2017年12月9日星期六

海逸皇宮大酒樓 @ 紅磡 ( 9-DEC-2017 )

大紅乳豬全體 - 我都懶得拎起對筷子   哈哈   但咁嘅構圖   有啲恐怖   好似唔比佢郁咁 @@  



皮脆   但啲肉真係好鹹



上湯虎蝦球 - 濕濕嘅伊麵幾好味   



西蘭花帶子 - ok 啦 



竹笙雞絲翅 - 夠哂熱   正呀  



清蒸大石斑 - ok 呀 



野菌鮮翡翠 - 只係食菜   



蜜桃柚子骨 - 無食呀   因為已經好飽   但剪髮表妹話好味喎   因為第一次係好難食   哈哈  



生燒玫瑰雞 - 好正咁   但我無食呀   



幸福炒飯 - 里奧大人同我講話睇下係咩 ?!   之後話係今日妳最想食嘅楊洲炒飯   但我話頭先食咗   所以唔食 lu   仲有個合時甜品   就係紅豆沙   食完鹹真係要食番啲甜   咁先完美   哈哈 



( 9-DEC-2017  SAT )

今朝一覺瞓天光   瞓到 9 點半呀   懶住床等里奧大人起身   佢差唔多 10 點先起身   梳洗完就去食早餐 lu ~

今次好少吞拿魚醬呀   所以個包好乾   嗚嗚  







食完早餐充滿力量   我番屋企就執啲冬天衫出來   再熨 1 機衫   之後即做大清潔   里奧大人就去姑奶屋企整嘢 ~

拖完地就抹柜   又執埋柜桶 d 嘢   里奧大人表面將 d 嘢放到整齊   但實際係其實每樣嘢擺唔同地方   即係 Headphone 會擺喺一個柜桶   但同時唔同嘅柜桶都會有個 Headphone   所以我咪話佢囉   嘥時間搵囉   你係有買   但唔知放咗邊呢   我依家醒架   唔會幫佢搵架 ~

我今次認真地幫佢歸類番啲嘢放櫃桶   當堂可以清番 4 個櫃桶出來   你話佢係咪嘥哂啲位丫 ~

我差唔多執完   佢就打來   我望一望個鐘原來已經 2 點 45 分   我都有啲餓喇   沖埋涼就出去食 tea ~

無啦啦勁想食飯   我想睇下係咪食飯個人會暖啲   哈哈





6 點出門口   約埋家姐同剪髮表妹一齊喺馬會等   之後一齊去酒樓 ~

大舅父又話 7 點半先到   我地 7 點已經到   點知佢地 7 點前已經到齊   依家好似我地遲到咁   唉 ~

今晚 2 圍枱   其實最好就係婆婆舅父阿姨佢地一枱   我地老表就一枱   咁婆婆個枱有 2 個位無人坐   但其實大舅父舅母坐過去就最好   但次次佢都懶係要佢地自己一家人坐埋一齊咁   好鬼煩   所以家姐坐過去囉   大食就陪家姐   不過大舅父又好想家姐同我地坐   話呃咗大食過去坐先   之後先坐番埋來   咁家姐更唔制啦   同埋同阿姨住都無問題囉   大把嘢傾   唔駛好似你咁煩   避來避去 ~

9 點幾就走人   我地同家姐一齊搭巴士   掛住傾偈   又夜媽媽   行錯方向   不過都只係行後一個站   好在里奧大人前日經過過   佢帶番我地搭車   哈哈 ~

咁里奧大人坐樓下最後嘅中間位置   家姐話有時啲司機會開咪   叫人扣好安全帶   我話真係未聽過   之後又傾偈啦   里奧大人話大食好乖   陪家姐坐隔離枱   之後家姐話唔想佢陪   里奧大人就話對妳好啲都唔得   仲大力打家姐   家姐差唔多落車   就同里奧大人講話: 你坐唔坐到倒後位架 ?!  妳唔好嘔落人地度呀下 ~

笑死我呀   之後里奧大人對面個女人都忍唔住笑出來   我叫佢放心   佢唔會嘔架   哈哈   再望一望隔離窗口位置個女仔   佢忍唔住噴出來笑呀   不過真係估唔到家姐咁講   但佢地可能都知我地係玩   要是真係驚   個女人聽到係會避開咁   但個女人無嘢架喎 ~

之後佢個仔同我講拜拜姐姐    嘩   幾十年未聽過人叫我 "姐姐" 喇   多數叫姨姨   所以勁開心啦呢晚   哈哈 ~

番到屋企都即沖涼喇   再睇多陣 youtube   12 點半先瞓 ~

沒有留言:

發佈留言