BBQ @ 咖啡灣 ( 1-DEC-2017 )

佢哋幾咁忙   呵呵 

里奧大人最期待噴火



阿 mi 終於有時間影相   影完又即刻走開整其他嘢



擺陣



海鮮類 



左邊就係我買嘅饅頭   真係好大個



啤酒是最多的

阿 mi 話今次唔整泰汁   整檸檬辣汁   越食越開胃



佢哋個個都好餓   所以即燒麻糬同饅頭   我話饅頭好好食呀 (老吹)   衰奧話係咪都話好食啦   唔係無人食

幾好火



阿 mi 燒緊嘅時候   個火無啦啦自己熊起上來   好在無燒到佢隻手咋   但隻殼就燒燶咗囉   之後阿 mi 就叫佢做宿一燒   哈哈   係縮一縮先好再燒



好好味呀



繼續燒蝦卷   唔好比佢停

蝦卷呀   佢地位已經降到好後了   之前係第一樣燒㗎

阿 mi 最好   唔會嫌棄我啲饅頭   食得幾咁滋味   哈哈哈哈



食完即起身又再燒其他嘢食   未停過咁招呼我哋

咁嘅天色   真係好舒服   最緊要唔熱   又涼涼哋

阿 mi 揀嘅菠蘿真係好好味   咁頭先喺屋企見到個菠蘿   阿喂即話里奧大人鍾意食嘅菠蘿   哈哈   其實我好感激佢哋兩公婆   成日記住我地哋意食嘅嘢

里奧大人見到呢支清熱酷   即刻叫阿 mi 下次唔好特登再買比佢飲呀   因為阿 mi 知佢燒嘢食熱氣嘛   所以買定 100 Plus 同清熱酷呢   我就最好   就咁飲汽水   哈哈



燒魚   唔記得係咩斑



難得見到耶穌光   所以我同里奧大人都行咗去影相呢





好多人都係燒完嘢食就行海灘   但我唔會   我唔想成對鞋入哂沙   哈哈



希望下次再來   仍都會見到耶穌光呢



金沙骨 - 阿喂好乖仔   比嚿最肥嘅比阿 mi   因為佢覺得肥係好味道   不過唔熟囉   我叫阿 mi 擺番上網燒   都自己人啦   怕咩喎   佢係都唔制   係都要掉   阿喂勁心痛   哈哈



原來眼珠都燶埋

啲魚肉好滑



燒烏頭



之前我將個饅頭拻到一嚿嚿   阿喂話要驗指模嘛   即係話我隻手污糟   咁好啦   燒第 2 個嘅時候   我就用膠袋包住   再慢慢打平咁拻開兩塊   咁燒起來就似多士咁   之後我見到里奧大人燒嘅時候   饅頭係一嚿嚿   我話做咩拻一嚿嚿呀   佢又唔出聲   之後阿 mi 話阿喂叫拻開一嚿嚿㗎   其實阿喂哥想點先   咩都你講哂了

烏頭好厚肉   正呀



要好細心咁拻開層皮



阿喂唔鍾意食呢啲魚嘅口感   但啱我喎   呵呵   所以幾乎我食哂成條   滿足滿足



燒扇貝



好鮮甜呀



燒饅頭堅好味㗎   燒到脆邊

成碟蝦壽司咁   哈哈



又影下海灘







燒老虎蝦 - 本來我想幫手燒㗎   但阿喂好認真話: 唔好整 "喎" 佢呀下   比佢咁嚇一嚇   要交番比總廚用心燒蝦了   哈哈哈哈



好多膏



入黑喇   又無開街燈   要正正 6 點先開燈呢   我地燒緊茄子同蘆筍



我同阿 mi 一見到條茄子就話 : 乜咁乾嘅 ?!   喺食店見啲燒茄子好腍 Pat Pat 嘛   可想而知幾咁多油呢



啲蘆筍吉得幾靚   哈哈



里奧大人依然樂此不疲地噴火



幾咁 Enjoy

烤紫薯   都係覺得黃蕃薯好味啲



蒜蓉金菇 - 唔記得阿喂定里奧大人話以為係糯米雞   但離遠見到真係幾似   哈哈

好多蒜蓉   不過好油

( 1-DEC-2017  FRI )

