2018年1月4日星期四

DAY 4/6 (PART 1/2) 熱情 @ 泰北。清邁 ( 27-JUN-2017 )

( 27-JUN-2017  TUE - PART 1/2 )

勁呀   今朝 5 點半起身喇   好在又無話好攰咋   番工都係呢個狀態就好啦   哈哈 ~

沖埋涼就去食早餐   真係好鍾意食佢地嘅早餐   好用心整架   樣樣即叫即做   基本上樣樣都係熱辣辣端出來的 ~

~ 原來佢地赤腳行嘅  



~ 咁鬼早   任你坐邊都得呢 



~ 今朝影就一定無陽光啦   呵呵   6 點唔夠啊 @@



~ 今朝食呢 set 早餐   



~ 咖啡唔少得   




~ 原來 Omelette Set 係有沙律同烘麵包   我以為佢比錯呀   因為 Menu 無寫呢  





~ 記得有一次食自助形式嘅早餐   我去拎即煮 Omelette   仲要加芝士   食完真係飽到反艇囉



~ 芝腿飛碟 again    



~ share 食嘅份量就啱啱好   我一定落黑椒架 



~ 打包留番一陣食   佢地好細心呀   膠袋+橡筋咁包住呢       



~ 話時話   呢條樓梯用黎晾衫都唔錯   嘩哈哈



食到 6 點半   之後番上房抖陣   7 點落 Lobby 等   雖然佢地話 7 點至 7 點半   但我地都 7 點落去   唔想人地以為我地遲到   哈 ~

~ 唔好落雨呀  



~ 酒店名   



~ 開始天光了   我係咁望住右邊呢個方向   因為好期待架車快 d 來   哈哈     



~ 黃色雙條好靚呀   唔知同紅色有無分別 



~ 開始天光了   




♪♩♫♬撥著大霧默默地在覓我的去路   但願路上幸運遇著是妳的腳步
我個相機鏡頭濛到呢



~ 泊哂電單車



~ 開工拜神   



~ 7 點 15 分了   



~ 天都光哂喇   



~ 我真係覺得呢間酒店設計好有特色    



~ 望上去係咁樣嘅   好乾淨喎        



里奧大人個相機鏡頭都濛咗架   解凍咗 15 分鐘都仲未解凍完   妳話間房 d 冷氣幾咁勁呢   呵  



~ 我覺得爸爸帶孩子係好 warm 架   但我覺得佢部電單車好似好細架咁嘅        




~ 黑白色呢架係咪校巴呢 ?!



~ 附近好多廟   所以間唔中都會見到佢地出現   



~ 僧侶頭髮多過鬼佬



~ 好多車呀   又多學生   我估應該有學校喺附近   



~ 唔知佢係咪拎一大袋食物呢 ?!



