2017年12月26日星期二

豉汁蒸鯧魚 + 西蘭花 + 芫茜皮蛋茶瓜魚片湯 ( 26-DEC-2017 )








( 26-DEC-2017  TUE )

里奧大人尋晚係咁咳   一係就發出鼻寒聲   搞到我完全瞓得唔好   瞓着又比佢嘈醒   搞到我真係有啲燥   咁 8 點幾想起身架喇   不過之後又瞓得番喎   終於瞓到 11 點半呀   如果唔係有電話響   都可能瞓到 12 點幾架   大佬   尋晚同無瞓無分別囉 ~

梳洗之後即去食早餐   之後去買餸   里奧大人整公司嘢 ~



番到屋企都 1 點   放低哂啲嘢就即焗油   阿 mi 話我 d 頭髮開哂叉呀    比佢咁嚇一嚇   係時間要搞下啲頭髮 lu ~

焗完就沖埋涼   之後就熨 2 機衫   其實好攰   不過唔想瞓   咁煲雪梨水啦   里奧大人話喉嚨唔舒服嘛   飲呢啲就最好呢 ~

難得假期   所以好想同里奧大人食 tea 呀   其實唔係咁餓   不過我想飲凍咖啡囉   因為好眼瞓   但唔想瞓   費事今晚瞓唔着 ~

特色熱狗 + 沙律



茄汁豬扒火腿意粉 - 賣相比較恐怖   但其實味道唔錯  



食完又番上屋企抖下   家姐話 5 點幾黎拎熨斗   咁佢要買埋鵝掌翼先黎   我都話佢鍾意食架啦   如果唔係佢唔會去買   之後又係咁問我要唔要橙 ?!   要唔要燻蹄 ?!   我話咩都唔要呀 ~

上到黎又傾下偈   最搞笑係里奧大人好專心咁做緊嘢   但我地次次講嘢佢又喺度搭咀   家姐坐到 6 點幾都番屋企 lu ~

我都預備晚餐喇   蒸好哂嘢但唔記得淥米粉比里奧大人   所以要 7 點半先開餐   哈哈 ~ 

是日懶餐 - 豉汁煎鯧魚 + 西蘭花 +   芫茜皮蛋茶瓜魚片湯

豉汁煎鯧魚 - 懶呀   唔想炒嘢   所以食蒸魚   咁魚佬比咗扎蔥比我   咁唔想嘥就用來墊魚底   之後我問里奧大人啲蔥其實食唔食得 ?!   佢話應該唔食得   但我話煮哂魚油應該好味喎 ?!   不過比佢咁講   我都唔敢食   哈哈 ~   

西蘭花 - $14有 2個都抵呀   同埋我勁唔想食菜心 ~   

芫茜皮蛋茶瓜魚片湯 - 今次終於飲到啲湯係甜甜地    之後成日都飲唔到架   哈哈 ~

搞掂哂就沖涼   之後睇電視   成日以為今日係星期日添 @@

11 點幾都瞓喇   聽日要番工呢 ~

沒有留言:

發佈留言