我哋去塔佩門影下相 咁見到 Boots 里奧大人又話睇膠布 之後叫我搽防曬嘅 Tester 呀 哈哈 但搽咗之後 真係好好多呀 起碼唔痛 ~
到塔佩門喇 我咁鍾意呢啲紅磚牆 但居然無行埋去影添 無計 因為實在超級熱
好多白鴿呀
可以買麵包餵白鴿 里奧大人問我餵唔餵 我梗唔餵啦
啲白鴿飛來飛去
唔好飛埋來就得㗎喇
佢寧寧舍舍一隻 離群獨處
呢隻就行得好慢
準備走人
呢張相好似 Key 落去咁 哈哈
過馬路去對面睇嘢 其實見到麥記好開心㗎 但真係食唔落嘢 唔係一定食辣雞腿呢
又見到兌換店 仲要係兌 4.30 所以里奧大人即去兌換錢 (HK$1,000) 留番下次用
NO FEE NO COMMISSION 但其實除咗銀行 基本上都唔會有任何 Charge 囉 係咪呀 ?!
HK$1,000 換到 4,300B 真係好抵玩 老實講 想去旅行又諗唔到去邊 去泰國就最好 消費平之餘 食物又啱自己口味 要是再去泰國 我想 Hea 遊囉 唔 Plan 行程 想去邊就去邊 話唔定仲大開眼界 同埋我想放慢腳步 真真正正比自己抖下
又見到食 PIZZA 地方 但堅持唔食 哈哈
鱷魚皮包 好似一個麵包名咁 哈哈
我做咩影呢張相呢 ?!
依家睇相先見到塔佩門有條樓梯 究竟我影呢張相嘅時候 係想影啲咩呢 ?! 哈哈
咩地方都見到塗鴉
里奧大人一行入去 就係搵膠布 佢有時係細心過我
但我又記得幫佢睇藥膏㗎喎 因為香港無得買 所以我會記得
想買好耐 最終都忍唔住買咗 其實唔知咩來 我只係好想要個樽仔 哈哈
呢個牌字嘅防曬唔錯喎 因為我試咗 搽完涼涼爽爽 又唔會立黐黐 事緣係我今朝起身 覺得條頸後面好痛好痛 我先知應該曬傷咗囉 里奧大人話不如買支 我話唔駛 屋企有 1 支防曬有排用啦 有幾何成日曬傷吖
行下影下 話咁快 2 點 咁里奧大人話去食嘢喎 ~
啡色屋嘅設計 咁似 3D 館果幅畫咁嘅 哈哈
又會擺個車呔喺自己隔離咁搞笑嘅
呢間一睇就知買貴嘢啦 所以唔會入去 呵呵
又見到 Herb Basics 再睇下有無嘢買
原來對面有 7 仔 下次去泰國會試 7 仔嘅飛碟 一講起食就興奮 哈哈
唔理三七廿一 我即開 Tester 聞呀
又買咗 Lip Balm
里奧大人問我買唔買隻熊公仔 ?! 我話無咩特別喎 話時話 里奧大人講明話叫我唔好買嘢 煩到死 日日講 但佢又成日問我買唔買喎 扮好人 哈哈
泰衫褲都靚㗎 但條街實在太熱 所以無 Mood 睇 同埋里奧大人記得我之前買咗好多都無着過 所以我都唔買 lu
估佢唔到 原來係一間店舖呀呢
賣油畫架 同埋一啲雕像
其實無咩好行 不過就好想睇下
呢張相 我即諗起一首歌 "傳說中 有個女皇在世上 長長頭髮 兩眼發青光"
好多廟宇
好多人喎 仲拎哂器材 唔通拍嘢 ?!
全泰文
呢間廟宇好靚
真係行廟宇都有排行
呢度比較靜
呢間應該係 Cafe
個天有啲黑咁噃
個像甩哂色
前泰皇真係好受國民尊敬
第 1 次見咁特別嘅 Tuk Tuk
粉紅色兌換店
唔知有無人會買番屋企呢 ?!
