皇庭匯 @ 官塘 ( 2-DEC-2017 )

上湯焗蝦球伊麵 - 啲蝦好鹹呀

翡翠豚肉影花姿 - 我唔係咁鍾意食豬頸肉



鴻運乳豬慶全體 - 好奇怪   第 3 碟菜先上乳豬

 
香脆黃金百花球 - 麻麻哋   唔實淨嘅



海皇花膠雞絲翅 - 今晚好凍呀   所以食番碗熱嘢係最舒服呢


   
翡翠新鮮龍躉球 - 啲魚炒到好鞋   定係唔新鮮呢 ?!


   
雲耳蒸龍躉頭腩 - 點解呢碟啲魚肉係霉嘅 ?!   超級勁難食呀

御品脆皮一品雞 - 無食呀


   
鮑汁雞粒炒飯 - 仍都無食   但打包咗半兜   留番聽晚食



歡樂蟠桃包 - 無食呀   因為真係好飽   里奧大人拎咗 3 個番屋企   星期一做早餐喎   紫薯蓉做餡   最搞笑我頭先問兒生女男朋友   有無食過東海堂啲紫薯食物 ?!   所以佢一見到紫薯   就係咁叫我食   我話唔同質素噃



( 2-DEC-2017  SAT )

今朝同家姐食早餐呀   開心開心 ~

呢 2 個餐嘅份量好多呀   連家姐都話剩番唔好食喇   因為佢都食唔落呀 



8 點 45 分走人喇   遲咗 20 分鐘番菇場   所以啲同事以為我放假   哈哈 ~

最搞笑佢哋問我做咩唔請埋今日 ?!  我話要是瞓到 10 點幾起身   之後又無節目   好似嘥咗日假咁   不如番工清下啲嘢好過 ~

第一件事就 Load 相   之後先正式開工 ~

預咗多嘢做   仲單單煩嘢   所以做哂啲 Urgent 嘢先   之後就 Hea 住做   因為無咩 Mood 做   哈哈 ~

放工即走   番屋企抖陣   3 點出去食下午茶 ~





食完就番屋企   我寫旅遊 Blog   里奧大人睇雜誌   佢 5 點幾去舖頭幫手   我就喺屋企熨 2 機衫   之後繼續寫 Blog ~

今晚同里奧大人屋企人做節   佢姐夫揸車去酒樓   所以車埋我去喇 ~

8 點去到  食下傾下   姑奶同 2 個兒生又話我瘦咗   里奧大人最唔抵得   成日話我無瘦到   衰格 ~

咁我影相嘛   又問我影嚟係咪放上 FB ?!  一係問我影嚟做咩 ?!   我真係覺得好煩   成日問問問   我之前咪話影嚟做記錄囉   點解可以影一次問一次嘅呢 ?! 

好快又 9 點半   里奧大人姐夫車我哋番屋企 ~

好攰呀   番到屋企即沖涼   之後休息喇 ~

睇下電視   12 點先瞓   呢排都係 11 點幾 12 點先瞓   但其實一覺瞓天光   但黑眼圈依然好勁呀   慘 ~