 哈哈
等。。。。 已經 12:08pm 喇 又係遲 遲 8 分鐘都係遲
我覺得租車公司好唔老實囉 里奧大人尋日已經講明 如果坐番同一架 9 人車款先 book 點知又係比人呃 老實講 我對墾丁嘅印象係十分超級極度差囉 一到埗已經比人呃 估唔到離開都係比人呃 嬲爆 ~
同埋尋日仲有 2 pack 人 book 車 仍都係因為 9 人車坐得舒服先 book 但唔知佢地係咪咁好彩可以坐番架 9 人車囉 ~
上車之後再去接埋另外 3 個女仔就直接出高雄喇 坐咗無耐佢就去入油 佢順便行出去放水 佢無拎部手機 全程係咁響 忙到呢 ~
司機係大肥佬呀 佢一坐上車 架車真係"座"一"座"落去咁架 同埋佢好心急 一上車即開車 唔係第一時間扣同帶安全帶先囉 ~
已經嬲到慶合合 仲咁曬 ><
好想快快離開墾丁呀 老實講 去墾丁兩日咁少時間 都遇到 3 件好唔開心嘅事 (司機 2 次遲到 & 9人車變咗的士) 真係唔會再來囉 我對墾丁印象完全係負面添呀
去油站接 3 個女生 佢地全程講嘢 好在細細聲
里奧大人襯司機去廁所 就影佢 d 飲品 哈哈
依家應該無咩人食檳榔喇
差唔多 1 點幾啦 里奧大人食包童星麵 我真係無胃口 唔知係咪暈車浪 想作嘔咁 我依家唔可以坐咁低嘅車太耐 小巴又 ok 架喎 但巴士太長程都唔係太得 ~
見里奧大人逐條細細啖咁食 正路佢唔係咁食家嘛 佢話司機全程不停食嘢同飲奶 搞到佢都有 d 餓 哈哈 ~
我只知佢手機不停係咁響 但佢講鄉下話咁 真係聽唔到佢講咩 但我地估應該係接近生意 真係差唔多 10 分鐘電話就響囉 ~
沿途無高樓大廈 真令人羨慕呢
又見烏雲了
好多個桶 等人回收 ?!?!
沿途仲好多買檳榔嘅地方
估唔到有間生態展示館
d 雲一粒粒咁 好得意呀
又見到個海了
唔知台南嘅潮州係點嘅呢 ?!
13:40pm 應該差唔多到高雄 lu
司機大哥又去洗手間
里奧大人間唔中又同司機傾下計
塞車 所以我地行 shoulder
2 點鬆 d
有高樓了 應該差唔多到高雄
進入高雄市區喇
好似 "賤格" 哈哈
今日勁好天氣
居然仲有茅山符咒 @@
12 點 15 分開車 2 點半去到高雄 即係要 1 個鐘頭 45 分鐘 都算快喇 ~
右手面係 DUO 喇 酒店名唔係咁起眼
到酒店喇
其實 d 頭盔真係帶同唔帶都無分別 完全唔安全嘅
2 點半 check in 2 點 40 分上房 3 點搞掂哂就出發 ~~~~
都幾多人 check in
Lobby 都好大喎 入面仲有嘢睇架 不過無入去睇
我地住 12 樓
走廊 其實好暗架 最搞笑里奧大人番到黎香港 問我驚唔驚間酒店 我話唔係有鬼呀嘛 ?! 仲咩番黎香港先問嘅 ?! 佢話唔係 只係覺得走廊咁暗 覺得我會好驚 咁老實講 雖然暗 但就無不安嘅感覺呢
Hello
我地嘅房間 都算大呀
真係好少見到床尾係咁 @@
免費提供嘅茶包同 2 支水
真係好少見到床尾係咁 @@
免費提供嘅茶包同 2 支水
自家品牌
好乾淨啊 菇場嘅熱水壺入面係生锈架
洗手間好大好乾淨 同埋好光猛 哈哈
浴缸 我無浸浴呀 因為唔想洗個浴缸
企缸嘅花灑 水力都好夠
望出去係咁嘅 真係好羨慕無高樓大廈嘅城市呢
酒店對面 其實廿年前係咪都係咁呢 ?!
里奧大人話見架的士咁新咁乾淨 所以買下去機場幾錢 ?! 係 NT$300 咁又平喎 唔通好近 ?!
我做到呢個動作就勁喇
里奧大人似乎真係好鍾意呢架的士喎 呵呵
umm 呢度似乎唔太吸引
我覺得係買手信嘅地方
等人 ?!
酒店轉個彎就係美麗島捷運站 所以真係好方便 里奧大人話佢有做功課架 哈哈 不過訂機票住宿真係由里奧大人一手包辦 我一 d 都無參與架 我只係答好 佢就即 book 呢 ~
今日都係預咗 hea 過 咁我話去大遠百嘅誠品啦 ~
@ 美麗島站
鬼仔啱啱要拎車
架單車都好新淨 同埋好乾淨 起碼個籃係無垃圾 汽水罐同煙頭
呢度租車 可以去另一個地方還 其實真係好方便 但如果車位 full 哂咁點呢 ?!
都好多資料要 Login
我地係 6 嘅出入口 所以搭捷運真係好方便
條扶手電梯都好長下喎
今晚就會行南華觀光夜市
好在有 Map 咁里奧大人搵路就方便喇
無咩人
唔通 3 點幾關係 所以捷運站無乜人 ?!
