2017年12月25日星期一

元氣壽司 @ 九龍灣 ( 25-DEC-2017 )

吉列蠔花卷 / 灸燒黑椒蠔壽司 
海鹽赤海蝦壽司 / 皇帝蟹捧壽司 / 炸蝦卷 





芝麻八爪魚



海鹽赤海蝦壽司



炸蝦天婦羅壽司 x 4 - 新鮮炸起真係勁好味   但好鬼熱氣   哈哈  



硬係有一隻炸蝦係扁扁的 (左邊)   上次喺 APM 果間又係咁  



芥辣八爪魚軍艦 - 爽爽辣辣   勁鍾意呢  



( 25-DEC-2017  MON )

今朝 10 點半自然醒   一覺瞓天光添呀   所以好精神   但里奧大人話我半夜大叫咗 4 下   不過我真係無發惡夢喎   咁會咁嘅 @@

梳洗後就去食早餐   抖陣就沖涼   以為搞掂哂就出街   點知里奧大人話 2 點先出去   咁我拖地啦   第一次沖完拖地   好在無出汗   呵 ~~~~



見仲有大把時間就開機洗衫啦   之後同里奧大人執 d 唔要嘅衫   加埋成大袋   好在依家可以捐出去   咁樣無咁浪費嘛 ~   

2 點幾就出發   去美心食 tea   食完就去買電腦 ~





去 M & S 睇下嘢   經過"爸爸"店   我就去睇   叫里奧大人自己周圍行 ~   

終於買到 4 個"爸爸"   勁開心   咁再買埋 2 條底底   就會送個"爸爸"袋同埋 $200 cash coupon   咁就買咗 $1,320   好在做會員有折添咋   做女人真係幾多貼身嘢要買   所以賺女人錢真係好易 ~

買完再行一陣   原來都已經 5 點半   咁我真係買咗好耐咁喎 ~

咁行到 6 點唔夠就去元氣喇   7 點食完就即去買電腦   衰晴晴   係都唔拎番部舊電腦番黎   只係話開唔到   咁拎番來睇下有咩辦法都好啦   好過擺喺度嘛   如果開得番   比我用都好啦 ~

不過晴晴都係乖嘅   所以里奧大人都會送部電腦比佢   我話無問題   最緊要佢要珍惜囉 ~

咁等裝電腦 d 嘢期間   我地就去買熨斗比家姐   自己就買個焗爐仔   $418 有 9 折   買個細細地用住先   因為好想焗曲奇呀 ~

試用下呢個牌字   同埋 $338 都抵   最緊要輕身嘛   等家姐用完之後   覺得好就會買多個比自己   屋企熨丰都壞嫳地   成日漏水   又重喎    






買完就去拎電腦   咁去埋抽獎啦   話有 3X - 100 陪積分   鬼信有 100 陪咩  我見個個都係 3X 之嘛 ~~~~ 

都 9 點喇   係時候要搭車番屋企呢 ~

番到屋企又忍唔住執嘢   執咗半個鐘就搞掂   之後再大清潔廁所   搞掂就沖涼   咁聽日就可以休息喇 ~

睇下電視   望到個鐘已經 12 點幾   係時候要瞓啦   但其實瞓唔着   可能頭先飲咗包檸檬茶   嗚嗚 ~

沒有留言:

發佈留言