好舊式嘅店舖
唔知點解 我有時用手機影相 啲相唔係咁清咁 激氣
住呢啲屋就正喇 露台夠哂大
建築物都好靚
又番來喇 都幾多人喺呢間 Panda 兌換錢
其實仲有好多兌換店 不過我地無去睇
坐喺度睇白鴿
佢行得好優雅
條行人路好窄
係時候要食嘢喇 咁去一間鬼佬開嘅食店 見個 Menu 啲食物都幾啱食 同埋又有冷氣 咁貴啲就貴啲啦 最緊要舒服 搵一間有冷氣食店真係比較難 連鎖店除外 ~
望出去
屋企飯廳咁擺設都唔錯
鬼佬老闆唔怕熱
靚
Mango Shakes (80B)
叫咗呢 3 樣食物
Tom Yam Goong (w/seafood) (149B) - 超級鹹 同埋個湯好杰身
Pad Pak Boong (79B) - 好味 原來有啲青辣椒 我以為係菜呀 所以辣到我呢
Khao Soi (w/shrimp) (139B) - 個湯好杰
飲埋最後呢杯 Passion Fruit Shakes (80B)
呢餐 527B
老闆比咗張 Discount Card 不過其實我哋都唔會再來食囉
坐出面又熱又嘈
佢唔似泰國人
生果車
咁我想買蜜糖味薯片比家姐 走勻好多間 7-11 都無 最後都要去番 Tesco Express 先有 邪啦 第一晚唔買 點知最後都要嚟番呢度買 估唔到里奧大人最開心呀 因為居然搵到膠布 仲好平 所以佢掃咗 6 Pack ~
逐間 7 仔睇下有無蜜糖味薯片
唔記得飲 A&W 下次一定要買來飲
呢個時間唔比買啤酒了
去泰國幾次 我第一次睇到呢啲告示咋
行番去酒店 lu
唔夠密嘅電纜
地灘檔
呢間 Bar 幾正喎
清邁真係好多外國人
睇見都熱
由呢條路開始行番去酒店喇
酒店
街坊裝
入去睇下
調光先睇到場內環境
依家見到呢啲鞋又想買 但睇嘅時候真係無心機 因為真係好熱
絲巾
唔知幾錢件呢 ?!
大愛 哈哈哈哈
好有心機擺呀
係靚 但比我感覺係勁甩色 因為諗起里奧大人買咗條泰國褲 佢洗完之後 我見地下毛巾好多淺藍色 勁驚要賠錢呀 哈哈
租電單車嘅舖頭
白頭佬應該係老闆啦 鬼佬來喎 我初初以為佢試車咋 其實清邁都好多外國人做老闆咁噃
呢架 Tuk Tuk 嘅司機好細心喎 落雨唔駛濕咁多 哈哈
仍然向前行
唔知咩地方
繼續行
又經過之前食晚飯嘅地方
起緊酒店 ?!
唔怪得我嗰晚好似行緊泥路咁啦
大酒店 ?! Choi
好天到呢
里奧大人係都唔比我揹住支水 所以佢縛住支水喺背囊出面 但如果係我拎呢 佢就成日會話快啲飲哂去 唔駛拎咁重 同佢去旅行真係好好 唔囉唆嘅話 哈哈
要是再來清邁 就會去呢間 Massage
一睇到咩微信支付 就覺得自己喺大陸咁
好搞笑 車頭係提子裝飾
呢間食店價錢算貴呀 但有冷氣囉
見到個芒果糯米飯 就知道已經到酒店附近 lu
Do Good 。。
差唔多到酒店 lu
呢間 Move On 成日都唔開檔嘅
呢個像嚴重失修
@ Wat Fon Soi
價錢係 80-250 個 Range 都幾大噃
我好熱 所以對街邊嘢完全無興趣
其實我好鍾意塔佩門
雪糕車 里奧大人好認真問我夠唔夠膽食 ?! 我話唔夠膽 奶類嘢 真係唔可以亂試呢
好大個木瓜
啲檔口係對住馬路 怕多廛囉
48B 有 2 包 真係抵到爆
一見啤酒 真係好自己會諗起阿喂同阿 mi
一罐差唔多要 HK$7.1 唔知係咪算平呢 ?! 我好少買罐裝啤酒
喺香港食泰菜 實見到呢個牌字嘅啤酒
我影比阿 mi 睇 佢話點解得番一Pack 都唔入貨 ?! 我真係無留意有幾多 Pack 呀 果然係酒后 哈哈
好多款味道嘅雪糕 香港係咁就好 lu
我 Load 相嘅時候 奇怪點解 7 仔會有水果蔬菜 但其實我係喺 Tesco 囉
膠布超平 10 塊只係 15B 仲要係 3M Nexcare
原來有出樽裝橙汁
我話靚呀 里奧大人話咁多青苔都話靚 大佬 我向上望嘛
和尚仔
Tuk Tuk 龍
生意難做
去番酒店拎行李喇 都 4 點喇 大安旨意諗住打的去機場 估唔到係無的士 要酒店職員幫手 Call 車先得呀 ~
又番來酒店喇 但好想番上房囉 因為有冷氣
咁好陽光 啲植物一定好青綠呢
我睇到係 30 I do 其實係 301 唔知咩
原來啲象仔係咁多顏色
冰凍嘅水
差唔多全杯都係冰
好似我屋企棵植物 所以好有親切感 哈哈
終於影到個天空喇
等車期間 職員細心介紹酒店起源
咁樣望 又好舒服喎 可能食早餐嘅地方比較暗 同埋又有深色櫃
好多畫
呢幅畫 係設計呢間酒店嘅概念
其實係咪調轉咗呀 ?!
