雲桂香雲桂香米線專門店 @ 官塘 ( 20-DEC-2017 )

豬軟骨+豬腸小鍋米線 (小中辣) 



魚腐+魚肉春卷小鍋米線 (小辣)



腐乳通菜



( 20-DEC-2017   WED )

今朝里奧大人 5 點半起身喇   因為要上廠   真係天未光都要出發 lu ~

佢好在次次去新嘅地方都會預多啲時間    佢話今朝同一個月台   係去紅磡同羅湖   但反方向行駛喎   所以佢要喺九龍塘等咗 10 分鐘   之後又要喺大埔墟落車再轉車   真係好麻煩   好在佢尋晚話教早 15 分鐘起身咋   唔係真係會遲大到囉   話哂第一次上廠   遲大到真係留下唔好印象啦   不過佢同事都遲咗 5 分鐘   佢阿頭就直頭因為咁遲咗 1 個鐘添呀   好在唔駛等佢阿頭一齊上去咋 ~

我都瞓到 7 點 35 分先起身   但瞓得唔好啦   仍然想作嘔作嘔咁   都唔知係咪作感   最衰自己懶啦   半夜起身去廁所又唔着晨褸   都唔知係咪咁樣攝一攝冷親 ~

早餐食醬占多   酸酸甜甜   但其實好鬼乾   哈哈 ~



菇場忙到呢   做到有啲呆呀 ~

Lunch Time 同 8 卦一齊出去食   佢呢餐都未食就話叫我提佢一陣買個麵包   我真係覺得佢好大食㗎   不過咁都好   我食唔哂就比佢食   呵呵 ~

食完去圖書館還書   借埋本書就走喇   咁經過萬寧又睇下啦   見到 Enjoy 卡有折   仲以為因為係聖誕節關係   之後先知原來今日係 20 號   我成日以為係 15 號咋   真係忙到痴咗線   因為尋晚里奧大人先話去萬寧買嘢   我話遲啲等到 20 號 Enjoy 卡有折先買 ~

番到菇場抖咗陣又開工啦   勁眼瞓   所以要食下嘢   哈哈 ~

我問家姐食唔食光酥餅 ?!   佢話唔食   因為好乾   咁我問  8 卦食唔食啦 ?!   佢話唔食   好乾嘅   我再問阿齋食唔食 ?!   佢話好乾呀唔食   嘩   係咪真係乾得咁緊要呀   哈哈   不過我幾鍾意食喎   甜甜哋咁   呵呵 

今晚又遲 15 分鐘先走   不過無計   樣樣都趕   費事聽朝整啦 ~

番到屋企抖陣就炒黑豆   過哂期架喇   但仲係真空包裝無漏氣   又無臭   所以即炒 1 包   仲有 1 包就下年炒啦   哈哈哈哈 ~

里奧大人話 8 點半到官塘   咁我 8 點都出門口喇   今晚到我想食酸辣米線呀 ~

食完行陣就番屋企   手指公位置爆拆   痛到死死下   所以真係做唔到家務住囉   咁比自己休息下啦 ~

里奧大人 10 點 45 分都瞓   我 11 點都已經想瞓   但因見里奧大人叉緊電話電   咁佢又鍾意朝早上網睇新聞   驚佢好快用哂啲電   咁我等多陣啦   等到 11 點 15 分先得 55%   但我勁眼瞓   所以由佢叉一晚啦   今晚都應該瞓得唔好架喇   始終叉通宵對電話唔好家嘛   會成日好想佢快啲叉哂   我可以熄電制呢 ~