今晚去 Saturday Street 掃街 酒店向左轉 之後行到盡頭 再轉右就到架喇 其實好近 咁住古城其實都好方便 ~
條街無咩人咁噃
繼續行 好在街燈都多 唔係黑媽媽咁行就慘了 始終陌生地方係有啲驚囉
認住呢隻 "金豬" 做地標 哈哈
到 Saturday Market 喇 原來其中一度塔佩門 (Tha Phae Gate) 就係呢度
嘩 係好多嘢食 加上好多都係 BBQ 檔 所以成條街都好熱咁呀 真係無咩心機行 ~
同埋人多車多 因為喺馬路隔離 啲路又窄 所以我同里奧大都話睇有咩食 唔啱食就去食店食 因為太多塵喇 ~
買咗 2 串雞肉串
原來仲會再烤嘅
好味道 但可惜唔熱 比佢呃咗 哈哈
里奧大人想買沙冰 我話買椰青啦 清熱嘛
香港飲椰香起碼要 $38-40/個 呢個好似 50B 一個咋 不過呢 睇佢個箱全部係冰 諗住好冰凍啦 點知得個椰殼凍
芒果糯米飯 (50B) 即買 基本上都應該係咁嘅價錢 見靚又乾淨就買咯
一有生意就開心呢 哈哈
之後去佢後面間兌換店唱錢喇 兌換咗 HK$1,000 X 4.20 (4,200B)
其實真係好多嘢食 但又好多都唔啱食 哈哈
左手邊嘅唔知咩肉 顏色有啲恐怖
糯米腸 ?! 講真 真係睇見都飽咯
燒蝦其實真係超吸引 但頭先食燒雞肉串唔熱 所以我驚啲蝦燒得唔熟呀 一陣肚屙就麻煩了
炒蝦最暢銷
咁行呀行 見到對面條街係有枱 咁即去睇下啦 企喺度食小食真係無問題 但拎住碟飯咁食 就真係唔得囉 雖然掃街係咁 但唔想咁辛苦咁囉 同埋條街真係人多車多 真係搵個位企都難呀 ~
行過對面睇
原來仲有好多嘢睇嘅 咁同里奧大人又睇下嘢先呢 ~
鬼婆條裙 我每次睇都好似覺得打咗馬賽克咁 睇到有啲暈咁呀 哈哈
件衫仔幾靚 清清地唔錯 又有清邁特色
裙仔都得意 最緊要唔好咁多隻大象 哈哈
唔知幾錢一條呢 ?!
啲象仔好得意呀 但都係忍手唔買 真係好唔想買完又捐出去 好無意思呢
暈喇 依家先留意到有象仔銀包仔 呢個反而想買喎 實用啲嘛 哈哈
貓頭鷹好得意呀 150B 有 3 個 但實在太多啦 所以都係唔買 lu
以為 Big Bottle 係 1 Jar 咁 70B 就好抵喇 哈哈
佢好似自己想飲咁 哈哈
嚇死 以為係蟲呀
條春卷好似我前臂咁大條 真係睇見都飽
唔好講笑 春卷 餃子真係好飽肚 佢哋仲要整到咁大隻添
行咗一個大圈 真係係時候要食晚餐喇 Night Market 好似收 10 點 見到有張吉枱 咁即刻去睇啦 見到有 Menu 咁即係要幫襯佢哋先可以坐啦 咁無問題喎 反正都要食 咁樣仲好地道添 哈哈 ~
同里奧大人去旅行 佢最好嘅地方就係食咩都所謂 ~
佢次次都要我點菜㗎 感覺上好相信我咁呢 哈哈 所以佢話好食 我就會好開心 但其實如果唔好食 佢都唔會話唔好食 只會話咩都要試下嘅 好在同佢口味相似 唔係就煩 佢唯一要求唔好食咁多熱氣嘢 好驚喉嚨痛 反而辣嘢又無問題 ~
原來都有好多人喺度食嘢
我哋喺呢檔買嘢食
呢個煲好似係煮緊咖哩 不過我覺得咁樣擺法係好危險
小菠蘿好得意 唔知甜唔甜呢 ?!
我哋坐呢度呀
選擇唔多 即係唔駛諗咁多 哈哈 好似 70B 一樣 真係唔記得添 暈
里奧大人居然買呢罐青檸汽水番嚟 佢話知我想飲酸嘢喎 哈哈 香港人熱捧㗎 上次喺曼谷都買過嚟飲 但我覺得味道一般
開餐喇
辣拋豬肉飯 - 勁好味呀 里奧大人話好味道呀 同埋最緊要份量唔多
頭先買嘅芒果糯米飯 (50B) 芒果好甜呀 正
走喇 但呢度仍然好多人
食完又過番過對面 8 下 因為呢個 Night Market 得星期六先開咋 想咩都睇下囉 ~
其實都係行番去酒店方向 仍然車多人多
串燒真係好正 但真係好飽食唔落
壽司呀 不過真係唔夠膽食
我發覺清邁啲人都好白淨 同埋幾靚女
呢間兌換店 Closed 見兌換率係 4.250 所以聽朝再黎呢間唱錢 哈哈
乜依家泰榴咁貴嘅 3 嚿要 200B ?! 即係 HK$48 咪同香港差唔多價錢 ?!
正呀
燒魚正呀 不過無地方坐 真係好難拎住成條魚食囉
生嘅燒魚 諗起同阿 mi BBQ 呢
真係覺得咁樣燒蝦係最好味
入去 Tesco Express 買嘢飲
門口放咗好多 Pack 支裝水
識嘆喎 呢間冷氣真係好勁㗎 哈哈
100 Plus 只係 10B/支 不過係特價 但都抵啦 香港 7 仔要 HK$11/支呀
其實泰國本土薯片好味㗎
買咗 1 包薯片 不過最後都無食到 拎咗番香港
呢檔咩都有 生/熟海鮮 飲品 生果樣樣齊
估唔到會見到烚花生 檔主後面係一間藥房 人頭湧湧囉 真係睇見都唔想入去囉 我見好多人都係買榴槤乾
里奧大人叫我睇下 哈哈 之後叫我小心啲行喎 唔係推冧人地堆電單車喎 我知自己肥 如無必要 我都唔會喺電單車興電單車之間行呢
車牌只係數目字咁簡單 ?!
其實食完都已經 9 點幾 不過點都想按摩囉 ~
經過有間見到都幾多人接摩 咁入去啦 我哋仲等咗一陣添 諗住正嘢 點知中哂伏 ~
10 點 45 分按完喇 我個女師傅完全無料到囉 不過見佢個樣好攰咁 我都唔叫佢咁大力喇 反而里奧大人話佢個 OK 喎 ~
呢間唔會有下次
店舖有鐘就最好 因為方便我 Load 相呀 因為我唔記得將相機時間校慢一個鐘呀 嗚嗚
番到酒店都 11 點 即沖涼喇 12 點先瞓 ~
頭先里奧大人話酒店有 3 罐汽水免費提供 所以番到酒店即睇咩汽水呀 哈哈 但頭先做咩唔講呀 咁咪唔駛買嘢飲囉
呢日行程完畢 ^^
沒有留言:
發佈留言