勁呀 今朝 5 點半起身喇 好在又無話好攰咋 番工都係呢個狀態就好啦 哈哈 ~
沖埋涼就去食早餐 真係好鍾意食佢哋嘅早餐 好用心整㗎 樣樣即叫即做 基本上樣樣都係熱辣辣端出來的 ~
原來佢哋係赤腳行嘅
咁早 任你坐邊都得
今朝影就一定無陽光啦 呵呵 6 點唔夠呀
今朝食呢 Set 早餐
咖啡唔少得
原來 Omelette Set 係有沙律同烘麵包 我以為佢比錯呀 因為 Menu 無寫呢
記得有一次食自助形式嘅早餐 我去拎即煮 Omelette 仲要加芝士 食完真係飽到反艇囉
芝腿飛碟 Again
Share 食嘅份量就啱啱好 我食就一定落黑椒
打包留番一陣食 佢哋好細心呀 膠袋+橡筋咁包住呢
話時話 呢條樓梯用嚟晾衫都唔錯 哈哈
食到 6 點半 之後番上房抖陣 7 點落 Lobby 等 雖然佢哋話 7 點至 7 點半 但我哋都 7 點落去 唔想人哋以為我哋遲到 哈哈 ~
唔好落雨呀
酒店名
開始天光了 我係咁望住右邊呢個方向 因為好期待架車快啲來 哈哈
黃色雙條好靚呀 唔知同紅色有無分別
開始天光了
♪♩♫♬撥著大霧默默地在覓我的去路 但願路上幸運遇著是妳的腳步♪♩♫♬
我個相機鏡頭濛到呢
泊哂電單車
開工拜神
7 點 15 分了
天都光哂喇
望上去係咁樣嘅 好乾淨喎
里奧大人個相機鏡頭都濛咗㗎 解凍咗 15 分鐘都仲未解凍完 妳話間房啲冷氣幾咁勁呢
我覺得爸爸帶孩子係好 Warm 㗎 但我覺得佢部電單車好似好細架咁嘅
黑白色呢架係咪校巴呢 ?!
附近好多廟 所以間唔中都會見到佢哋出現
僧侶頭髮多過鬼佬
好多車呀 又多學生 我估應該有學校喺附近
唔知佢係咪拎一大袋食物呢 ?!
佢又係好忙碌咁 同埋佢都算白淨 因為我成日以為泰國人皮膚係比較黑囉
好懷念番學嘅日子呀 係我人生最開心嘅回憶呢
已經 7 點半
又影下酒店啦 佢好似企喺棵樹下面咁
到里奧大人開始望下架車到未喇
仲以為呢架車添 咁乾淨又唔錯喎 哈哈
等到 7 點 35 分仲未見車 所以里奧大人打去漢清邁 佢哋話幫我哋 Check 下司機喺邊喎 最後 7 點 45 分司機先到 ~
我哋再接埋另一 Team 團友就直接去清箂喇 要坐 3 個小時車㗎 ~
我尋晚同里奧大人講 記得帶外套 驚坐車凍 點知架車焗到好似無冷氣咁 慘 ~
原來呢架先係呀 哈哈
我哋嘅導遊
唔多 Happy 囉 佢哋遲到呀
其實對腳 "Long" 到咁高都辛苦 哈哈
沿途有唔少廟宇
去另一間酒店接團友
佢哋啲樣好似唔開心咁 不過咁 我自己坐巴士都係咁嘅表情嘅 哈哈哈哈
佢散緊步呀 睇見都覺得熱 哈哈 但其實我坐架車都好熱囉
Lobby 前面又係有座 Mini Temple
落雨就要即跳回車廂入面了
個男人坐喺個架上面
佢條腰好似穿咗個窿咁
兩個女仔好開心咁啊
雙龍寺
里奧大人在群組講是講非 哈哈
話咁快寫咗咁多嘢 啲數字求其寫都有人信啦 哈哈
我哋今日去參觀嘅白龍寺
都唔記得係講緊咩 lu
仍都唔記得呢個係咩人來
佢就係設計白龍寺嘅著名藝術家 Chalermchai Kositpipat 但我覺得佢呢個動作好好笑
吉祥物 ?! 我覺得好似條荷蘭豆
呢個都應該係吉祥物 係啱啱掛上去呢
塞車
行呢啲公路 我開始有啲眼瞓 同埋架車好焗呀 慘
轉彎又轉彎
佢幾咁好瞓呢
中途會停一停去一個溫泉區 好似逗留 20 分鐘 ~
其實行程都無話去囉 唔明點解會去咗 大熱天時 仲將對腳浸溫泉 嫌自己未夠熱嗎 ?! 哈哈 同埋九萬個人浸過 真係諗起都污糟囉 佢地係一除鞋就浸腳添呀 ~
去埋個洗手間 但要比 5B 一個人 我覺得比錢唔係問題 但就會期望佢地地方要乾淨囉 唔係比錢做咩先 ?!