今朝 9 點半同里奧大人都醒咗   所以都起身沖涼喇   之後就去食早餐 ~



食完就番屋企執埋啲嘢   差唔多 12 點出門口 ~

今日約咗阿 mi 阿喂 BBQ   所以搭巴士去佢地屋企集合   架巴士明明話 5 分鐘到達   里奧大人仲話慢慢行都得   因為只係過對面馬路   好在我都係急行   行到天橋上面見到我地坐架巴士埋站呀   我同里奧大人講話巴士到喇   最慘我地要搭單線扶手電梯   又唔可以叫人借借喎   感恩我哋去到巴士站   仲有一個人上緊車   我哋先可以上到巴士咋 ~

衰奧話唔信我話巴士到咗呀   不過都要怪我自己   成日亂噏呃人   哈哈 ~

架巴士飛好多個站嘛   所以好快到荃灣   咁我買埋饅頭先去 mi 屋企   諗住細細個就買 4 個啦   點知我見佢夾緊第 2 個嘅時候   原來係好大個㗎   好在見到佢夾咋   唔係買 4 個真係食唔哂呢   唔想食包包食飽 ~

搞掂哂就直接去阿 mi 屋企   原來都已經 1 點 10 分喇 ~

阿 mi 喺廚房整嘢   咁我都即幫手啦   我發覺真係唔幫好過幫   哈哈哈哈 ~

批蘆筍皮嘅時候   啲皮飛到周圍都係   飛落阿 mi 件衫度啦    地下啦   鋅盤啦   仲要批得唔乾淨   之後衰奧又加多腳   話今日已經好好了   所以妳知道佢平時幾慘 ~

之後阿喂走入廚房話 : 2 點喇喎   仲未得呀 ?!   里奧大人又話我幫手仲耐過阿 mi 自己一個整喎   咩料先   不過真係喎   阿 mi 一個整真係好快㗎喎 ~

咁阿 mi 整檸檬汁   叫我搞勻啲沙糖   我一搞呢   佢話乜妳咁大力㗎   同阿喂一樣   哈哈   之後我叫里奧大人入嚟搞啦   佢真係同阿 mi 手勢一樣   細細力咁㗎   今次真係醜態盡露了 ~

搞掂哂都已經 2 點 45 分   係時候 Call 車入咖啡灣喇   等咗差唔多半個鐘先有車   等到有啲攰   哈哈哈哈 ~

去到居然爆場呀   但唔想去沙灘果邊囉   因為比較曬 ~



咁阿 mi 就去問班學生燒完未 ?!   佢哋話燒完   其實講真   燒完就唔好霸住個爐同埋張枱囉   好在佢哋嘅  Miss 叫佢哋快啲執嘢   比個爐我哋燒咋   唔係佢哋真係有排坐 ~

清潔一大輪就起爐喇   我同阿 mi 就拎嘢食出來   男人就拎炭出來燒   哈哈 ~



今日天氣非常非常之好呀   有太陽又涼涼哋   勁正 ~

燒到差唔多 5 點   有個學生走埋嚟問我哋要唔要佢哋食剩嘅雞肉豬肉   佢哋無開過   但食唔哂所以唔想嘥   咁我哋要囉   之後再比埋牛肉金菇茄子   佢哋阿 Sir 話今次算食剩好少嘢喇喎   最後仲比埋啲炭我哋   咁又好喎   下次唔駛買 ~





阿 mi 話本身佢想買茄子   但無買   估唔到今餐有免費茄子   呵呵



咁我坐坐下   見到佢哋張枱有條生命麵包   我行去拎埋走呀   可以比家姐工人做早餐   佢鍾意食蛋治嘛   再比我見到把刀   呢下堅呢   我拎埋走呀   咁啱阿 mi 要買把刀   把刀好新淨㗎   如果唔啱用先再買未遲   好過嘥咗嘛   依家啲年青人   真係好浪費   佢哋用啲廚房廁紙   用剩半條都掉咗去垃圾桶呀   其實拻走個筒   咁咪易拎好多囉 ~

6 點開街燈   我覺得我地由朝食到晚咁   哈哈 ~

8 點幾走人   去到屯門轉車站都 8 點 40 分   番到屋企都 9 點 35 分   估唔到家姐今晚話嚟我屋企   咁就好喇   可以拎埋啲肉同埋手信番屋企呢 ~



我即開機洗衫喇   之後一齊傾偈   家姐勁鍾意我買比佢啲手信   開心開心 ~

佢 10 點幾走就走 lu   我都沖涼喇   再睇多陣電視   又 12 點先瞓 ~