豆卜豉汁蒸鯧魚 ( 1-JUN-2017 )

( 1-JUN-2017  THU )

嘩   話咁快又 6 月了   我真係覺得寫咗 2017 年無耐咁咋噃 ~

早餐食腿蛋治   想食啲熱嘢 ~



菇場唔太忙   又可以做下私人嘢   呵呵 ~

咁我 Scan 嘢   如果見到歪歪斜斜   我會再 Scan   但有次心急   Scan 出來係歪歪斜斜   咁第 2 次再 Scan 都係歪歪斜斜   但唔理喇   趕住 Send 出去嘛   點知放工同事問我 Scan 嘢有無發覺係歪歪斜斜 ?!   原來部影印機 Shot 咗   佢仲搞笑   咁要比師傅睇點樣歪歪斜斜嘛   佢 Scan 比師傅睇啦   真係好歪歪斜斜   之後師傅話: 小姐   妳本身嗰張嘢係歪歪斜斜喎   笑鬼死我 ~ 

唉   好似作感冒咁   所以 Lunch Time 去譚仔買麻辣米線   食完舒服好多咁   但係加劇咗我啲咳   嘻嘻 ~



忙下停下   好快又放工咁 lu ~

叫里奧大人放工去淘大買木瓜   不過佢 4 點幾要去牛頭角整嘢   所以買唔到   但佢就周圍行   睇下邊度有木瓜買   最後都買到   算佢啦 ~

佢話想出去食   但我諗唔到食咩   同埋又買咗餸   咁番屋企食算喇 ~   

蒸埋 2 條粟米   衰奧又話唔食   咁我慢慢食啦   感恩無胃痛咋   依家食親粟米其實都有啲陰影   但仍然會照食   哈哈 ~     

是日懶餐 - 豆卜豉汁蒸鯧魚  

豆卜豉汁蒸鯧魚 - 上次有晚去街市買餸   其實果晚我好想食豆卜   但又懶諗點煮好   咁買完魚片頭嘅時候   聽到隔離女人話買豆卜蒸魚   我就即刻買咗 $5 豆卜喇   豆腐豆卜比較脹胃   所以我唔敢食咁多呢 ~ 

搞掂哂就沖涼   之後開機洗衫 ~

今晚掛住淘嘢   完全無睇過電視   啲衫裙真係好平   不過就要博一博囉   我次次都睇 Comment 先㗎   話有味同甩色就一定唔買   但其實好多時放咗喺購物車   之後都唔記得買   哈哈 ~         

勁攰呀   所以同里奧大人 10 點半都瞓喇   佢仲以為我講笑   哈哈 ~