坐 Tuk Tuk 去 Waroros Market 諗住食嘢先啦 但大部份都無開 得番一檔開咋 咁唔食 lu ~
沿途真係有唔少 Tuk Tuk 等生意
如果我有 Tuk Tuk 嘅話 我會用迷彩 再放支搶型嘅遮喺架車度 但唔知會唔會嚇親人呢
真係好想試下呢啲車仔檔食物
開車 lu
其實我覺得坐 Tuk Tuk 真係唔太舒服 拎得多嘢仲煩 又要顧住個袋 好驚比人搶嘛
好多塗鴉
好靚呀
啲字肥嘟嘟好得意
司機叔叔話到咗 Waroros Market 喎 感覺勁似曼谷唐人街
好多金色
要行入少少先到 Waroros Market
即刻行入去睇下咩環境先
地方都好大
同埋都幾多人行咁噃
啲衫嘅款式就比較有年代感
得一檔開咋
又落番去睇下 見人多嘅地方 我又裝下咩來 哈哈
好似係啲炸嘢 全部都係當地人買呢 所以應該係好味道 哈哈
真係好多嘢食
行到無雷公咁遠 終於見到有間 Britso 咁去食啦 我見到有玻璃門添呀 所以我同里奧大人講話一定去呢間 因為有冷氣 點知原來係無嘅 哈哈哈哈 ~
都係嗰句啦 飲杯凍嘢再坐定定 再扎埋把頭髮 其實唔係話太熱 我都無用風扇仔添呀 心靜自然涼嘛 我咁怕熱都唔覺太熱 就唔算係熱啦 同埋里奧大人揹咁重背囊仲辛苦過我啦 我算得啲咩喎 哈哈 ~
行番出去搵食
其實我以為早上先見到佢哋㗎咋
唔知佢哋去邊呢 ?!
真係車來車往 對上之前去高雄 真係成個死城咁 所以我覺得清邁係好多車咁囉
我哋向前行
行到好遠見到有間寫住 Pizza 勁開心
Menu
好少見餐廳啲櫃係空蕩蕩
有一枱國語人
就係比塊大玻璃呃咗 以為有冷氣 哈哈
好似好正咁呀 雖然未食 哈哈哈哈 所以我次次見到啲嘢食話好味 里奧大人就會問妳食過咩 ?!
Smoothies (Strawberry & Green Tea ) (70B/杯) - 里奧大人杯綠茶就無咩味 我杯就好味道喇 呵呵
味道一般啦 但其實我未食過咖哩麵 但只知道嚟泰北一定要食咖哩麵咋
Rad Na Moo (70B) - 就咁睇名 真係完全唔知咩來 又無中文喎 好在英文寫住 "
The original recipe of Thai style pan fried wide rice noodles with meat and vegetables in thick sauce" 咁就清楚好多喇
我同里奧大人講話個汁係好杰 估唔到佢都話想試下 雖然賣相比較驚啲 但係超級勁好味呀 清得黎又有味道 老實講 唔係太熱 真係想食多碟囉 其實份量好少 得幾條粗嘅河粉 幾片肉 男人一定唔夠飽呢
隻窗好靚呀
得番我哋一枱人咋
嗱 又要講喇 真係比塊玻璃呃咗 以為有冷氣呀 哈哈
食完就去龍眼市場買龍眼 里奧大人以為我講笑 事實上龍眼市場個名又幾搞嘢 好似真係專門買龍眼咁 哈 ~
買完再去 WM 買木制品 但已經收咗檔 咁再行番龍眼市場 咁諗住買啦 但見好多隻嘢行來行去 唔知係咪蚤 所以唔咁買呀 咁都好 可以慳番 ~
里奧大人以為我想企喺馬路中心影相呀 Sorry 囉 我唔想死住 哈哈哈哈
行番去對面
如果唔駛揹住個背囊 就真係舒服好多囉 背囊太重喇 行路似寒背囉
間餐廳外觀都好靚
個公仔有啲恐怖
個口細番少少會好啲 哈哈
50B 係幾多碼呢 ?!
好鍾意呢啲布呀 如果我識車衫就好啦
咩料呀 哈哈
一見到電纜 就好自然諗起曼谷
再係咁行行行
離遠見到橙色就以為係 SuperRich 添
佢哋啲衫真係好 Sharp
又見到佢啦
25B 係一磅 ?!