~ 佢又係好忙碌咁   同埋佢都算白淨   因為我成日以為泰國人皮膚係比較黑囉     



~ 好懷念番學嘅日子呀   係我人生最開心嘅回憶呢 



~ 已經 7 點半 



~ 又影下酒店啦   佢好似企喺棵樹下面咁



~ 到里奧大人開始望下架車黎未喇   



~ 仲以為呢架車添   咁乾淨又唔錯喎   哈哈   



等到 7 點 35 分仲未見車   所以里奧大人打去漢清邁   佢地話幫我地 check 下司機喺邊喎   最後 7 點 45 分司機先到 @@


我地再接埋另一 team 團友就直接去清箂喇   要坐 3 個小時車架 ~

我尋晚同里奧大人講   記得帶外套   驚坐車凍   點知架車焗到好似無冷氣咁   慘 ~

~ 原來呢架先係呀   哈哈   



~ 我地嘅導遊  



~ 唔多 happy 囉   佢地遲到呀



~ 其實對腳 "long" 到咁高都辛苦架   哈  



~ 沿途有唔少廟宇



~ 都有唔少街邊檔   



~ 去另一間酒店接團友



~ 佢地 d 樣好似唔開心咁   不過咁   我自己坐巴士都係咁嘅表情嘅   嘩哈哈哈哈    



~ 佢散緊步呀   睇見都覺得熱   哈哈   但其實我坐架車都好熱囉 @@



~ 團友住呢間民宿   佢話話唔錯喎   



~ Lobby 前面又係有座 Mini Temple



~ 完全無高樓   正到呢     



~ 落雨就要即跳回車廂入面了  



~ 個男人坐喺個架上面 



~ 佢條腰好似穿咗個窿咁 @@    



~ 兩個女仔好開心咁啊



~ 介紹清邁   



~ 寫呀寫



~ 雙龍寺    



~ 里奧大人在 line 谷講是講非   哈哈     



~ 話咁快寫咗咁多嘢   d 數字求其寫都有人信啦   哈   



~ 我地今日去參觀嘅白龍寺  



~ 都唔記得係講緊咩 lu  



~ 仍都唔記得呢個係咩人來   




~ 佢就係設計白龍寺嘅著名藝術家 Chalermchai Kositpipat   但我覺得佢呢個動作好好笑   



~ 吉祥物 ?!   我覺得好似條荷蘭豆   



~ 呢個都應該係吉祥物   下。。啱啱掛上去嗎 ?!   



~ 塞車 @@



~ 行呢 d 公路   我開始有 d 眼瞓   同埋架車好焗呀   慘  



~ 轉彎又轉彎  



~ 佢幾咁好瞓呢 @@   



中途會停一停去一個溫泉區     好似逗留 20 分鐘 ~

其實行程都無話去囉   唔明點解會去咗   大熱天時   仲將對腳浸溫泉   嫌自己未夠熱嗎 ?!   哈哈   同埋九萬個人浸過   真係諗起都污糟囉   佢地係一除鞋就浸腳添呀 @@

去埋個洗手間   但要比 5B 一個人   我覺得比錢唔係問題   但就會期望佢地地方要乾淨囉   唔係比錢做咩先 ?!

~ 到溫泉區喇   



~ 有黑雲 ~~~~ 





~ 另一邊就無咁多黑雲  



~ 唔知以為係藍廟   哈哈   



好古色古香咁呀 



~ 大大嚿黑雲飄緊過來   




~ 原來全部都係藍色頂   



~ 風鈴其實靚嘅   但細個睇得太多鬼片   風鈴一響就代表有鬼出來   所以呢 d 真係童年陰影   哈哈哈哈   



~ 呢度浸腳架   我覺得似洗腳多 d 囉  



~ Enjoy ~~~~



~ 再行上少少仍然係浸腳嘅地方   



~ 架車噴煙咁   哈   



~ 又見到貓頭鷹嘅袋



~ 陸陸續續開舖了      



~ 影呀影   



~ 好鍾意呀   依家好後悔無買   



~ 睇見都腥 @@



~ 泉眼 ?! 



~ 煙霧迷漫咁款   


~ 清邁真係好熱   加上架車又無咩冷氣   所以無咩心機周圍睇嘢   同埋。。係無咩嘢好睇囉



~ 團友呀   妳地企咁近唔熱咩 ?!     



~ 我覺得要有告示牌囉   



~ 個女仔好驚比 d 水彈到   



~ d 水可以淥得熟人架   所以我一定唔會企埋去影相   



~ 我淥緊人地嘅鵪鶉蛋



~ 去埋 7 仔買埋喉糖就上車喇   



~ 馬桶呢個翻譯好搞笑



~ 去個廁所都要入閘   哈哈   



~ 我人大份   個袋又大喎   差 d 攝住郁唔到呀   勁驚   



~ 男廁   



~ 男廁 / 女廁



~ 呢個所謂景點   完全浪費時間



~ 右邊嘅地方係賣銀器嘅  



10 點正式出發去白廟喇   11 點 35 分去到   望到人山人海咁款   慘慘慘 ~

~ 介紹白龍寺喇  



~ 好恐怖 



~ 中間係我對腳   我都唔知點解無啦啦除咗對鞋   哈哈   咁隔離係鬼妹對腳   佢指住佢對腳前面粒銀色嘢   之後同我講話 very hot   講咗幾次   我唔知點答佢好囉   咁妳明知 hot 就唔好伸隻腳埋去嘛   暈 ~~~~~~