途經洗手間 見到超大隻嘅飛鵝 嚇死我
洗手間擺設
我會叫呢張晝做 "東南西北"
好熱呀
佢哋仍然繼續傾偈 呢個職員都幾靚女㗎 呢幾日我都見到唔少靚女呢
終於等到 4 點 53 分先有的士 如果無酒店職員幫手 都唔知點算 ~
架車到喇 私家車來噃
出發去機場喇
附近都好多餐廳
呢條路來來回回好多次了 定係其實條條路都一樣樣呢 哈哈
呢張相啲顏色好假
應該真係條條路都差唔多樣 哈哈
里奧大人話: 鹿呀 我問邊度 ?! 佢話用草整咗幾隻鹿呀 妳見唔到咩 ?!
嚟到呢度 心情有啲低落呀 我估我真係好鍾意清邁呢個地方
塔佩門真係好靚
都開始多車 lu
30B 一個人咁平 ?! 但去邊度先 ?!
天氣咁熱 個司機仲着長袖
喺古城 真係好難見到有高樓
差唔多到機場 lu
到機場 lu
5 點 05 分到機場 勁快喎 ~
Check-in 完就搵食 里奧大人強調話今晚無得食㗎喇 同埋番到香港已經好夜 ~
要離開清邁了
好多人排隊噃
魯味居
@ HK Express Counter
好在無 Overweight
個 Staff 衰到死 係佢叫人將啲行李 Down 之後又打哂手勢話 No 咁即係想點喎
所以我個背囊 次次都會留定啲位放嘢 妳知啦 有時啲嘢係臨上機先想買家嘛
諗住去 2 樓嘅 Burger King 但好鬼焗 所以里奧大人話行入啲再搵 終於見到間 Black Canyon 仲要有冷氣 感恩感恩 ~
可以睇 但唔可以買
正呀 但今日飲咗 3 杯咖啡 所以唔敢再飲了
繼續望下有無阿 mi 要嘅牌字 咁睇自己對腳好似無血色咁 都幾恐怖
里奧大人話靚呀 叫我行入去影 我話你覺得靚就你入去 我同你影 哈哈
Pizza 正呀 但原來 Exit Door 6 係喺出面囉 即係要食咗先 Check-in 但可惜我哋已經 Check-in 了 係出唔番去囉
捐錢箱
捐哂啲散紙
呢個靚仔喎
都係賣貴嘢呢
呢度啲衫 價錢唔平㗎
電話亭設計得好細心
5 點 35 分 lu
無咩人
其實呢層好焗 唔係我都會食麥記 因為辣雞腿好味道
帶番副老花鏡睇 Menu 先
靚呀 所以買咗 3 個 35B一個
飲埋呢杯凍飲就真係夠哂喇 喺清邁咁耐 幾乎每日一杯凍飲 太唔健康了
我食唔落呀 里奧大人食哂去
最後一擊
里奧大人話要影酒店支水 即係都鍾意間酒店啦
8 點 20 分上機 好在食咗啲嘢咋 哈哈 ~
無咩人喎 正
又見到 Herb Basics 又再問有無香水膏 答案係無 哈哈
等
靚呀 但 5,500B 一對 超級無敵勁貴啦
呢幾隻都靚呀
呢對要 6,200B
得意得黎 帶點恐怖 哈哈
以前去旅行 真係買過呢啲杯做紀念呢
2,300B 好貴
無 Chiang Mai 嘅
呢度買嘢食實貴 但都要買支水囉
呢間就更加貴啦
由細到大都係好鍾意食 After Eight 朱古力 呢包獨立包裝勁吸引 但要一百蚊港紙呀 超級貴啦 一定唔會買
無聊到望天花板 原來都有特色喎
記認
番到香港應該要 12 點了
終於上機喇
飛機出面寫住 "春卷"
全機坐滿人呀
又係坐窗口位 正
里奧大人無啦啦拎張電話卡出來 但佢明明仲用緊張卡 即係呢張電話卡放咗成年
12 點降落 機遲即係行林李都會遲 ~
香港時間 12 點喇 呢隻錶喺曼谷買㗎 好似 200B 咋 我好鍾意呢隻顏色呢
12 點 15 分了
坐無人駕駛
Delayed Delayed
拎埋行李都 1 點 拿拿聲打的番屋企喇 ~
唔知以為里奧大人好唔耐煩 哈哈
出到大堂 正正 1 點
1 點呀 1 點呀
咁夜啦 原來都有咁多人搭的士
唔好自拍就得喇
有離奇嘅事發生咗 咁里奧大人之前買過行李牌嘛 佢都知我鍾意 Minions 我哋整行李嘅時候 我好肯定個喼係無行李牌嘅 咁我等的士嘅時候 我話 Minions 行李牌呀 ?! 佢無理我 之後我再話 佢都無理我 因為以為我整鬼佢 咁我指住個喼話 Minions 行李牌呀 問係咪你買比我架 ?! 佢先望咋 之後驚啦 驚又拎錯喼呀 但其實好在嗰個行李牌係 Minions 唔係都幾恐怖 哈哈 ~
無啦啦見到有隻嘢掛喺自己行李喎 其實咪話唔驚呢
影完即掉隻 Minions
沖埋涼 喼都唔執就瞓喇 因為已經 2 點半喇 ~
沒有留言:
發佈留言