紅豆燒餅 + 麥皮饅頭 + 蕃薯包 (外賣) ( 17-DEC-2017 )

( 17-DEC-2017  SUN )

今朝 10 點起身   沖埋涼就去食早餐   本來有充裕時間   但因為要番轉頭上屋企拎日用品比菜菜子   所以搞到好鬼趕   之後都無咩胃口食早餐添呀 ~





食完就要去崇拜喇   不過好在今朝勁凍   唔係真係出汗都似   哈哈 ~

崇拜完畢就去廣華醫院探菜菜子   無啦啦又好想飲珍珠奶茶   所以又買啦   咁見到咖哩魚蛋又好想食   咁又買埋喇   呵呵 ~

唔寫價錢   但買一送一   衰奧唔敢買   係都要我買   十蚊有十粒   都抵㗎喇   

去到醫院   里奧大人就見到菜菜子同朋友傾偈   我完全認唔到佢背影添呀   仲想入病房搵佢 ~

我一見到佢啲手指   就話佢水腫到不得了   之後佢朋友史雲生話得我咁細心留意到    衰菜子就話我呢個阿姑確實睇通睇透   黐線   哈哈 ~   

咁再問佢咩事入院   佢話暈喎   之後開佢電話   比佢阿媽張相我哋睇   話當日同阿媽食完飯      心口唔舒服   塊臉紅哂   你話佢係咪黐   比佢阿媽張相我咃睇做乜鬼先   哈哈 ~

之後佢點都搭埋扶手電梯   仲諗住行條樓梯番屋企   不過頂唔住   所以走入去診所   之後暈咗喇   暈咗陣就聽到有人講嘢   但醫生話見佢有抽筋   所以就 call 白車呢 ~

史雲生話其實啲姑娘想大力踢佢   叫佢行開唔好阻住哂   哈哈 ~

我咪鬧鬼佢囉   明知暈仲搭扶手電梯   一陣向後跌就大鑊啦   之後佢同史雲生覺得我好勁呀   咁都諗到   係咁話我好細心   衰奧就話今日我哋對佢令眼相看呀呢 ?!   平時顛顛得得   原來咁識諗   咁細心 ~

傾下笑下   居然已經 4 點半喇   菜子勁唔想我哋走啦   醫院咁鬼悶   不過無辦法   里奧大人好餓呀   哈哈 ~

咁去南記食嘢啦   尋晚唔比佢喺尖沙咀見到南記   但我話唔食  咁今日點都要比佢食啦   哈哈 ~



之後行去街市買菜同生果   但好似無咩好買   所以再去花園街睇啦   都無買唔落   最後去奇趣買 2 個燒餅   同埋去唐記買 2 個包就走 lu ~

搭小巴番屋企   依家天氣咁乾燥   最啱洗衫啦   好快可以乾 ~

我熨衫又執衫   話咁快都 7 點半   咁沖涼先   之後抖陣先食晚餐呢 ~

睇下電視   話咁快又 11 點   所以要瞓 lu ~