今日要番香港喇 所以特登 8 點半起身呢 ~
沖埋涼就去食早餐 我講明要食飯添呀 但就唔食個包 點知我哋一坐低 個侍應就即刻比咗 1 個包比我 其實我想話唔要㗎 點知佢話記得我哋只要 1 個包 咁佢咁有心記住 我唔食唔得啦 ~
黑暗中帶點光明 但我都係好驚一個人留喺酒店 哈哈
黑白相 / 畫
里奧大人又影餐巾
幫佢影埋做後備 哈哈
呢張相出現好多人咁呀
阿包 我會好掛住妳㗎
好味嘅包 + 好味嘅咖啡 係令我鍾意呢間酒店嘅因素 哈哈哈哈
個杯就大喇 但得好少嘅咖啡 不過都夠飲呢 今朝我要 Refill 咖啡添呀 因為番到香港 好少會飲到呢啲咖啡呀
餵里奧大人飲先
之後餵佢食包
我叫里奧大人食炒飯呀 佢哋嘅炒飯真係正到不得可了呢 好想同阿 mi 分享呢個炒飯 包佢都中意食呀
真係食得好滿足 無諗過呢間酒店嘅早餐係咁好食呢 所以呢 後悔叫少飯 哈哈哈哈
呢碟辣椒應該好辣 所以我唔敢食呀
我都要食辣拋豬肉飯呀 哈哈哈哈
泰國蛋真係好好食 唔會有腥味
我都係要少飯 始終飯真係好飽 加上個早餐係有麵包 橙汁 咖啡 生果 加加埋埋就好飽 lu
呢杯橙汁雖然唔係鮮榨 但都好好飲 唔甜又有橙味
里奧大人最鍾意食嘅生果 不過佢唔食菠蘿 我就唔食西瓜
我拎咗 4 粒山竹
呢張好笑 里奧大人食到合埋眼咁 但其實佢唔知我咁影㗎
食完都 9 點 45 分 咁就喺酒店入面影下相 住咁多日都無好好欣賞過呢間酒店呢 ~
呢間酒店真係越住越鍾意
地磚好靚
呢張影到好似企喺玻璃上面影咁
最鍾意望綠色嘢 真係唔好講笑 次次去旅行 我係唔打機唔上網㗎 要比對眼睛好好休息呢
我覺得設計帶點古典味道
全部都係真嘅植物
呢兩個擺設好似獎盃
地下好多坐墊 唔知係咪比妳坐喺到着鞋呢
每層都有唔同嘅畫
越睇越鍾意
採取自然光 夠環保
好難得有工作人員經過 哈哈
間酒店就係咁大㗎咋
屋企係咁就好喇 哈哈哈哈
呢幅晝好得意
真係有好多畫
行樓梯上落 夠哂健康
我哋間房就喺部 Lift 隔離 出入勁方便 哈哈 呢張好笑呀 咁啱我開門 又咁啱里奧大人想影張門口嘅相 所以我一開門 佢個樣勁驚 大佬 開門嗰個唔係妳老婆就話驚啫 哈哈哈哈
有玄關位
掃描畫
又磅下行李先 如果超重就即拎起做 Hand Carry 不過我今次真係無咩點買嘢呢
之後里奧大人話擺喺度咁影就得 係咪玩嘢呀 ?! 咁頭先就唔駛拎住個喼來影啦
加埋 28.06 Kgs 好在里奧大人買咗 30 Kgs 咋
里奧大人話對 Cross 底都蝕哂 所以掉埋去 lu 又可以慳番啲位 呵呵
2 喼 + 1 袋 算少嘢 lu 去熱嘅地方有好處 係會無意欲買嘢呢 哈哈
我地執得幾乾淨 哈哈 下次應該影埋放滿哂嘢嘅相 咁先可以對比到
呢間房無咩彩色嘢 Cushion 除外 唔怪得我咁鍾意佢哋啲 Cushion 啦 哈哈
其實張床好大張 但我坐上床 張床好似變咗好細咁嘅
幾有心機影擺好個房牌
影咗 5 千張
登登
我硬係要加埋支 100 Plus 哈哈 無諗過支水會有 MFD
美中不足係無衣櫃擺衫 但呢間酒店真係好乾淨 因為我一入房 就用隻手摸下個櫃面 係無塵㗎
嘩 我知妳都唔捨得我離開清邁 但妳千奇唔好喊呀下
諗住 Call 番第一晚坐嘅 Taxi 不過無人聽囉 咁算啦
我問里奧大人係咪特登將條相機帶咁擺 ?! 佢好開心話係呀 妳唔覺得攏得好靚咩 ?! 我話唔覺 只係覺得你會唔記得將部相機擺番入我個袋度囉
一開冷氣就 18 度 爽呀
準備 Check-out
雖然間房都係以啡色為主 但其實都好光猛
再見
象頭人身 哈哈
鏡頭仍未解凍完噃
11 點 40 分 Check-out 估唔到一放低條 Key 就可以走人 唔駛 Check 下間房先喎 咁佢哋即係好相信客人啦 真係好難得 ~
