食完都已經 1 點 係時候出發去藍廟喇 但只係 20 分鐘車程 勁快 ~
坐車去黑廟
見到 Big C 勁想入去睇下
好想去麥當勞食辣雞翼呀
希望泰國繼續安定繁榮
好多地方仍然見到前泰皇畫像
@ 藍廟
好多人咁噃
龍牙上面咁似對眼嘅
哈哈 原來唔係對眼來
曬到暈咁滯
藍色紫色 拚埋一齊都幾靚喎
藍天襯藍廟 好靚
我企呢個位置就最好 無咁曬
佢嘅設計好靚 所以我幾鍾意睇泰國嘅廟宇設計
又龍又虎 哈哈
有個龍樣 ?!
周圍行
隔離有座塔
佢"依"起鵬牙 好似發緊脾氣咁 同埋龍牙好白淨呀
龍尾原來係咁
唔知咩來
走人
設計真係好靚
比風吹住嘅雲 好靚呀
呢隻老虎好搞笑
仲未見團友回歸 又再影下條龍
紫紅色好靚
唔知以為係雙龍寺 哈哈
終於可以走人喇
呢個牌都好特別
其實睇 20 分鐘就夠皮 因為間廟係好細間呢 ~
1 點半喇
到黑廟
黑色 好熱咁呀
咁多人嘅
用木建造 ?!
望番出去
唔記得咩來了
對門都有特色
左右都唔同
掉錢比條蛇 你就會發達
好多銀仔 掉個五蚊銀就想發達 ?!
呢座廟似全木建造咁喎
泰國廟宇嘅設計其實幾靚
我覺得門票都靚
黑廟比我感覺係好熱 哈哈
職員維修中
條木梯都幾牙煙 我企上去嘅話 即冧都似 哈哈哈哈
小心翼翼
又唔知咩標本來
古代廚房 ?!
好多地方都係木製造 所以真係唔好吸煙呢
Cross 係旅行必備 貪佢快乾咋
靚
好大嚿石春
無啦啦有張好現代化嘅梳化 咁其實呢度係咩地方呢 ?!
發哂霉嘅老虎皮
里奧大人話呢個一定要影 因為布滿哂青苔
咁熱仲坐地下
我記得企喺呢度係好舒服 因為有風呢
唔識欣賞
坐滿哂人 不過我唔會坐 因為我驚有蟻
差唔多走人 lu
恐怖
咩角度都恐怖 好似對住妳笑咁
咁似我地住間酒店嘅 Logo 嘅
曬
再見
2 點 15 分到集合地點 即買支雪條食呀 之後里奧大人又買嚟食 咁見團友未到 我再買多支食 哈哈 因為真係好好味呀 ~
出番去集合地點
估唔到咁多人喎
指示牌
大樹菠蘿呀
又唔寫價錢
凍冰冰雪條 無人可以抗拒到囉 天氣實在太熱喇
Passion Fruit 味雪條 (20B)
抵食又好食
不斷 Refill
唔知有咩用途 ?!
捐獻箱
成車人都去睇 Long Neck 得我同里奧大人同其中一個團友無去睇 咁我好耐之前都睇過 真係無咩興趣 我地企埋一齊傾偈啦 佢係讀緊書嘅妹妹 佢話佢兩年前嚟過清邁 發覺今次啲嘢咗好多 同埋個個講哂國語 所以強國人影響力幾咁大呢 ~
左轉就係去睇長頸族 (Long Neck Karen)
好似仲要好耐先到咁噃
仲未到
得我同里奧大人 & 1 個女團友無參觀長頸族
鬼妹鬼仔就有興趣睇喇
無啦啦有幾隻雞行來行去
里奧大人叫我行埋去摸佢
好似 3 點半就人齊上車 無啦啦落好大雨 里奧大人話聽到個鬼妹話 Good Time 咁又係呀 我地睇景點都無落雨 真係好感恩呢 ~
去到最後一個景點先派水
落勁大雨呀 好感恩所有行程完畢呢
濛查查了
4 點 45 分 lu 前面嚿雲好特別呀
行呢啲公路就最好瞓 哈哈
之後唔知幾點就去咗間手信店 但唔係行程嚟㗎 咁 Guide 話去間手信店嘅洗手間 好香嘅洗手間喎 原因真係有好香嘅香茅味 同埋好乾淨 ~
我唔知有無人買到嘢 不過我就唔會買 我睇到啲肉鬆米通好似同香港差唔多價錢 無謂拎啦 但試食就一定有啦 試食咗辣味腰果 真係好鬼辣 所以唔敢買 大佬 食幾粒都咁辣 食一包係好痛苦囉 ~
榴槤乾 無得試食嘅
仍然無阿 mi 要嘅牌字
