嘩 勁爽呀 因為一覺瞓到 10 點呀 ~
間房嘅冷氣好夠勁喎 原來得 18 度咋 里奧大人以為係我校到咁凍添呀 但我無掂過冷氣機嘅制囉 ~
最估唔到係張床單係香噴噴 我勁索呀 真係第一次住酒店聞到床單有香味 里奧大人話有香味好出奇 ?! 我話真係喎 起碼知佢真係有洗嘛 哈哈 ~
梳洗完就去食早餐 餐廳係無冷氣㗎 尋晚就擔心會好熱 但其實唔熱 因為間房冷氣太凍喇 ~
不過我都係食完先沖涼 咁就可以着番尋日件衫 同埋好驚食到成身汗又要再沖多次 ~
呢度唔比着自己嘅鞋上房 着住酒店提供嘅拖鞋直去餐廳 勁方便呀 屋企落樓食早餐都要換鞋啦 哈哈 ~
我見酒店 Staff 係唔着赤腳周圍走 老實講 我覺得好唔衛生 除非大家都洗咗腳啦 不過我都要入鄉隨俗啦
一入餐廳就見到呢個果籃 正呀 有山竹
赤腳大人睇緊 Menu
之後即刻拎隻星矢出嚟影相 我都有帶隻 Minions 㗎 不過懶得拎 哈哈
影呀影
就係影佢喇 淘寶 138 人仔 我覺得勁貴囉
咁樣顯得佢好細隻 但其實佢又真係好細隻
我就影餐廳裝潢 好鍾意個柜呀 但咁啱又係有黃色嘅 哈哈
我好鍾意呢幅畫
呢張唔知代表咩呢 ?!
呵呵 凍到鏡頭都濛哂呀
有 2 個櫃裝呢啲大件嘢 好鍾意呢啲金色大碗 但骨灰龕就唔太鍾意 哈哈
嘩 我見到杯咖啡已經超級開心 因為同 Marriott 一樣 又係好好飲呀 回甘呢
成張枱放滿哂 勁
我食 Beef Noodle (燉牛肉麵) 無諗過咁大碗 因為不嬲泰國食嘢嘅份量 係好細碗之嘛
痴牙時
呢個麵包超正呀 煙煙韌韌咁 個皮又脆脆哋
仲搽滿牛油 我每日食一個都可以呀
里奧大人嘅 Ham Cheese Sandwich 芝腿治喎 唔駛留比我 哈哈
里奧大人少食芝腿治烘底 所以覺得好味道
唔記得呢碟係咩味道 好似係無咩味 哈哈 因為好味嘅實會記得嘛
好多嚿牛肉喎 同埋好腍 唔錯唔錯 第一餐都好有驚喜呢
見到幾粒杞子 當堂覺得好養生咁 哈哈
細細件生果 最鍾意咁呢 但唔知點解 我唔係咁習慣朝早食生果
好耐無食山竹喇 所以頭先見到好開心呢 同埋一定要食
好甜呀
呢個職員非常 Nice
呢間酒店有鳥語花香嘅感覺
咁嘅環境 真係令人覺得好舒服
影到變哂型 但凹凹凸凸又幾得意 哈哈
里奧大人叫我做咁嘅動作 其實我係掂唔到啲葉㗎
撥住把扇坐喺度唱 "我等着回你來 我等着你回來"
呢個位太曬喇 所以真係唔會坐囉
又影下佢
周圍影下
呢個圖案 唔知代表咩呢 ?!