到溫泉區喇
有黑雲
另一邊就無咁多黑雲
唔知以為係藍廟 哈哈
好古色古香咁呀
大大嚿黑雲飄緊過來
原來全部都係藍色頂
風鈴其實靚嘅 但細個睇得太多鬼片 風鈴一響就代表有鬼出來 所以呢啲真係童年陰影 哈哈哈哈
呢度浸腳 我覺得似洗腳多啲囉
Enjoy
再行上少少仍然係浸腳嘅地方
架車噴煙咁
又見到貓頭鷹嘅袋
陸陸續續開舖了
影呀影
好鍾意呀 依家好後悔無買
睇見都腥
泉眼 ?!
煙霧迷漫咁款
清邁真係好熱 加上架車又無咩冷氣 所以無咩心機周圍睇嘢 同埋係無咩嘢好睇囉
團友呀 妳哋企咁近唔熱咩 ?!
我覺得要有告示牌囉
啲水可以淥得熟人㗎 所以我一定唔會企埋去影相
我淥緊人哋嘅鵪鶉蛋 哈哈
去埋 7 仔買埋喉糖就上車喇
馬桶呢個翻譯好搞笑
我人大份 個袋又大喎 差啲攝住郁唔到呀 勁驚
男廁
男廁 / 女廁
呢個所謂景點 完全浪費時間
右邊嘅地方係賣銀器嘅
10 點正式出發去白廟喇 11 點 35 分去到 望到人山人海咁款 ~
介紹白龍寺喇
好恐怖
中間係我對腳 我都唔知點解無啦啦除咗對鞋 哈哈 咁隔離係鬼妹對腳 佢指住佢對腳前面粒銀色嘢 之後同我講話 Very Hot 講咗幾次 我都唔知點答佢好囉 咁妳明知 Hot 就唔好伸隻腳埋去嘛 暈
開始步入眼瞓階段
我哋睇咗 Museum 先 不過行咗一個圈都唔想睇 咁 12 點 20 分要集合 所以爭取時間去白廟 里奧大人以為係 12 點 50 分呀 好在我睇到個 Guide 寫嘅時間咋 唔係實遲大到 哈哈 ~
唉 熱都算 但真係好驚咁多人囉 我無諗過平日都咁多人去囉 嗚嗚 ~
咁一批人到 自然一批人走啦 之後白廟又靜哂 我問里奧大人仲番唔番轉頭影 ?! 佢話想影嗰果 Mood 都無 lu 咁又係 見到堆人又嘈又剩 真係大大影響心情呢 ~
我見到有個國語人幫朋友影相嘅時候 叫其他人行快啲行快啲 都黐黐哋線 妳影快啲唔好 ?! 自己企喺度影得耐就得嘅 不知所謂 ~
話咁快就到喇
入場券
好好天呀
呢啲公仔 我唔識欣賞呢
睇得多呢啲公仔 會發惡夢
無諗過 No Smoking 個牌咁靚
好大個紋身
想點先 哈哈
全場都有呢啲古怪公仔
終於見到佢喇 但佢個 Pose 真係好好笑
呢個白色嘢唔知有咩意思呢 ?!
真係好靚 但同時間好多人呢 好嘈呀
嘩 終於記起 硬係覺得咁嘅設計 好似好熟口面咁 諗番起我細個嘅時候 一坐小巴經過棵樹 就會見到類似布公仔嘅嘢 (size 同呢個頭差唔多) 成日望住我笑架 個頭係咁郁係咁笑呢 勁恐怖 但家姐同媽咪見唔到囉 嗚嗚嗚嗚
恐怖 999 成個場都呢啲公仔頭
金屋呀 其實係廁所嚟嘅
佢哋好似樣 哈哈
唔知咩來
隻隻嘅樣都差唔多
周圍行下
里奧大人又影佢噃 佢對紋身嘅人真係好有興趣
行去對面 就可以入白龍寺參觀喇
呢個地方 完全唔得寧靜
恐怖人頭 無處不在
係靚 但真係無咩心機行同影囉 太多人了
點解其他指示無英文翻譯嘅 ?!