我好鍾意食呢啲魚片㗎 但見同香港差唔多價錢 所以唔買 不過佢哋包裝就好乾淨 唔會立黐黐 同埋個樣好新鮮咁 依家好後悔無買添 哈哈
我有試食芒果乾 食到好滿足 哈哈
5 點半喇 係時候出發回清邁喇
開始入黑了
有齊哂唔同箭咀方向 哈哈
一睇到呢度 就知回到城市了
今日終於睇哂黑廟 白廟同藍廟 但呢個 Guide 完全唔掂囉 只係喺車上講介黑白藍廟係咁咁咁 我之前以為係會全程入廟介紹㗎 話明 Tour 嘛 即係去到目的地 指比妳哋睇咩地方係咁咁咁 之後解散嘛 咁佢依家只係喺車度講解 同我自己睇天書介紹係無分別囉 依家只係覺得係坐車唔駛煩 That's all ~
咁 7 點 15 分去到古城 我上網搵到有個 Blogger 寫話不知名嘅餐廳 講到好好味 咁就去啦 但無餐廳名 咁比地址個 Guide 睇 佢話可以車到我哋去 不過最後都搵唔到 里奧大人話無名就唔應該去 咁頭先又唔講 ?! 搵唔到就咁講 哼 ~
好在之前已經搵定一間 但睇食評嘅反差都幾大 所以先心大心細 但最終都係番去食 哈哈 ~
喺呢度落車
駛咩咁早染白髮喎 遲啲都會白㗎啦 哈哈
我哋喺呢間食晚餐
佢哋個個都好忙
我好熱呀 所以叫里奧大人出去睇下啲燒魚正唔正
呢 3 款食物係我嘅至愛
烤豬肉 - 唔記得幾錢 味道係好 但唔熱嘅
烤魚 (Large 160B) - 好食呀 我地要留肚食芒果糯米飯 如果唔係我想再食多條囉
水果沙冰 (35B/杯) - 里奧大人要 Mango
我要 Passion Fruit 又係超級好飲 咁熱嘅地方 真係要飲酸嘢 唔係無胃口食嘢 哈哈
甜品未到就出嚟影下相 呢度佢最忙
反來反去
但點解我地點嘅豬肉係唔熱嘅 ?!
企喺度都感覺到勁熱
一眼望哂
芒果糯米飯 (50B) - 我試咗好味先叫里奧大人再叫 呢個好味呀 所以里奧大人再叫呢
我好鍾意食黃色一粒粒果嗰啲㗎 不過唔係間間嘅芒果糯米飯都有
阿妹 估唔到喺清邁見番妳呀 哈哈哈哈 撞哂衫呀 佢皮膚白過我添呀 哈哈
呢餐 410B 我覺得清邁食嘢唔平 價錢拍得住曼谷
講真 食物味道真係好普通 唔明啲人點解可以講到咁謗張 好在我無期望 因為個個人口味唔同嘛 ~
依家都開始慢慢習慣食店係無冷氣 但都係習慣叫杯凍飲救命先 咁先可以坐得慢慢食 哈哈 ~
始終好多時都係食飯前落過雨 有飛蟻同埋多蚊滋 有時又有烏蠅 隻手好唔得閒係咁撥㗎 衰在撥極唔走 佢唔走就即係我要快快食哂囉 ~
食完坐 Tuk Tuk 番酒店 諗住今晚按 2 個鐘 但番到酒店都已經 8 點半 又要沖埋涼 咁間按摩店又收 10 點 咁唯有按一個鐘啦 ~
舒服得佢呢
隻貓好乾淨
牛仔打扮 型呀
戴埋超添 睇唔睇到路㗎 ?! 哈哈
車頂有泰皇張相
間按摩店喺酒店隔離 真係行 10 步都到 所以就係呢樣吸引 哈哈 ~
尋晚問一個男人 佢話可以做晏啲 今晚呢個男人就話 Cannot 咁好明顯尋晚嗰個係老闆 lu ~
Local Tour 介紹
拎拖鞋比我哋換 又係木樓梯 勁似我哋住間酒店設計呢
呢對膠拖幾舒服
見到張梳化 就唔好有要求了
好"撐"眼囉 好在最後佢落廉咋
我啲頭髮 可以扎到好似佢咁就好 lu
話咁快又 9 點
8 點 45 分開始按 咁按完諗住比 Tips 但話咁快已經唔見人 佢哋都趕住走 ~
沖埋涼就睇陣電視 11 點幾都瞓 lu ~
我特登行近啲睇佢着咩褸 佢係着住抓毛褸呀 真係難以想像呢
呢日行程完畢 ^^
你和啊妹好”亲“啊 一起工作的吗？哈哈哈
回覆刪除