2017年6月25日星期日

熱情 @ 清邁。泰北 DAY 2 (PART 2/2) ( 25-JUN-2017 )

( 25-JUN-2017  SUN  PART 2/2 )

我話去 I berry 嘛   仲以為喺 think Park 入面添   但原來唔係呢   咁里奧大人開 Google Map 話要行 15 分鐘   我話照行啦   反正又無咩嘢做   哈哈   去到 I berry 都 4 點半喇 ~

又經過番 think PARK 去 i-berry



行呀行   其實好鬼熱   不過我會安慰自己   曬好過落雨嘛   係咪先 ?!



上下兩行   第一同第二隻字真係差唔多   咁其實寫出來   點為知靚唔靚呢 ?!   因為我真係覺得似符號多過文字呢



紅磚牆呀   里奧大人好少會望街邊嘢   我就一定周圍望   影相留念都好丫



唔知起咩呢 ?!



里奧大人叫我放低啲袋影   我話唔駛丫   紀念一下今日有買嘢嘛



啲窗好得意呀   開咗之後歪歪斜斜咁



真係好多地方都係簡體字




周圍都見到 Tuk Tuk   可能清邁地方比較細   好快就到目的地   咁坐 Tuk Tuk 點都抵過坐的士啦



呢座似酒店



里奧大人話前面有人拎住把好大嘅遮   所以跟住佢行   因為無可能一個人拎咁大把遮嘛   好鬼重架 @@



唔知車廂焗唔焗熱呢 ?!



繼續向前   永不回望 ~~~~~~~~



行埋呢啲路   真係勁驚搵唔到 i-berry   哈哈



我話到喇   里奧大人問我點知到咗 ?!   我話見到佢隻大腳呀   佢即刻話   妳唔講真係唔知到咗   哈哈



係都要我影一張



3 個頭



襯色到呢



其實呢隻係咩來呢 ?!



佢真係超級大隻架


石春路



門口位置





個門柄好型呀



以為無咩人



原來呢度坐滿哂人   但我覺得比較迫   好侷促咁



好鍾意呢盞燈



屋企掛幾張呢啲畫   真係好有文青 feel   哈哈


抽象畫   我見到好多牙齒   哈哈



好多唔同味道嘅雪糕



樣樣試啲都唔錯



睇見佢盔甲上陣就覺得熱   哈哈



原來佢係雙眼皮 高鼻 細口架 ?!   好靚啊 ~~~~~~~~



仲影緊 @@



我覺得 5 個球真係好多   再加埋塊 waffle   食到超級飽



我揀咗 Saraka sorbat  / Grape sorbet / Apple sorbet / Pumpkin almond / Tiramisu



@ iberry



唉   無啦啦個胃有啲痛   應該會繼續痛落去果隻咁囉   嗚嗚   所以里奧大人話坐多陣 ~

出面仍然好多人影相



Cashier 位置



突然好想食呢啲甜品   但知道實食唔哂   所以一定唔會叫囉



地方幾咁闊落



坐到 5 點鬆啲就走人   Call 番 199 Tuk Tuk   今晚去 Sunday Market 呀   去到都係 5 點半左右 ~

呢塊鏡會影到妳成身墨屎   哈哈



裝下你先



勁鍾意麵包車



Tuk Tuk 到咗喇



里奧大人問緊價錢   好似 160B



開車喇



佢危坐雙條車



又見到僧侶



呢度有我鍾意嘅 Black Canyon Coffee 同麥記



下次真係要試下坐雙條車



人車合一   襯哂色



清邁真係好多廟





油燈 ?!



希望有機會再見你啦





嘩   Sunday Market 好熱鬧呀   我都鍾意行呢啲大型夜市架   不過其實來來去去都係嗰啲嘢   上網睇仲話要殺價   殺 1/3 價或者一半價喎   但好多都有寫明價錢   里奧大人話應該無得殺價呢 ~

一路行都覺得想落大雨咁   咁啲檔主又開哂蓬   仲唔係想落大雨 ?!

其實呢個時候   已經好大風架喇



話咁快   開始有烏雲了



里奧大人一見貓頭鷹袋就問我買唔買呢



遲啲先落好無呀 ?!