龍眼市場嘅泰文好得意呀
入去喇
個場是咁的
其實好多買嘅嘢 但樣樣都係差唔多咁
我真係覺得好熱囉 所以對好多零食都無興趣
我哋最主要係搵榴槤乾
仍然無 Goody 呢個牌字
細細包會吸引啲 因為呢啲一開咗 就唔可以放咁耐 好快腍
依家睇相就想食喇 哈哈 仲有啲後悔無賣添
點解依家先見到菠蘿乾㗎 我好鍾意食㗎喎 熱起上嚟 真係咩都無心機睇呢
喺呢榴買龍眼肉同芒果乾 咁里奧大人主動問檔主 邊度有呢個牌字榴槤乾賣 ?! 佢話超市先有 咁好啦 搵日再去 Maya 睇下先
其實我都鍾意食香蕉片/生果片 但份量太多 所以唔敢買 唔想成日食一樣嘢食到好驚咁囉
喺度買咗香茅粉同薑粉 同埋 2 包辣椒粉
我發覺次次買嘢 我哋係買完嘢 佢哋只會企喺度等收錢 唔會我哋一拎完一樣嘢 佢哋就即刻伸雙手出黎問妳拎錢 驚妳唔記得比咁 所以我喺清邁買嘢 真係買得好開心呢
行下行下又買到啲果乾 我話想買芒果糯米飯 但里奧大人話唔好 咁我知咩事 lu 有好多蒼蠅嬲住定啦 ~
下次再嚟泰國 一定要食燒肉
脷底流緊口水喇 哈哈 我買咗紅色嘅莓 香港買好貴 同埋唔係好多地方有得買呢啲涼果
我買咗包雜莓乾 番香港試咗啦 估唔到幾酸 啱哂喺菇場食 食一粒當堂醒哂 哈哈
蟲蟲呀 真係試都唔會試 但睇睇下又幾似蝦條咁 哈哈
堅覺得正呀 加埋啲醬汁 一定好好食呢
今晚會去埋另一個夜市 但 5 點又未開 咁行去夜市附近 見到麥當勞勁開心呀 食 Spicy Chicken Wing 算係行程之一嚟㗎 哈哈 ~
6 點左右行喇 好似唔係咁吸引 我哋都走 同埋個天又嚟料咁 ~
去 Night Market 喇
沿途都有好多檔灘
我真係覺得啲路好窄囉
只可以一個人行
繼續行 呢區好似有唔少 Bazaar
樓上唔知咩來 但我第一個感覺係熱
CHIANG MAI
啲衫好平 用嚟當底衫着真係唔錯 我成日話喺泰國或者新加坡買衫 質料實唔會焗熱囉
原來買咗一大袋嘢喇
呢度都有唔少檔灘
見到麥當勞真係好開心 佢哋嘅脆辣雞翼好好味㗎
唔夠錢食嘢唔駛驚 即刻喺隔離拎錢 哈哈
我只係對 Spicy McWings 有興趣
好似同香港差唔多價錢
Bello 即諗起冰姑
成個 Cashier 位置都係佢哋
呢期真係好鍾意佢哋呢
99B/Set 都抵
165B/Set 原來都要接近 HK$40 即刻覺得貴喎 哈哈哈哈
又見到佢喇
我諗咗好耐 覺得硬係有啲嘢唔同 後尾諗到原來係用玻璃碟呀
真係好辣 勁正呀 可惜食唔哂啲薯條啦
佢開心到流馬尿啊 我比表妹睇呢隻杯 佢問我做咩唔攞走 我話係紙杯呀 如果係膠杯真係會拎走囉
又係 6 點落大雨
不過點都要行一個轉啦
好多都未開嘅
"生間" 唔寫好過寫
嚟料喇
個 Tuk Tuk 司機明明整緊個蓬 咁睇個勢都知會落雨啦 咁我哋等佢整埋先上車 佢又話 OK 唔會落大雨咁 ~
頂佢吖 去到半路開始落雨啦 之後佢停車喺樹下面 幫我嗰邊落蓬囉 咁以為唔大雨啦 因為佢無幫里奧大人整嘛 但之後好鬼大雨啦 里奧大人半身濕哂呀 慘 ~
佢仲行錯路添 我明明見到對面係 Makkachiva 見佢唔停車 以為佢咁細心毛兜去酒店後面 等我哋唔駛濕身 點知佢去錯咗另一間 Maxxx 其實同我哋間酒店名差唔多 咁我哋當然唔落車啦 酒店嘅人話佢知 Makkachiva 點去囉 ~
番到酒店即沖涼換衫 等雨停咗就去酒店附近食嘢 今晚食印度菜 ~
學生喎 可以揸電單車 ?! 唔駛夠 18 歲先考牌 ?!