我好鍾意有天窗嘅地方㗎
里奧大人後面 就係食早餐嘅地方
食完番上房 沖埋涼抖陣 都 12 點 lu 要去漢清遘旅行社報 Local Tour 喇 ~
啡色柜係鞋櫃 出去就會放拖鞋入櫃 番嚟就着番上房咁呢
我叫呢啲做空心樓梯㗎 趺咗手機都幾麻煩
左邊個袋喺旺角兆萬買嘅 好似 $39 因為唔想成日揸住部手機呀 咁用完放入袋就好方便 右邊係淘寶貨 好似三十蚊人仔 但如果 Size 再大少少就更好
睇到中文字 好有親切感
住 3 樓最好 因為 2 樓太矮 但 4 樓又驚好熱 哈哈
3 樓望落去都唔驚 但講嘢真係要好細聲囉 因為咁嘅設計係好應聲呢
我好似企喺啲草上面咁 哈哈
感恩今日好好天呀 雖然好曬 但總好過落雨呢
酒店轉左手面 再直行一陣就到 "漢清邁"
右邊就係咁嘅
酒店對面係一座廟
我覺得外型好似啲博物館
里奧大人話酒店隔離係咪警局 ?!
原來真係警局 咁我哋住嘅地方咪好安全 哈哈
呢間係 "清邁中文旅行社" 但我哋係要去 "漢清邁" 呢
呢期鍾意影泰文 最搞笑里奧大人同我講話: 妳知寫乜咩 ?! 車 影下唔得咩 ?!
電話亭 就嚟變歷史文物㗎喇
去到漢清遘旅行社 因為有人問緊嘢 咁我等囉 里奧大人就去 Move On 睇下 不過無開 所以又行番過嚟漢清邁 咁再等多陣就到我哋喇 ~
到 "漢清邁" 喇
黃色牆呀 諗起阿 mi 屋企同埋台南嘅民宿
好多 Tour 都係睇大象 真係無咩興趣囉 依家對任何牽涉到動物嘅活動 都唔想去睇囉 希望個個人都係咁諗啦
每一處都係旅遊資訊
機場接送 200 Baht 又抵喎
真係無諗過啲職員講國語咁勁 係流利過英文喎 咁到我問嘢嘅時候 里奧大人又未番 我又要施展我流利嘅國語啦 好在佢聽得明 哈哈 ~
職員 Check 緊資料
菇場咁 Colorful 就好喇 做嘢都特別起勁 哈哈
我地揀呢個 One Day Package
同埋呢個 Half Day Package
估唔到連青草藥膏都有得賣
我第一時間寫低要着啲咩裝束呀
搞掂哂都 12 點半 咁行番去尋晚無開果間兌換店唱錢啦 點知又無人 生果檔嘅人話 Close 喎 ~
唉 好熱呀 哈哈 咁繼續行向前搵下啦 見到有 Siam Bank 諗住去唱 但無帶 Passport 同埋唔醒起今日係星期日 銀行點會開呀 真係熱到痴咗線定喇 ~
一出去就覺得超勁熱
泰文真係唔似文字 好得意 但我覺得好難學囉
同埋啲字型又差唔多咁喎
同香港一樣 貼滿哂街招
祈禱中
之後開餐 佢應該食緊嚿叉燒
搵晚會去呢間食 因為有冷氣 哈哈
寫哂中文字 好唔地道 哈哈
坐出面就咪搞喇 夜晚都咁話
對面都係橫街窄巷 咁樣應該係有好多 Short-cut 呢
仍都有好多 Local Tour 嘅旅行社
係咪廟呢 ?!
唔知去邊 哈哈
呢間有得食早餐㗎 不過無冷氣嘅 我見都幾多外國人食呢 同埋我見到佢哋嘅麵包 係同我喺酒店食嘅一樣 所以覺得正囉 哈哈
幾正咁
建築物都好舊下 次次見到無高樓嘅地方 真係覺得好舒服 所以有時點都想去下旅行 就係咁解 等自己對眼望下遠嘢 哈哈
尋晚係咁好行就好喇
咁大梳蕉都係 25B ?! 其實住清邁真係好唔錯 人唔多 環境又寧靜
差唔多到喇
尋晚真係咩都望唔到咁㗎 哈哈
估唔到又無開囉 咁應該放個 "Closed" 牌喺度嘛
咁繼續向前行 睇下有無兌換店啦 真係行到成身汗
都幾多車
里奧大人話古城有好多廟
行到好遠喇 但唔覺有地方唱錢囉 所以去酒店拎番 Passport 先 咁可以去到邊都唱到錢嘛 ~
咁經過漢清邁 入去問佢哋邊到有得唱錢 ?! 佢話我哋酒店嘅方向 直行見到 7-11 隔離就係㗎喇 但就叫我哋唔好唱咁多 因為假期個兌換率係低啲喎 ~
行到成身滾熱辣呀 真係入到去唔想出番來啦 哈哈 ~
打道回府
清邁府警察局嘅泰文 都好長下喎 哈哈
終於見到兌換店喇 真係開心到顛咗 兌換埋錢都差唔多 1 點 lu ~
好在有開咋 唔係就大鑊了 因為唔買嘢都要比車費 同埋食嘢都要用錢嘛
我地兌換咗 HK$1,500 X 4.22 (6,330B)
芒果樹 ?!