我會買磁鐵   但我唔係咁鍾意呢啲款



繼續向前行行行



男男女女都有紋身



我買咗 2 個磁鐵   5 蚊港紙一個咋   超級抵   最緊要係有特色   同埋唔 "阻掟"   哈哈   所以依家如果去旅行   都想買富有當地特色嘅磁貼做紀念呢



呢個係其中 1 個   因為有清邁特色嘅象   同埋有我近期鍾意嘅貓頭鷹



本來想買呢啲   不過里奧大人話一跌就會爛   咁我唔買喇   踩到好危險架



呢啲又係一跌落地就無



香皂



好平呀   但係無里奧大人鍾意果啲款






兌換率係 4.31   高喎



里奧大人想買條泰褲



佢買咗左手邊第 2 條   呢啲泰褲   喺香港一定唔會着   哈哈


開咗脹蓬   條路當堂窄哂



背心



中間隻狗真係好樣衰   但我勁鍾意囉   哈哈



woooooo



見到一大片烏雲嗎 ?!



咁先睇到佢地賣咩   哈哈   同埋錯覺比人感覺好似好好天氣咁



買咗 1 個


好似釘書機



買咗呢本單行薄   因為係我鍾意嘅黃色   本來仲想買多本   但唔係單行薄   所以唔買呢



我比完錢佢之後   佢用我果張銀紙   係咁掃落其他 d 薄度   唔知係咩意思呢 ?!



行行下所有人停低哂   咁我知咩事咯   播緊國歌呀   我地都入鄉隨俗停下來   要尊重人地國家文化嘛   無理由繼續行呢 ~

呢啲 Tee 真係好抵



袋仔又係好抵



見親啲貓貓狗狗嘢   就會諗起家姐同阿 mi






其實係咪魚肚羹呀 ?!



咁嘅設備同環境下紋身   真係勇氣可加



其實真係好多嘢睇   但同時都真係好驚落大雨囉



街頭表演   睇見都熱



失明人士表演



我地實在要感恩   雙眼可以看東西



好想影到密質質又好亂嘅電纜呀



呢啲木制品圖案   我睇得耐會毛管動   唔知點解




10B一本記事簿



嚿黑雲越來越大嚿喇



赤腳行   真係好唔衛生囉



如果我有部麵包車就好 lu



呢個 area 係唔準飲酒同食煙嘅   點解只係得呢個 area 呢 ?!



嘩 ~~~~~~~~~~~~~~~~~~~~



我真係唔夠膽食囉






好靚



都好多人行喎   好在唔迫   好怕好似行維園咁呢



寫咩呀 ?!   哈哈



涼果


我覺得凍冰冰咁   唔好搞



呢度主要係食嘢嘅檔口



右邊有人飛跑過來


左邊類似糯米做嘅餅   好似幾好味咁   但我驚食一個好飽   所以又係無買



咁應該係買嘢食嘅檔口位置   附近唔準飲酒食煙   可能有 gas 關係   好危險呢



廟前面都擺滿檔口



咖哩麵呀   見到薄脆好想食   哈哈



呢啲無咩興趣   我好怕食凍咗嘅炸物架   食完會好唔舒服咁呢



串燒正呀   不過無食   嘩哈哈哈



啲壽司嘅顏色    真係鮮艷到不得了   所以我企定定望住   點解啲顏色會鮮成咁 ?!   之後里奧大人壓得把聲同我講: 妳唔好呀   
大佬   雖然我鍾意食壽司   但天氣咁熱   啲壽司又咁樣擺喺度   我一定唔會食啦   放心



細細支要 50B   其實算貴架



嘩哈哈哈哈   好得意呀   米奇老鼠呀



去泰國真係好想食燒魚   但如果我在河邊嘅話就唔食架喇   最衰里奧大人   搞到我有陰影 @@

差唔多 6 點半   都要食晚餐   咁買條燒魚啦   好在有位坐咋   坐得唔夠 5 分鐘就落豪雨   咁食住等停雨啦   但等咗成個鐘仲落雨   咁買雨褸走人喇    一件 50B   比佢賺都要喇   同埋因為我地坐嘅位置已經水浸   我唔想對腳做 SPA 囉   淋濕身唔緊要   但勁驚漏電呀 ~