~ 開始步入眼瞓階段   



我地睇咗 Museum 先   不過行咗一個圈都唔想睇   咁 12 點 20 分要集合   所以爭取時間去白廟   里奧大人以為係 12 點 50 分呀   好在我睇到個 guide 寫嘅時間咋   唔係實遲大到   哈哈 ~

唉   熱都算   但真係好驚咁多人囉   我無諗過平日都咁多人去架   嗚嗚 ~

咁一批人到   自然一批人走啦   之後白廟又靜哂   我問里奧大人仲番唔番轉頭影 ?!   佢話想影果 mood 都無 lu   咁又係   見到堆人又嘈又剩   真係大大影響心情呢 ~

我見到有個國語人幫朋友影相嘅時候   叫其他人行快 d 行快 d   都痴痴地線   妳影快 d 唔好 ?!   自己企喺度影得耐就得嘅   不知所謂 ~


~ 呵   話咁快就到喇   



~ 入場券




~ 好好天呀 ~~~~~~~~



~ 呢 d 公仔   我唔識欣賞呢    






~ 睇得多呢 d 公仔   會發惡夢 @@  



~ 無諗過 no smoking 個牌咁靚   



~ 好大個紋身   



~ 想點先   哈哈



~ 全場都有呢 d 古怪公仔   



~ 終於見到佢喇   但佢個 pose 真係好好笑         



~ 呢個白色嘢唔知有咩意思呢 ?!   



~ 真係好靚   但同時間好多人呢   好嘈呀  >.<  



~ 嘩   終於記起   硬係覺得咁嘅設計   好似好熟口面咁   諗番起我細個嘅時候   一坐小巴經過棵樹   就會見到類似布公仔嘅嘢  (size 同呢個頭差唔多)   成日望住我笑架   個頭係咁郁係咁笑呢   勁恐怖   但家姐同媽咪見唔到囉   嗚嗚嗚嗚   



~ 恐怖 999   成個場都呢 d 公仔頭   





~ 金屋呀   其實係廁所黎嘅  





~ 佢地好似樣   哈哈  



~ 唔知咩來   





~ 隻隻嘅樣都差唔多  



~ 又吊住 d 公仔頭







~ 周圍行下   



~ 里奧大人又影佢噃   佢對紋身人真係好有興趣      



~ 行去對面   就可以入白龍寺參觀喇   





~ 呢個地方   完全唔得寧靜 @@







~ 恐怖人頭   無處不在




~ 係靚   但真係無咩心機行同影囉   太多人了



~ 點解其他指示無英文翻譯嘅 ?! 



~ 個樣好似好凋脹咁





~ 好多魚呀   



~ 入去白龍寺喇



~ 都幾恐怖  







~ 一點紅  



~ 里奧大人影完呢張之後   後面又有好多人湧上來了



~ GIVE ME   GIVE ME  




~ 都估到 d 人實會掟錢入去架喇     



~ 呢邊有 d 人頭



~ umm 



~ 面目猙獰  



~ 咪郁 ~~~~~~



~ 禾差 ~~~~~~



~ 差唔多行到廟入面喇  



~ 龍眼  





~ 靚喎  







~ 望就好舒服       









~ 差唔多行完 lu 





~ 呢塊唔知代表咩呢 ?! 