最底有個巢喎
呢間餐廳應該主打芒果甜品
沿途唔見有的士 咁我哋坐 Tuk Tuk 去 Nimman (尼曼區) 嘅 think Park 啦 我估清邁嘅主要交通工具 都係以 Tuk Tuk 同雙條車呢 ~
比地址佢睇 好過講一大輪嘢
坐好 開車
個桶唔知裝咩 但就好 "牙" 位囉 好在我腳唔長 哈哈
左右兩邊都有好多 Tuk Tuk 等緊生意
喺清邁坐 Tuk Tuk 都 OK 但曼谷就唔好喇 太多車 我唔想做吸塵機囉
好多乳膠用品 真係邪喇 我見到棺材舖同賣花牌嘅舖頭 希望唔好有怪事發生啦
見埋墳墓添 ?!
嘩 仲見埋醫院添 樣樣都好唔老黎喎 哈哈哈哈
坐 Tuk Tuk 最驚係掟彎
我諗住企喺度影 點知司機叫我坐上前影 哈哈
佢左手嘅位置 其實係咪可以坐人嘅呢 ?!
去到 think Park 我先知原來唔係一個有冷氣嘅 Mall 我覺得係似一個市集 但可惜真係太熱 無咩心機行囉 ~
見無咩人就影張相留念先 咁樣睇隻公仔好細隻咁
佢都幾大隻㗎
貓呀 即諗起阿 mi
呢隻真係堅大隻喇 有 3 層樓咁高啊
我超級鍾意睇袋
一見到 8 哥就諗起家姐
個袋嘅 Key Chain 好得意呀
想買呢隻 8 哥袋比家姐 但質料太薄喇 所以唔買 lu
得意係得意 但買嚟無用囉
以前就好鍾意呢啲民族袋 但依家就麻麻哋
呢間所有貨品都有 50% Discount 呀 所以咗 2 個扎染袋 同家姐每人一個 埋單好似 300B 即係港紙 $71 有 2 個袋呀 喺香港買 1 個都唔得啦 估唔到家姐都鍾意添呀
里奧大人見到兌換店個兌換率係 4.30 雙眼即時發光呀 哈哈 所以再兌換多 HK$2,000 X 4.30 (8,600B)
行喇喂 如果唔駛拎天書同遮 個袋就輕好多呢 同埋唔駛咁脹卜卜咁呀
好大棵樹 但唔係咁遮到蔭噃
樹葉唔夠密咁呀
呢間係酒店 外型好似細個玩嘅一個 Game 咁 有粒銀珠趺來趺去嗰個 Game 呢
聽電話啦
原來我同個細路差唔多高咋 哈哈哈哈
行條好短嘅暗斜 哈哈
咁都可以當鏡照 ?! 勁
阿 mi 呀
Load 相先睇到呢間 TOM N TOMS COFFEE 我就係想試下呢間嘅咖啡囉 唉 太熱真係咩都唔認真睇 不過如果無冷氣嘅話 我都唔會去飲囉
喺清邁 我見到寫住燒烤呀 麻辣呀 我就當堂覺得熱上加熱
再見 think PARK
立一立眼 以為係 Durian Buffet 呀
呢架雙條車都幾乾淨咁
尼曼區都幾旺
踏單車 = 攞我命
去 Maya 喇 唔好講笑 見到有冷氣嘅地方 真係好鬼好鬼開心㗎 哈哈 ~
食埋嘢 就喺商場行下 吸夠冷氣先走呢 ~
唔理有無嘢行 最緊要有冷氣
有好多人喺度踩板 仲播緊強勁嘅音樂
入去喇 地方幾咁闊落 羨慕羨慕
我好鍾意呢啲 Pattern
呢隻密集式大象 就驚咗啲 哈哈
散貨場 ?!