丫   我唔記得比錢呀   唔怪得個男仔成日企喺我地附近啦   我真係以為佢咁貼心   驚我地比雨淋親架   嘩哈哈哈哈哈哈 ~

真係好想食燒魚   所以買來食   我買 200B 嘅



隔離檔係炒 Pha Thai



原來我已經坐咗喺度等食   但其實我係望住里奧大人番黎未囉   去咗好耐咁   勁擔心



燒魚來了   同時大雨仍都來臨了 ~~~~~~



好味喎   因為我真係好鍾意食魚   哈哈



里奧大人話呢杯椰青水要 100B 呀   好貴囉



超級大雨呀   又行雷



個個都避雨



呢對鬼妹勁   食完就咁行出去   無遮無雨褸喎



我叫里奧大人揸穩部手機呀   真係濕身事少   濕機事大呀



倒水咁款



之後越落越大



我真係覺得好驚漏電架   因為我坐喺佢隔離咋 @@



成個蓬上面都係雨水   唔好倒落黎呀



處之泰然



水浸啦   唔怪得我覺得個人郁郁下咁   原來地下係沙 @@



着波鞋先慘   有排先乾



坐喺度都要開遮啊   可想而知幾咁大雨呢



上網見過曼谷落雨之後水浸   今晚終於親身見識過啦   啲水浸到腳眼啊   感覺好嘔心   同埋行行下聞到有陣臭味   我初初以為自己"形"住   點知行我前面嘅國語人都話有陣味道啊   但里奧大人就話聞唔到   佢好彩啦   哈哈 ~

買咗雨褸   又見細雨咗   所以即走喇



套住波鞋又醒喎



都係一個經歷   嘩哈哈哈哈   我仲留番呢件雨褸架   唔好嘥



啲水浸到腳眼呀   救命   萬人洗腳水   哈哈



第一次咁行街



幾經辛苦   行番出來   終於無雨喇



經過呢間按摩店   坐喺出面個男仔同我地講話呢間 good   咁今晚試下先



咁我地去番酒店附近食嘢啦   感恩搵到間唔錯嘅   但都係無冷氣   不過頭先經過好多食店都係無冷氣   我估清邁食肆多數係無冷氣呢 ~

入到去果下其實真係好熱   但坐落之後   再飲杯凍嘢   又當堂無咁熱   咁其實我揀得去泰國   我都預咗熱   但如果食嘢地方有冷氣就會開心啲囉   因為我鍾意行街多過行商場嘛   點都想吸下冷氣呢   哈哈 ~

我同里奧大人一除件雨褸   就話當堂無咁焗熱呀   但我覺得落雨着雨褸真係好正   唔駛驚整濕相機同袋   但如果入去商場就煩啲咁囉 ~

今次去清邁   我同里奧大人講話每去食嘢或買嘢嘅地方   都要同店主/店員影一張相留念 ~

今晚同店主個仔影相啦   佢應該得 8 歲左右   我話同佢影張相   佢即企埋來   個頭仔仲挨埋落我個頭度   勁過癮   但里奧大人話佢個樣好慘咁   嘩哈哈   睇番張相   佢個樣真係好似被迫咁架   笑死我 ~

話咁快又 8 點 lu



我鍾意清邁啲餐廳比較簡樸



家庭式營業   我就係同右邊個細路仔影相呢   之後我走嘅時候   隔離枱班國語人就抱住個 BB 一齊玩   好搞笑



Passion Fruit Smoothies (35B) - 唔飲對唔住自己啦   咁平   同埋真係好香 Passion Fruit 味道呢



Pha Thai (70B) - 都好味架   不過我胃超級痛   所以真係食咗兩啖唔食喇   河粉好脹胃嘛   但我想比里奧大人試下呢



炒通菜 - 唔記得幾錢添   呢個都好味   但份量好少   不過我唔舒服   所以覺得份量少係好事   哈哈



我地係求其見到有食肆就入去   估唔到呢間好味道   感恩感恩



@ Rose Restaurant



原來直行轉左就係酒店   都好近   呵呵



食完番去酒店沖涼   再食粒胃仙 U   抖陣就去按摩喇 ~

我拻到里奧大人瘀咗   果時我都成日咁拻糟糟架   不過佢無乜肉   好難拻到   哈哈



我黎喇



我覺得 200B 一個鐘好平   但里奧大人話曼谷都好似係 250B   佢咁樣講   我就當堂覺得清邁貴喎   哈哈



因為里奧大人換衫褲先   之後按摩師話佢調轉咗條褲   真係唔講唔知呢   哈哈



個頸枕有陣味嘅 @@



對住部冷氣機   呵呵



蓋被喇



我都係鍾意有房多啲



今晚按 2 個鐘   但我個胃無啦啦好鬼痛   佢按背脊嘅時候   一壓咁落黎   我覺得個胃就黎爆咁   同埋勁想嘔囉 ~

啲磚仔係裝箝咗喺地下   好靚喎



又沿住呢條路番酒店   但行行下好多泥咁囉   後尾睇番啲相   原來係起緊酒店   但夜媽媽真係乜叉都睇唔到囉   係影相先至咁光添咋



按完要急步行番酒店   因為我開始越黎越胃痛 ~

番到酒店即嘔呀   之後要抖陣先沖涼   沖完涼真係舒服好多   今晚又 12 點先瞓呢 ~

呢日行程完畢 ^^

沒有留言:

發佈留言