黑椒雞柳意粉 + 紫菜勝瓜魚蛋湯 ( 15-DEC-2017 )

( 15-DEC-2017  FRI )

今朝唔覺好凍喎   不過下星期一又話得 13 度   咁先似冬天嘛   哈哈 ~

無咩胃口   咁食奶油多算 lu   咁 8 卦一嚟到就話頭痛   咁佢落糖落杯奶茶度嘛   佢居然落咗落通粉度   好在我喝住佢咋   鬼咩   尋晚上廠   12 點幾先番到屋企   唔攰唔頭痛先奇囉 ~



菇場忙呀   九萬樣嘢都等住做   所以真係好想清哂啲嘢   瞓都瞓得好啲㗎   始終有嘢未做   有時瞓覺嘅時候   會諗做邊樣先咁㗎 ~

Lunch Time 出去食牛筋丸米   個侍應一放低就話米粉   咁我就倒啲蔥落啲湯度啦   但見係河粉   咁算啦   費事改來改去   但原來碗牛丸河係隔離嘅女仔囉   勁唔好意思囉 ~



居然食剩 1/3 米粉   但我明明好餓㗎喎   可以啲丸比較脹胃   下次都係唔食丸 lu ~

食完周圍行   去百住買生果   咁啱印尼撈麵同 Kinder 朱古力做特價   所以又每樣買 2 Pack   勁開心呀   因為想買好耐嘛   哈 ~

仍然忙呀   做到 5 點就抖下等放工 ~

放工即走   番到屋企預備啲餸   就可以抖陣喇 ~

家姐 8 點放工   所以我都預備 lu ~

是日懶餐 - 黑椒雞柳意粉 + 紫菜勝瓜魚蛋湯 

黑椒雞柳意粉 - 我覺得 1 塊雞扒真係好多   如果得我同里奧大人食   我只會煮半塊㗎咋   我唔係咁鍾意啖啖肉   今次煮意粉份量唔多   但里奧大人食咗成大半碟   好在我都諗住食幾條意粉   唔係唔夠食啦   哈哈 ~

紫菜勝瓜魚蛋湯 - 煮新嘢呀   本來煮 1 塊紫菜就份量啱啱好   但我唔小心整跌咗半塊落水度   所以又要煮埋   再加 2 條勝瓜 + $20 潮州魚蛋   其實就咁食都好夠飽了   哈哈 ~

洗埋碗就開機洗衫   之後食生果又傾下偈   今晚里奧大人拎暖風機去姑奶屋企   最搞笑明明諗住走   又係咁比姑奶喺澳洲買嘅 Cream 同蜜糖比家姐   咁屋企又有好多散紙   又叫家姐拎去用   好似要清哂屋企啲嘢咁   但好感恩係家姐樣樣都正想買   咁依家可以慳番   同埋又可以幫我清貨   呵呵 ~

里奧大人寫 Expiry Date   居然寫 2000 同 2011   嚇死咩   其實佢係想寫 2020 同 2021 囉

家姐 10  點幾走   我晾埋衫就沖涼   之後又執下嘢同睇 Youtube   又 12 點半先瞓 ~