番到酒店 lu 佢又係做緊嘢 但其實環境好暗 真係睇見都辛苦
唔知代表咩
密質質
枕頭都打風了 哈哈
望落去
我未同過其他住客行出行入或者一齊搭 Lift
半邊身濕哂
飲罐 FANTA 先
6 點 35 分喇
床頭都好靚㗎
電視廣告 完全唔知講咩 不過應該係有 Promo 啦
金鈁柔順濟定洗衣液呢 ?! 我只知道有咁多味道好正囉
我發覺清邁啲男男女女幾靚 同埋皮膚都白白淨淨
我知道係咩意思就勁喇 哈哈
落完雨嘅清邁
行去食晚餐喇
飲酒嘅地方
呢杯飲品好正咁
沿途都有呢啲車仔檔 見到鬼影
唔知點解 我覺得左手邊行出嚟嘅人 好似無腳咁 有啲恐怖 哈哈哈哈
唔記得咩舖頭 只知道好早已經關門 哈哈
喺呢間食晚飯
估唔到有埋 Thai Menu 但無芒果糯米飯囉
我揀呢個 Mixed Tandoori Platter
我唔知咩叫 Tandoori 同 Tikka 咁里奧大人問老闆娘 佢又唔識點講 之後佢問個廚師啦 個廚師無啦啦走出來同里奧大人講 但都係唔明佢講咩 後尾叫里奧大人入廚房睇下係咩嚟
冰杯
其實都唔係好夠凍
飲一杯開心下啦
初初唔知咩來
原來係出菜位
唔知 3 粒星係咩意思呢 ?!
呢間食店都好多人幫襯 我哋走嘅時候 都坐滿 8 成呢
呢兩個鬼仔好靚仔 估唔到連里奧大人都話佢哋靚仔 哈哈
好鍾意呢啲磚牆
我真係對印度食品嘅綠色醬有啲抗拒
出場喇 好鬼大碟呀 哈哈
食唔哂呀 無諗過咁多添 如果酒店房有微波爐 我一定會打包 同埋會去超市買支辣椒醬 最多慢慢食 好過依家咁浪費 唉
好似係魚肉卷 我唔明點解啲印度雞 要整到咁乾 好似食緊瘦肉咁囉
好期待 點知係極度失望
無蒜味嘅
埋單 550B 又話清邁食嘢好平嘅 我真係唔覺喎 我覺得同曼谷價錢差唔多
呢間食店嘅味道真係麻麻哋 有啲失望呢 ~
雖然好飽 但點都要去食芒果糯米飯 咁先夠完美嘛 ~
去番肥仔度食芒果糯米飯 今晚好焗熱呀 所以真係快食快閃囉 ~
又行番去酒店 見唔見到隻貓呀 ?!
夜晚無咁熱 但都唔係叫唔熱囉 哈哈
好在有開咋
賣相就比較驚啲 但好好味呀 芒果好甜呢
55B 超抵食
番到酒店喇 酒店隔離就係按摩店
番到酒店沖埋涼 睇下電視 咁我睇泰國電視劇 因為男主角靚仔 好在里奧大人啱啱沖完涼出黎 佢話係咪鬼片 ?! 我話唔係啩 講緊男女鬧交咋喎 點知之後睇睇下唔對路 堅係鬼片呀 嚇鬼死咩 即刻轉台呀 ~
里奧大人 9 點 20 分瞓 我 9 點半都瞓喇 勁早呀呢 哈哈 無計啦 反正又瞓到 聽朝又要 5 點半起身 都係早啲瞓好啲 ~
呢日行程完畢 ^^
Bellow :)
回覆刪除