點行都得 喺度玩自拍真係唔錯 一定唔會阻到人呢 哈哈
好多個出口位置
點行都得 喺度玩自拍真係唔錯 一定唔會阻到人呢 哈哈
好多個出口位置
兩個人車費只係 NT$40
好靚呀
今日趕時間 遲 d 再影 哈哈
好多個出口
車廂都多人
到三多商圈站喇
差唔多 3 點 40 分去到三多商圈捷運站 4 點喺 food court 食嘢 ~
我只見到好多個出口 哈哈
見到咁多個 "出口" 就有 d 頭痛
行出去喇
我地去大遠百百貨 我成日讀咗遠大百貨
里奧大人見到誠品就勁開心
我覺得個 Logo 好老土呀 哈哈
周圍都好古舊下喎
天書話呢間好飲 估唔到呢度都有 但真係好一般啫 我咁鍾意飲珍珠奶茶 都只係飲咗半杯咋
我地坐呢 d 卡位 所以我覺得 Food Court 都好舒服
環境唔錯喎 最緊要夠靜
@ 周氏蝦捲
我覺得套餐吸引 所以試呢間
小食種類都吸引
我唧 d 辣椒醬 但係啡色同好稀 所以我唔敢試呀
里奧大人好認真講話 我果杯係樺達奶 因為佢睇唔到個茶字 哈哈
學下茶道先
炸蝦捲 + 擔仔乾麵 + 綜合湯 (NT$165) - 里奧大人鍾意食湯麵
我就食滷肉飯
魚丸蝦丸又係勁好味 同埋碗湯係熱辣辣呢 加埋胡椒粉勁正
炸蝦捲 (NT$60) - 好味呀
經過一間類似冒險樂園嘅地方 我話想玩揸車呀 所以唱錢 好似 HK$5 一舖 勁抵呀 ~
成個場係無咩人玩架
勁想玩好耐 但香港玩一舖好貴 呢度超級平
就咁睇佢玩 我都好開心架 我由細到大都好鍾意睇人打機架
揀咗首好悶嘅歌 所以好易過關 咁樣睇個背囊係脹卜卜 都唔知裝咗乜鬼嘢 哈哈
上面都有好多唔同書籍 正呀
一眼睇哂
以為佢坐喺地下睇書 其實佢瞓着咗 我行咗幾轉喇 佢都未醒
買哂去嘅話 里奧大人一定覺得我痴咗 突然間咁鍾意睇書 哈哈
里奧大人買咗呢本 Thinging, Fast and Slow 唔知佢有無學到嘢呢 ?!
呢架機好掂呀
好快搵到要買嘅書 如果無顯示就 即係代表呢間誠品無貨呢
無處不在 哈哈
一包要接近 HK$100 我覺得好貴
嘩 勁樣衰呀 但我覺正喎 哈哈 估唔到呢個係 Headphone
呢本書幾好睇
里奧大人偷影我文靜嘅一面 哈哈
周圍行下 再去觀光中心行下啦 但無料到嘅 ~
8 點咋喎 靜成咁嘅 ?!
遠眺 85 大樓
想見多個人都難
夾公仔嘅舖頭
搭捷運真係好平
我都鍾意去台灣嘅 7-11
美麗站嘅天幕都好靚
又話呢度好多衫睇嘅 一 d 都唔覺囉 仲要 d 款式舊到呢
行去六合夜市喇
左邊藍色係單車路
跟 Google Map 行 由停車場行去六合夜市
個牌應該整高 d 咁樣易望好多
我覺得夜媽媽行呢 d 橫街窄巷 有 d 危險咁
9 點半到六合夜市 無諗過無咩人喎 係因為平日定係太夜呢 ?! 但其實我同里奧大人都覺得高雄好小人囉 ~~
到六合夜市喇
再行前少少
行行下見到捷運站 咁由捷運站行去六合夜市就安全 d
由捷運站一出就係六合夜市 好方便
果汁
海鮮 ?!
好想食花枝丸 即買 1 串食啦 NT$20/串又平喎
唔好味嘅
人頭湧湧咁噃 所以幫襯呢檔喇 哈哈
烤肉價錢 NT$25 - NT$60
即叫即燒
烤肉隔離係食擔仔麵嘅 所以又試下
台南正口味
即場煮
開餐喇
真係好細碗架咋 不過我鍾意粉麵係細細碗 咁可以食下其他嘢呢
我鍾意食米粉多 d
烤肉來了 我都唔記烤咗 d 咩了 哈哈哈哈 只記得隻雞翼係唔熟囉 話時話 點解唔拎去換呢下 ?! 隔離之嘛 哈哈
令我諗起茶杯狗
我黎咗台南第 3日 比我印象 d 人唔係咁友善 我喺台北 d 人見到我影相 會笑同埋停低得我影埋先行 但台南 d 人就好惡型惡相咁囉 搞到我都唔敢周圍影相呢
里奧大人好驚訝有個吉位
搭捷運走人
咁快又 22:20pm 喇
真係好唔慣捷運站無咩人 哈哈
洗手間有淋浴液同洗頭水
最鍾意有個寶盒 哈哈
用咗 d 洗頭水同淋浴露 諗住香噴噴 點知陣味係好乸鼻咁 即刻用番自己帶去果 d
大少毛巾 + 廁紙
咁樣係咪想代表清新 d 呀 哈哈
電子馬桶
完全無用過呢 d function
呢日行程完畢
沒有留言:
發佈留言