五香肉丁辛辣麵 ( 18-JUN-2017 )

( 18-JUN-2017  SUN )

今朝 9 點起身   食埋早餐就番學喇 ~





咁尋晚同里奧大人講話想食韓燒   但得個半鐘   我話唔食喇   好鬼趕㗎   之後佢話今日番完學就去食啦   不過我知道佢點都會同我食   如果我話唔食呢   反而佢會日日問幾時食   要食到為止呢 ~

11 點 40 分去到漢和   咁慢慢睇下有咩食先   之後就每樣拎啲   我見啲人真係放到一碟滿哂   其實一定有 Refill   唔需要咁拎法囉 ~

坐卡位好舒服
   


近玻璃位置嘅卡位比人坐哂 lu  

前菜 

啫喱糖
   


甜品
  


生果 



蛋散  



全部任飲  



好多款食物



但我只係食幾款   哈哈 
 


啲人拎一大碟   我都係鍾意夾少少試下先   唔係一陣唔好食就大鑊了      
 


炒飯好靚仔 



豬腳薑必食   哈哈 



朱古力火鍋   里奧大人拎咗粒棉花糖   不過佢無蘸朱古力   話會好甜喎



煎堆仔   望咗 2 次   最後都係無拎   我驚食完一個會太飽呀



韓式烤肉食法   

開始燒喇   我見人哋成個爐都係食物   感覺好豐富咁   勁想走去影張相   哈哈 

我嘅醬料   我都唔知拎咗 5 隻碟咁多   不過我真係蘸得哂㗎   所以成日好口渴  

即刻諗起 BBQ 燒多春魚   難燒到爆   哈哈      



要食啲菜中和下   我食咗一碟芽菜   好味道   



炸唔知咩丸  



年糕好煙韌   正呀 



燒呀燒   



三文魚
   


拎碟三文魚啫   番到去就見到隻雞翼燒到燶哂   里奧大人仲話出面燶咋   啲肉仲好 Juicy

 

我同里奧大人話好開心可以食到壽司呀   佢第一句就話都唔係黃蘿蔔壽司   哈哈   真係記得我鍾意食啲咩喎
   


蛋散好味呀   加咗柚子蜜同糖漿   因為食完鹹好想食甜   哈哈   



里奧大人好開心話要整雪糕涼粉   



其實我都未食完   佢已經話要食雪糕
   

里奧大人燒比我食嘅   佢想我食多啲西冷牛肉      



我自己再燒   



一次燒哂 6 塊   算好多㗎喇   但燒完要即刻食囉   凍咗好鬼油咁呢

燒咗嘅三文魚   好乾呀

豬腳薑好味呀   我飲咗一碗醋   同 2 嚿細細嘅豬手   好難先 "北" 到唔係腳趾嘅部份呀



每人食埋 2 件西瓜就走人喇   啫喱糖都好味呀   酸酸哋   當堂無咁漏

食到差唔多 2 點就走人   又去 APM 行下   因為我想去番 Stage of Playlord 買涼鞋   感恩又買到   不過無貨   聽日先有貨   咁要里奧大人聽晚幫我拎 lu ~

里奧大人終於買咗部 V20   佢上次整電話   拎番部 Samsung 舊機用   覺得個 Mon 大真係好睇啲   佢成日要覆 Email 嘛   所以真係大 Mon 係好啲囉 ~

今日父親節嘛   買指定型號就額外送多張 $50 惠康 Coupon   咁 6月用 Citibank 簽卡又有回贈    今次有 $150 回贈   即係出機價只係 $3,848   咁我陪佢一齊比錢   之後同佢講記得睇有無扣 $150   佢居然話真係唔記得   嘩   好在我陪佢咋   咁我哋又唔會成日 Check 單   到時真係蝕喇   不過如果搞錯   都應該扣得番嘅   哈哈 ~

佢買完就開開心心咁番屋企啦   之後佢開始 Set 電話 lu   勁忙 ~

咁我就抖啦   所以我尋日特登做哂啲嘢呢 ~

其實又唔餓   但 7 點都要食啲嘢囉   好怕臨瞓先黎餓囉 ~

我話煮五香肉丁辛辣麵   里奧大人最開心   呢兩樣佢都鍾意食呢 ~

搞掂哂就食埋生果   抖陣就沖涼喇 ~

上網睇 Viu TV   睇到成 11 點幾先瞓呀 ~