個樣好似好凋脹咁
入去白龍寺喇
都幾恐怖
一點紅
里奧大人影完呢張之後 後面又有好多人湧上來了
GIVE ME GIVE ME
都估到啲人實會掟錢入去㗎喇
呢邊有啲人頭
面目猙獰
咪郁
禾差
差唔多行到廟入面喇
龍眼
靚喎
望就好舒服
差唔多行完 lu
呢塊唔知代表咩呢 ?!
真係好靚
話咁快就出番來喇
望上去 原來係掛住呢啲銀色鐵片
又見到呢啲
里奧大人叫我做後面 Poster 嘅動作 彩佢都傻啦 哈哈
Hi Buddy 到此一遊
好鬼曬呀 又熱喎 所以買支雪條啦 一食完個胃有啲痛喇 勁驚呀 唔知係咪突然間又凍又酸 個胃唔係咁受到 所以食咗半條要比里奧大人食埋去喇 ~
見到雪條好開心呀 因為真係好鬼熱呢
呢支雪條 一睇就知係酸嘢 哈哈
藍天白雲 心情勁好
話咁快就 12 點 20 分喇 導遊話去食個 Good Lunch 喎 ~
嘩 呢餐有驚喜呀 起碼啲嘢係熱 除咗炸雞 同埋又幾好味喎 諗住 Free Lunch 唔會好味道嘛 但我胃有啲唔舒服啦 咁又熱呢 所以無咩點食 只想飲嘢 ~
清邁其實都算車來車往 有啲路係無交通燈家嘛 所以見無車就即過 ~
不過咁 我哋過馬路嘅時候 有車嚟緊都照過 但佢哋係會駛慢啲㗎 唔會特登嚇妳咁呢 所以真係越嚟越愛上清邁呢個地方 真係行步路都可以慢過人 嘩哈哈哈 ~
去食 Lunch 喇
依家先睇到屋頂有 2 個唔知咩巢
如果有冷氣幾咁好呢 哈哈哈哈
第一時間去買支雪碧 好似 10B 我買嘅時候 佢強調唔可以 TAKE AWAY 驚我爆樽 ?!
每人一份筷子匙更
今餐係 3 餸一湯 白飯任裝
炸雞 凍嘅 不過都幾好味
呢個蕃茄肉片好味呀 唔怪得里奧大人主打食呢個餸啦
個菜湯熱辣辣 勁正呀 真係飲得太多凍嘢 飲番啲熱嘢 個人舒服好多咁架
望出去
好恐怖
喺度食嘢 只能指手劃腳落單
我叫呢啲做大狗㗎
喺呢度食 Lunch
終於食到菠蘿仔喇 聞就好香 食落就好酸啦
去洗手間要經過呢塊木板
喺 Boots 買咗呢支 Hand Cream 味道唔錯 不過唔潤嘅
呢日未完㗎 ^^
清邁笠..午安好啦! 你呀..你呀
回覆刪除出po都唔係依次序既~之前睇ed有d又插返入去
好在我跟得好咋..唔係就漏野啦(哈)
wow..我又係勁鐘意清邁~有機會會再去囉
um! 你知唔知..你寫左好多次熱熱熱熱啦? 哈哈
由其market..可能我冷血底~入面真係唔熱喎
又可能多野買啦~分左心完全唔覺得熱..阿喂都無叫熱喎
今次間酒店靚呀~最like周圍都係green~感覺比較大自然feel囉
依幾日你都話胃痛? 咩事呢? 又唔係緊張呀?又無食煙un野
但次次你一飲/食凍野就話胃唔c服~睇黎要還啦..嘩哈哈哈哈
3d館估唔到係無乜冷氣囉~正路室內又無窗ma..應該好夠冷氣
小奧好攪笑呀~佢影相既表達真係好豐富..交足戲呀吓(哈哈哈哈)
繼續係我呀~wow..market真係好好行
刪除同埋..唔該晒你地幫我搵榴槤干呀..thx
可能牌子太多~加上布吉有都唔=清邁有
麻煩晒你地又要搵又要問添~我再去布吉要大量上貨先得囉
白龍寺架車又唔夠冷氣呀? 3hrs真係好難頂喎
係呀~白龍寺真係好多人..由其大6人囉
佢地又嘈又多手~成日比保安鬧架(抵死)
同埋都係囉..咩都摸一餐~都唔知有咩好摸ma
依日個free lunch好開胃餸~天氣熱食酸野係開胃好多
好加快手出埋其他行程啦! 我追ing+睇ed又勁想去旅行(哈哈)