( 21-DEC-2017 THU )
尋晚 1 點 38 分起身 見到里奧大人部手機都只係叉到 94% 咁有問題啦 但唔理喇 熄電制算喇 ~
咁去埋廁所就瞓啦 但一上床就好似置身格蘭披治大賽車現場咁 里奧大人發出強大鼻鼾聲呀 仲要係轟隆轟隆咁聲 起碼有成 6-7 次 我已經郁來郁去 但佢都仍然轟轟隆隆 ~
今朝無咁凍喇 又有陽光 呢啲天氣真係令人心情大好呢 ~
早餐食吞拿魚牛角包 但食到 1/3 已經好飽 唔餓黎食 真係好慘 所以應該隔一排先會再食 lu ~
菇場忙呀 不過咁其實真係好 因為時間過得好快好快 哈哈 ~
今日試下焗黑豆水飲 炒咗唔好嘥嘛 估唔到又幾好味喎 咁都好 快啲飲哂去 因為仲有好多嘢要飲呀 ~
咁我去斟水嘛 小說一見到我就話: 妳瘦咗咁多嘅 ?! 但其實依家都係肥 咁即係以前更肥 哈哈 ~
Lunch Time 未餓 咁去圖書館借書 借完都 1 點 10 分 都食唔到 K 呀 所以買燒賣腸粉番菇場食 ~
西瓜中午 A/L 菇場又進入無皇管狀態喇 今次輪到我拚命 Load 相啦 ~
Load 相 Load 到眼都濛埋 所以今晚應該好好瞓 哈哈 ~
放工準時走 番到屋企就預備晚餐 里奧大人今晚會夜啲放工 咁我都出去徑步喇 徑咗 20 分鐘 勁爽呀 ~
今晚里奧大人 7 點半放工 仲要去拎淘寶嘢 所以番到屋企都已經 8 點半喇 ~
是日懶餐 - 鵝肝醬海鮮炒飯 + 鹹蛋節瓜魷魚湯
鵝肝醬海鮮炒飯 - 仲有 1 罐鵝肝醬未清 留番下年先食 呵呵 炒飯加咗急凍蝦同蟹柳 呢啲所謂海鮮 好似酒樓呃人話係海鮮咁 哈哈 ~
鹹蛋節瓜魷魚湯 - 好想飲湯 呢個湯最簡單 ~
食完就洗碗 之後沖涼再開機洗衫 ~
晾埋衫就休息喇 睇多陣電視 11 點唔夠都瞓喇 ~
沒有留言:
發佈留言