( 23-JUL-2017 SUN )
今朝瞓到 10 點半 刷牙洗臉之後就去食早餐 lu ~
一開電話 原來家姐好早 Whatsapp 我 話 10 點掛 8 號風球 尋日天文台先話唔會發 3 號風球 點知今朝無啦啦 8 號風球 想點先 ?!
食完就番屋企 抖陣就沖涼喇 ~
2 點改掛 3 號波 是但啦 唔駛番工就乜波都 OK 啦 ~
寫下旅遊 Blog 又已經 2 點半 咁去食下午茶喇 ~
食完隻咖哩角 + 飲埋杯紅豆冰已經好飽 所以雞翼留番今晚食 呵呵
食完就番屋企抖 之後差唔多 4 點半就飲埋啲湯 今日飲就勁祛水囉 好在真係早飲咋 哈哈 ~
6 點 15 分預備 7 點有得食 算快㗎喇 ~
是日懶餐 - 黑椒洋蔥炒豚肉 + 煎雞翼 + 菜心
黑椒洋蔥炒豚肉 - 今次整得好惹味 但我無咩點食 因為仲係好飽 所以食剩大半碟 留番聽晚煮烏冬 呵呵 ~
煎雞翼 - 我食埋下午茶食剩嘅雞翼 所以呢 4 隻整比里奧大人食 下次真係焗雞翼算喇 煎嘢真係好煩 啲油彈到周年係 最慘係好易煎燶 嗚嗚 ~
菜心 - 煮半斤菜心 呢期啲菜心好腍甜呀 就咁食已經好好味呢 ~
搞掂哂就沖涼 之後睇下電視 里奧大人 11 點就瞓 我又瞓唔到住 所以聽下歌 11 點半先瞓呀 ~
1-1=冇笠..繼續係我呀! 你今日好嗎?
回覆刪除係啦~我瞓醒掛3號..以為自己眼花咋
原來真係掛過8號~痴鬼線! 星期日佢鐘意掛乜都得啦
閒日吹到頭髮亂了都係3架咋~不知所謂
個豚肉睇見都惹味啦~好送飯..不過你食唔落啦! 哈哈
唉! 講開煎野..好慘呀我笠~7月頭每日都見有小強干屍係廚房
已經即刻大洗個抽油煙機+換晒d爐紙..諗ing係咪有味引入黎ma
點知依家晚晚廚房關燈都有強記~我估真係抽油煙機內部+粗果條管
入面積左好多油煙又有味..引佢地黎~好煩呀! 晚晚都有幾隻
之前諗來諗去都唔知邊入來~阿喂都話屋企已經叫乾淨ma
大門邊位又已經嚴重密封~咁唯一係抽油煙機走入黎囉
昨晚要開抽油煙全晚瞓呀..瞓得又唔好~好在仲有部舊驅蟲機
依家都放埋入廚房用住先~下星期可能拎去公司trade in
用$300換多部新既返黎用~唔係唔掂呀!日日驚嚇人都癲
今晚要再點lemongrass香薰..對付佢地先得
好驚佢地已經係條粗管生活~再唔得..要換抽油煙機啦(驚驚)
嘩哈哈哈哈 今日1+1=二笠呀~~
刪除咩叫無笠呀請問?! 係咪=無穿無爛啊?! 係咪呀?! 係咪呀?!?!
呢日掛8號風 真係完全感受唔到風力係去到8號咁勁囉~
係閒日吹跌個人都係掛3號 一係就5點先8號 嘥氣~
依家食力不大如前啦 真係唔可以太短時間內食兩餐呢~
有強入侵真係堅困擾 之前住淘大 我一入屋已經好驚啦 因為佢地會喺餐枱出現
再入廚房又係驚 有時洗洗下菜又有隻走出來 頂..
試過有次一開隻鑊蓋 居然有隻小強爬出來呀 總之一入廚房整嘢就驚啦 唉~
妳記得我話邊d位置要再大清潔嗎?! 咁妳記得睇下喇~~~~
佢地成個月都來探妳..真係好煩
希望快d滅佢族啦~~~~~~
1-1=0...0=冇囉! 哈哈哈哈
刪除係呀笠..好困擾呀~日日走幾隻出黎先煩
收到呀笠~我會記住D位..全部唔會放過(佢唔死我死啦)
不過好感動囉~阿喂昨晚3-7..不停入廚房捉強
我都唔知架~佢起身先同我講~果下真係好感動
衰在話有4隻架..4個鐘先捉得一隻咋~話走得好快
哎呀..真係好想話佢反應實在太慢~咁都捉唔到架
不過唔講啦~一陣唔幫我捉仲大鑊..哈哈哈哈
依家等星期六..希望淘寶貨到啦~我要同佢滅門呀
異味笠 早啦 妳好快d沖涼啦 哈哈~
刪除依家應該無強氏探妳啦 之前日日有幾隻探妳 真係聽到都覺困擾囉~~~~
阿喂 3-7不停入廚房捉強 咪=無瞓?! 咁妳真係要對佢再好d喇~
嘩哈哈哈 做咩要講話有4隻比妳聽喎 話捉到1隻咪算囉 哈哈~
衰啦妳 幫妳捉仲話人..我一陣會同佢講 嘩哈哈哈~