2017年12月27日星期三

魚肉燒賣 + 炸魚皮 (外賣) + 西蘭花 ( 27-DEC-2017 )




( 27-DEC-2017  WED )

今朝里奧大人上大陸   5 點半要起身喇   叫佢帶埋雪梨水   我都瞓番 lu ~

早餐食腿蛋治   但麵包唔新鮮   之得叫烘底啦   哈哈 ~



菇場忙呀   仲要係煩嘢   但仍然 holiday mood 嘛   勁唔想做住   不過唔得囉 ~~~~

Lunch time 想食刺激嘢   咁就食酸辣米線啦   順便買埋炸魚皮 ~~~~



唔知係咪飽得滯   有 d 眼瞓   定係味精重令到我眼瞓呢 ?!   家姐同事同 8 卦都話食重味精嘅嘢   會眼瞓同埋會頭痛架   恐怖 ~~~~

3 點幾搞掂哂   之後就 hea 等放工 ~~~~

放工即走   番到屋企就抖陣   6 點 45 分食嘢   咁今晚就可以去徑步喇 ~   

是日懶餐 - 魚肉燒賣 + 炸魚皮 (外賣) + 西蘭花 

魚肉燒賣 - 家姐之前喺民豐買架   係都要比一包比我   其實完全唔記得佢存在   好在上次放什豆嘅時候見到包燒賣咋   唔係又唔知擺幾耐   因為冰格唔係成日開家嘛   估唔到又幾煙韌   但我懶呀   就咁淥熟   唔係蒸熟仲好味呢 ~

炸魚皮 (外賣) - 好想食炸嘢   雖然勁熱氣   不過都唔理咁多 lu   呵呵 ~

西蘭花 - 淥到腍哂   真係幾難食   嘩哈哈   所以點懶都好   我都要整豉油 + 沙爹王辣椒醬   咁就好味好多呢 ~ 

7 點半去徑步   今晚里奧大人今晚喺工廠過夜   搞到我有 d 擔心   又掛住佢   咁佢打比我   我都忍唔住喺街度喊   其實頭先喺屋企都喊咗兩勻   可能呢 4 日成日對住   即係等如同佢去旅行咁日對夜對   第日要番工   我唔慣咁架   我都幾十歲人啦   仲係咁 ~~~~

徑咗 35 分鐘   番到屋企即開機洗衫   之後沖涼 lu ~

睇下電視   咁食埋 d 魚皮同零食   又食埋生果   正餐唔食正經嘢   其實會食更多無謂嘢咁架 ~~~~

今晚都幾攰   所以 11 點半都瞓喇 ~

沒有留言:

發佈留言