2017年12月31日星期日

(PART 1/2) 寬窄巷 成都名小吃 @ 深圳 ( 31-DEC-2017 )

( 31-DEC-2017  SUN )

7 點半起身   食埋早餐就番教會喇 ~





崇拜完畢就出發去深圳喇   今日深圳一天遊   開心開心 ~~~~

我同里奧大人講   今日 2017 年最後一日   要開心   所以要去小旅行   咁就可以延續到 2018 都可以成日去旅行   嘩哈哈哈哈 ~

我係大鄉里   所以一去大陸就要跟貼里奧大人   即係要拎香港身分證同回鄉卡   佢都要提我咁呢 ~

去到九龍塘火車站已經 10 點半 



坐頭等真係好舒服   但之後就要喺上水落車喇 ~

里奧大人終於買咗張電話卡 (HK$300)   最開心係我都可以飛線落張卡度   咁家姐可以打比我嘛   同埋最重要係里奧大人番大陸做嘢   我可以打比佢   唔駛只用 wechat 呢 ~   

出去一轉再搭番去落馬洲嘅火車   我同里奧大人話車廂好搖咁嘅 ?!   佢話頭等喺中間位置   所以先覺得定囉   我真係唔知架   因為我話頭等機位喺前面嘛   哈哈 ~

今日無咩人喎   正



深圳喇11:20 am 到深圳喇



萬寧格局嘅惠康



排隊過關嘅時候有個男人打尖   因為我明明已經企咗喺度   佢點都無可能睇唔到我啦 ~

我唔知佢係香港人定大陸人   咁我算啦   始終我都要等里奧大人   但我就特登同里奧大人   番大陸首要第一樣嘢要學就係打尖   里奧大人話睇一dd 人架咋   有 d 人都唔係成日打尖   我話都係嘅   但都要學打尖啦   d 人攝下攝下   可能攝咗 10 個人入來都未定家嘛 ~~~~

好喇   發洩完我就打眼色比里奧大人   示意我前面個男人就係打尖嘅人囉 ~

好似好多人咁噃 



往深圳   其實係咁行又上又落   我完全唔知係去邊   哈哈



同里奧大人一齊過 xray 機   之後諗住買飛啦   但原來買飛位置係喺出面   咁我地又唔知點出番去 ~

因為里奧大人本身有張地鐵飛   但佢唔記得我無囉   咁我話買張充值卡啦   反正我都可能會再黎嘛 ~

我鍾意 B.Duck 係因為黃色   唔係鍾意隻 Duck   



突然覺得里奧大人對我真係幾好   因為我張充值卡靚好多   嘩哈哈哈哈




愛心座椅   我堅覺得多鬼餘   有心讓比妳就自己會讓   同埋呢 d 座位   唔係專為老人家而設   但有 d 老人家就老奉要人讓比佢   最煩係有 d 老人家唔去坐   要坐正常坐位   咁咪變咗愛心座椅無人坐囉   嘥咗兩個位囉   煩 ~