~ 真係好靚



~ 都唔明點解 d 人乜都要摸一餐 



~ 話咁快就出番來喇 



~ 望上去   原來係掛住呢 d 銀色鐵片



~ 又見到呢 d 



~ 里奧大人叫我做後面 poster 嘅動作   彩佢都傻啦   哈哈         



~ Hi Buddy   到此一遊 ~~~~



好鬼曬呀   又熱喎   所以買支雪條啦   一食完個胃有 d 痛喇   勁驚呀   唔知係咪突然間又凍又酸   個胃唔係咁受到   所以食咗半條要比里奧大人食埋去喇 ~  


~ 見到雪條好開心呀   因為真係好鬼熱呢   



~ 呢支雪條   一睇就知係酸嘢   哈哈        




~ 藍天白雲   心情勁好        



話咁快就 12 點 20 分喇   導遊話去食個 good lunch 喎 ~

嘩   呢餐有驚喜呀   起碼 d 嘢係熱   除咗炸雞   同埋又幾好味喎   諗住 free lunch 唔會好味道嘛   但我胃有 d 唔舒服啦   咁又熱呢   所以無咩點食   只想飲嘢 ~

清邁其實都算車來車往   有 d 路係無交通燈家嘛   所以見無車就即過 ~

不過咁  我地過馬路嘅時候   有車黎緊都照過   但佢地係會駛慢 d 架   唔會特登嚇妳咁呢   所以真係越黎越愛上清邁呢個地方   真係行步路都可以慢過人   嘩哈哈哈 ~

~ 去食 lunch 喇  



~ 依家先睇到屋頂有 2 個唔知咩巢   



~ 如果有冷氣幾咁好呢   哈哈哈哈    




~ 第一時間去買支雪碧   好似 10B   我買嘅時候   佢強調唔可以 TAKE AWAY   驚我爆樽 ?!



~ 每人一份筷子匙更   



~ 今餐係 3 餸一湯   白飯任裝   




~ 炸雞   凍嘅   不過都幾好味   



~ 呢個蕃茄肉片好味呀   唔怪得里奧大人主打食呢個餸啦   



~ 個菜湯熱辣辣   勁正呀   真係飲得太多凍嘢   飲番 d 熱嘢   個人舒服好多咁架  



~ 望出去   





~ 呢兩個咩來架   好恐怖  





~ 喺度食嘢   只能指手劃腳落 order



~ 我叫呢 d 做大狗架   



~ 喺呢度食 lunch



~ 終於食到菠蘿仔喇   聞就好香   食落就好酸啦 @@



~ 去洗手間要經過呢塊木板



~ 喺 Boots 買咗呢支 hand cream   味道唔錯   不過唔潤嘅   



~ 呢日未完架 ^^

2 則留言:

  1. 清邁笠..午安好啦! 你呀..你呀
    出po都唔係依次序既~之前睇ed有d又插返入去
    好在我跟得好咋..唔係就漏野啦(哈)
    wow..我又係勁鐘意清邁~有機會會再去囉
    um! 你知唔知..你寫左好多次熱熱熱熱啦? 哈哈
    由其market..可能我冷血底~入面真係唔熱喎
    又可能多野買啦~分左心完全唔覺得熱..阿喂都無叫熱喎
    今次間酒店靚呀~最like周圍都係green~感覺比較大自然feel囉

    依幾日你都話胃痛? 咩事呢? 又唔係緊張呀?又無食煙un野
    但次次你一飲/食凍野就話胃唔c服~睇黎要還啦..嘩哈哈哈哈
    3d館估唔到係無乜冷氣囉~正路室內又無窗ma..應該好夠冷氣
    小奧好攪笑呀~佢影相既表達真係好豐富..交足戲呀吓(哈哈哈哈)

    回覆刪除
    回覆
    1. 繼續係我呀~wow..market真係好好行
      同埋..唔該晒你地幫我搵榴槤干呀..thx
      可能牌子太多~加上布吉有都唔=清邁有
      麻煩晒你地又要搵又要問添~我再去布吉要大量上貨先得囉

      白龍寺架車又唔夠冷氣呀? 3hrs真係好難頂喎
      係呀~白龍寺真係好多人..由其大6人囉
      佢地又嘈又多手~成日比保安鬧架(抵死)
      同埋都係囉..咩都摸一餐~都唔知有咩好摸ma
      依日個free lunch好開胃餸~天氣熱食酸野係開胃好多
      好加快手出埋其他行程啦! 我追ing+睇ed又勁想去旅行(哈哈)

      刪除