我地 Check-out 隔離嘅女仔就 Check-in
擺好哂啲文件同房牌 應該今日有人入住呢
天書排版有啲問題 所以尋晚先去咗 Into the Wood 但其實里奧大人原本係想去 Bear Hug Cafe 呢 去到都接近 12 點 ~
出發喇
靚
好似好多煙霞咁 但其實係我部手機鏡頭濛咗 哈哈
呢對鞋甩色嘅
今日啲拖鞋就好整齊
又影泰文
靚
酒店對面就係一間廟宇
行前啲又有另一間廟宇 古城嘅特色 就係好多廟宇
又係兩條龍
第一次見佢哋開檔咋
附近好多民宿
跟住 GPS 行
唔係又起廟呀嘛
呢間食店就地道喇 因為無英文同中文字
Beauty 都有
咩都影下
好靚呀
有兩隻鑊
識睇就勁咯 我覺得係寫時間
標本
幾陰深 哈哈
撞哂色
行呀行
車牌號碼好靚喎
里奧大人頭 Dup Dup 跟住 GPS 行
勁香呀 不過唔餓 所以無買嚟食
我叫佢做 "珍寶珠"
住呢度好似好多幅射咁
我發覺呢度啲路 好似條魚骨咁 明唔明我講咩呀 ?! 哈哈
真係好多民宿 / 酒店
我依家都幾鍾意紫色 但就唔會買紫色衫 着上身唔係咁襯咁
好記得同 CC 去黃山 佢叫呢啲做 "綠茶池" 哈哈 將青苔美化為綠茶
我同里奧大人話影倒影啦 都好靚呀 佢話唔係呀嘛
終於見到間 Bear Hug Cafe 喇
爽呀 間 Cafe 又係一個人間天堂 因為冷氣夠 同埋又係多外國人去嘅 感覺好 Relax 咁 古城區真係好少見到華人 可能古城呢個名比人感覺好舊 哈哈 因為我自己都係咁諗呢 ~
我間屋係咁就好 lu
咖啡 + Cupcake
入去喇 我一定一定一定唔會坐出面 哈哈
好鍾意呢張長櫈
Free Wifi 夠哂吸引 哈哈
望出去
Menu
大熊與小熊 哈哈哈哈 條裙喺淘寶買㗎 幾十蚊人仔咋 質料勁舒服 但個領就闊咗啲囉 唔係就更加好喇
我初初以為係房間號碼
正 但唔會食
以熊仔為主題嘅 Cafe
我好鍾意呢啲字體
杯墊
依家好多食店都係用磚牆 係靚 但會有好多塵咁 不過我好鍾意 哈哈
好鍾意佢哋嘅裝潢
我都好鍾意呢啲梳化 好似包住個人咁 好舒服呢 話時話 成間 Cafe 嘅裝潢 我都好鍾意呢
LOVE
靚
我覺得女仔揸電單車 真係好型
睇見都開心呀
Mocha (Medium Hot) (50B) - 好好好得意呀 里奧大人今次醒呀 問咗人哋邊杯係 3D 拉花先 Order 呢
唔同角度都好得意呀 真係唔捨得飲呢
里奧大人整到隻熊仔變咗 "射喱" 眼
呢個糯米飯勁好味
里奧大人都影到顛咗 哈哈
芒果雪葩都開始溶 lu
Logo
影得好開心
里奧大人後面個鬼佬好搞笑 見到我哋杯 3D 咖啡 即走過來影相 係咁話 Amazing
揀張最靚嘅 Send 比阿 mi 包佢鍾意 哈哈
真係好立體
如果親眼睇住佢拉花 真係大開眼界 lu
佢開始喊 (溶) 喇
鬼佬杯乳酪都好正咁噃
里奧大人又做功課了
我叫里奧大人攪勻杯咖啡 佢笑住話 衰嘢實叫佢做 哈哈
杯咖啡已經凍哂喇 笑死我 同埋好鬼甜
呢餐 205B 抵爆
原來梳化都好多熊仔
啡色呢隻好樣衰 好得意呀
飲完又周圍行下影下 唔好講笑 我應該曬傷咗條頸 因為一掂就好痛 嗚嗚 ~
話咁快就 1 點 lu
有條橋過對面
好多樹 好鍾意呀
傳統設計嘅 Hotel 咁我真係覺得 Makkachiva 好靚咯
無咩人行 勁舒服
好大棵樹
行極都未完咁噃 好熱呀
其實好想試下 Pizza 但好驚食完一個已經食唔落其他嘢囉
依家日光日白 就見到有兌換店囉 第一晚完全無留意呀 哈哈
好靚呀
又見到塔佩門
呢日未完㗎 ^^
沒有留言:
發佈留言