椅底有滅火器



其實我係坐住影相   呢 d 設計真係好好   個人攰起上來   真係好想搵 d 地方坐下架



女士優先車廂   之後里奧大人話唔怪得無男人坐喎   車   又唔係晚間婦女車廂   



原來咁多卡都係女士優先車廂



差唔多 12 點就去到會展中心站喇   都算快   同埋好在唔多人咋 ~


諗住去外婆家食 lunch   但搵極都唔知邊度喎   咁唔搵 lu   見到有咩想食就食   咁就最好 ~~
  
即睇 Directory  我地係去會展中心   不過就去連城新天地睇下先   其實之前去過架喇   但里奧大人唔記得   反而我記得囉   呵呵 ~

我地去 A 出口



連城新天地   其實第 2 次來了



都幾多食店 



唔記得呢個係咩商場   但好新淨   同埋唔嘈   呢下最緊要  




唔知牛蛙係咩來   但我覺得係田雞之類嘅嘢   哈哈哈哈



依家牙醫都要擺呢 d post 



出去睇下有咩好食   我講明唔食中菜西餐同日本菜 






勁驚爆呔   我講緊我條褲   哈哈




12 點半喇   我開始有 d 餓   所以行得好快去搵食 



呢間裝潢唔錯   入去食喇

@ 俏鳳凰 苗家牛肉粉



請看餐牌



開餐喇   基本上我地喺大陸好少飲奶茶  但今餐咁辣   里奧大人話要凍奶茶   呢杯奶茶抵讚   因為係冰杯   飲到最後一啖都係凍架

苗糟辣牛肉拌拌鮮 (RMB33) - 兩片薄牛展   真係比我想像中少喎 



好辣架   所以食剩一半   同埋盡量唔要 d 油



撈埋一齊勁好味   我好鍾意食有青瓜絲嘅冷麵架

老坛酸菜牛肉粉 (RMB25) - 我覺得好辣   但里奧大人話唔係好辣


香辣牛展 (RMB15) - 小食來架   得 4 片果真小食喎   里奧大人話呢個好辣   反而我覺得係鹹多 d 囉







食完都 1 點幾喇   又周圍行下   但里奧大人話首先要買杯飲品解辣喎 ~~~~


試下呢間



樣樣都想試下   哈  



火龍果百香 (RMB17) - 無厘味道嘅 @@



胡椒餅   我同里奧大人講話唔好再食胡椒餅   因為上次去台北   食翻好好味嘅感覺   我唔想咁快又破壞番呢   哈哈



又油又辣   但都幾吸引   哈哈



連城都幾多嘢睇架   但就焗咗 d 囉




咁我去洗手間嘛    我排隊嘅時候   見到
個女仔着件粉紅色衫好熟面口   但諗唔到係咩   之後個女仔洗完手擰轉臉   見到我就同我笑   哈哈   原來係頭先食 lunch 隔離枱個女仔   我成日望住佢碗豆腐嘛   因為我想叫來食   之後佢又望我   我又望佢   來來回回咁望   大家又笑下咁囉   哈 ~

次次去洗手間   我會叫里奧大人一定要企定定等我   因為我好怕走失嘛   衰奧話唔會咁快令佢開心呀嘛 ?!?!   我話放心   我會令妳痛苦到 2018   哈 ~

仲話有日真係唔見咗我   但兩個鐘頭之後我搵到佢   佢會第一句話: 又話唔認到路嘅 ?!   做咩咁快搵到我架 ?!?!?!   再話   如果有人話搵到佢老婆   佢話個電話肯定係呃人果 D   點都唔會再聽架   嘩哈哈哈哈   衰到呢 ~~~~~~

都唔知做咩鬼無啦啦影我   又唔係偷食   哈哈



我覺得扭計骰勁難玩架   呢度仲咁多格   玩到我入青山都似   哈哈



間唔知咩 game 來 ?!




我去到邊度都鍾意睇杯架




Puddle 好得意呀



我同里奧大人話王小虎好得意呀   佢話喺邊度 ?!   我話呢個水壺呀  哈   佢就好奇怪咁話我點解用王小虎呢個名  哈哈




呢間店都幾多嘢睇   同埋唔貴   我買咗塊鏡   RMB15   都抵啦      



行到唔知邊   見到有籃球 game   我話睇下咩價錢   原來每局只係 2 蚊人仔   唔怪得咁多人玩啦   我地每人都玩咗 2 局   玩到好熱呀 ~~~~ 

有個細路同里奧大人講話部機壞咗   里奧大人話怎麼辦 ?!   細路叫佢去隔離果部   我笑啦   我睇住個細佬玩壞果部嘛   因為唔駛入錢可以玩   但無計分嘅   依家你阻住佢玩呀   仲唔叫你開咩   真係咁關心你喇喎 @@

佢地玩到離哂大譜呀   居然掟到光管跌埋落地   果下我唔知係光管添呀   里奧大人話好在無爆咋   唔係盲都似   真係好憎 d 死o靚仔咁亂掟 ~

中間有 2 格係壞架   但 d 人照玩   



我叫里奧大人影影我嘅英姿 



仲叫里奧大人幫我影低 d 分添呀   幾咁勁呀呢   有 222 分。。。。人地   嘩哈哈哈   我其實得 22 分咋   原來好難玩囉   但見之前個男仔玩   下下入樽架噃 ~~~~~~~~



到里奧大人玩喇



8 婆手勢



佢話攰喎   所以求其入樽   哈哈



最後一球   睇佢幾咁緊張望實個波   勁啦   38 分咁大把   嘩哈哈哈



深圳大家樂   睇下價錢係咪同香港一樣   同埋係咪會有 d 食物係同香港唔同   但其實睇完就算   哈



里奧大人又出現蘭花手



豆腐花落沙糖   真係第一次咁食法   哈哈



豆腐花都滑嘅   五蚊人仔唔好有要求



裝潢簡單得來都幾特別




經過麵包店   估唔到試食都咁大件   真係覺得香港 d 試食好失禮人



呢個商場都唔錯   夠乾淨   但買嘅嘢唔平喎   頭先睇條迷彩褲要 RMB799 呀



商場好有聖誕氣氛



里奧大人去洗手間嘛   所以咩都影囉   無聊呀呢   哈





唔講唔覺恐怖   哈哈 



我估夜晚仲靚 



呢間店名叫 "一花一草"



呢度都幾有特色




~我問里奧大人咩叫 "幾時味" ?!   佢話係 "兒時味" 呀   哈哈



呢間烤肉店裝潢都幾得意   我初初以為係機舖來架




好似墾丁個塔   但唔記得咩名





Emoji



里奧大人好興奮話手作之店呀   但兩球加大要 RMB29   香港只係 HK$19 咋




小食  



想試下喺大陸睇場戲   但好在里奧大人睇到全部國語配音咋   所以即唔睇 lu



即諗起阿 mi




呢隻好肉酸   哈哈



@ 博納國際影城






我叫呢 d 做車仔檔




3 點經過外婆家   我話佢地等外賣   但里奧大人話似等位多喎


   


呢日未完架 ^^

沒有留言:

發佈留言