正品雞煲點心專門店 @ 九龍灣 ( 30-DEC-2017 )

正品招牌麻辣雞煲 (半隻 $148) (中辣) - 里奧大人想要小辣   之後問老闆   如果覺得唔辣嘅話   可唔可以再加辣 ?!   之後老闆聽我地語氣   話我地好似食得辣咁   佢話小辣只係咖哩嘅辣   對我地來講話唔辣喎   所以里奧大人要中辣   呢間嘅麻辣都唔錯   越食越辣   有頭痕嘅感覺   哈哈  



里奧大人見個汁好杰   話叫人加番啲湯   我話雞煲係咁架   食哂先加湯打邊爐架   佢話佢未出過去食雞煲   所以唔知喎   咁又好似係噃   次次食都係喺阿 mi 屋企食   哈哈   之後佢話要食個白飯 呀   打邊爐食白飯   人生第一次   但用汁撈飯呢   真係超級勁勁勁勁好味呀   哈哈



藍妹 (大 $34) - 里奧大人見我影相   就話要 cheers

我同里奧大人講話咁似魚皮餃嘅   仲話佢地自家製水餃嘅皮都幾特別   點知原來係佢地比錯   呢碟係雲吞黎架   好在無食咋   哈哈



即製鮮蝦水餃 (半打 $39) - 好細隻喎   同埋味道一般



鮮冬菇 ($28) - 我以前好憎食鮮冬菇架   覺得口感好怪   同乾冬菇比嘅話   但家姐就好鍾意食   依家就到我好鍾意食   口味真係唔同哂   我同里奧大人講話媽咪走咗之後   口味變咗好多   但佢話我係年紀開始大喎   咁都有關係嘅   慘了   咁快要食腍嘢   嘩哈哈哈哈



一加湯就無哂味 lu



( 30-DEC-2017  SAT )

今朝好開心   因為又同家姐食早餐   最搞笑佢以為我唔知醒呀   話見我 whatsapp 得 1 個剔 ~

尋晚無啦啦諗定早餐食蕃茄湯通粉   但唔記得呢間有無   咁啱家姐睇餐牌又話想食蕃茄牛肉螺絲粉   梗係好啦   感恩感恩 ~





咁傾開計   家姐話已經 send 咗 d 衫同零食比媽咪工人   但唔知佢收到未 ?!   咁我話直接 whatsapp 佢咪得囉   之後話如果佢會番香港就好啦   想請番佢   仲話叫埋佢個仔過來都無問題   我話咁唔得啦   個仔邊度讀書呀 ?!   之後一齊喺度大笑   家姐肯定痴咗   哈哈哈哈 ~

8 點 45 分走人   咁條街好凍嘛   家姐無啦啦話: 我知妳唔比我講   嘩哈哈哈   我成日話凍唔好講凍   因為咁樣會覺得更凍   但其實我當時都覺得好凍啦   鬼咩   我着薄褸   佢就風褸 ~

菇場唔忙   實在太好   可以 load 相 ~

2017 年就過去喇   好期待新一年呀   



放工即走   今日唔去街 lu   喺屋企休息 ~

2 點半去食 tea   之後去超市買涼粉就番屋企喇 ~





番到屋企就熨 3 機衫   熨咗個幾鐘   有啲攰   哈哈 ~

呢個熨斗好輕身   所以熨完之後   隻手都無咁攰



搞掂哂就抖陣   6 點就出發去食雞煲 ~

水為財呀真係   坐低無耐   老闆放個電爐落枱   唔小心倒瀉杯熱水落我度   條褲濕哂   好在今日着條厚褲咋 ~

食完去德福行陣   咁行行下有隻行得好慢嘅巨強   頂   我掛住傾無留意呀   差啲啲就踩到佢   之後我同里奧大人講話一陣唔好行呢條路   佢勁串話隻巨強都走咗啦   唔通企定定喺度等妳呀 ?!?!?!   正衰佬 ~

去馬莎買咗 Garlic Naan 同四色芝士醬   之後再去淘大買馬仔   最後食埋雪糕同買生果就番屋企喇 ~

里奧大人幾衰呀   咁我搵緊散紙嘛   點知里奧大人就拎一張廿蚊紙出來比喎   之後仲話我搵散紙搵成兩個鐘   擺明唔比   哈哈



食完鹹要食甜



原來番到屋企已經 9 點   咁我即沖涼啦   之後睇電視   里奧大人就做公司嘢   咁我睇到有 part 就嘩咗一聲出來   嚇到里奧大人問乜嘢事 ?!   佢果下真係好驚   哈哈 ~

差唔多 12 點先瞓呀   感恩有睡意   依家多數一到假期   前一晚係唔想瞓咁架 ~