第一時間睇 Directory
以一個咁嘅 Counter 來講 算多員工㗎喇
食呢方面 放心交比我啦
偷影我呀 ?! 我覺得電梯塊玻璃好乾淨呀
我初初真係以為呢間舖頭係賣情趣用品
其實佢地係賣啲
袋仔呀 真係好想買 但一定唔會比自己買
里奧大人叫我望上去睇下 原來係 Black Canyon Coffee 呀 佢知我喺曼谷好鍾意去呢間飲咖啡呢 不過嚟到清邁 真係唔太想飲熱咖啡 因為已經夠哂熱 哈哈
OMG 立一立以為係里奧大人睇 Menu 添 因為佢真係有件格仔裇衫 哈哈哈哈
樣樣都想食呀
但見到咁樣 我又唔係太想食 因為啲食物好似凍冰冰咁
熊貓車好得意呀
依家啲小朋友真係好幸福
地磚好靚呀
大大細細都好靚
I like 懷舊嘢 勁鍾意個橙色電話 同埋地下個喼
里奧大人鍾意食湯粉麵 咁就試下呢檔啦 感恩佢地啱啱埋單走人 有位坐喇
我去買奶茶 所以叫里奧大人叫嘢食先 我幫佢揀咗 Noodle Tomyum
幾正喎 同埋好平呀
嚟到泰國喎 辣椒一定唔少得啦 如果唔係無胃口食嘢
里奧大人得閒又影下佢
一定要飲凍嘢 哈哈哈哈
里奧大人睇住佢煮麵嘅過程
拆包裝
淥麵
我一見到呢碗麵就 O 咗咀囉 咁嘅色嘅 ?! 同埋原來係 MAMA 麵嚟嘅 里奧大人話係呀 我見住佢開包麵 好在我話試一碗先咋
Thai Milk Tea (Cold) (40B) - 好在唔太甜咋 但超級多冰 飲咗幾啖已經飲哂 lu
其實我哋係鍾意食呢啲湯粉麵
Noodle Soup with Pork (50B) - 湯底好濃 不過濃唔濃都會落辣椒粉呢
呢個 Food Court 仲有好多檔口
我叫完碗湯粉 見到隔離檔豬肉飯好似幾好味咁 所以叫埋去喇 原來里奧大人成個背脊已經濕哂
我要 Rice Grilled Pork (40B) 英文反而易明 但中文係水稻烤豬肉與大蒜 真係好難想像係咩 哈哈 呢個好味道呀 好在叫嚟試下咋 哈哈
咁熱天氣 真係要飲好多嘢呢
好有心機批皮
Blend 喇
飲勝
呢餐好滿足呀 哈哈
里奧大人話無叉用 我話要自己拎㗎 佢覺得我好勁呀 知道要自己拎 但其實咁啱我見到人喺呢度拎 哈哈
辣椒粉係靈魂 食湯粉無佢唔掂啦 完全係兩個味呢
炸豬皮 其實好想買嚟食 但好驚有陣油 "益" 味呀
厚切豬扒 佢哋醃到好入味咁呀
件件都好厚肉
我同里奧大人講 頭先有個人碟飯有好多飯呀 唔知係咪可以多飯呢 ?! 點知個檔主用英文同我講話 : 佢係 50B 我地係 40B 嘩 好驚囉 我講廣東話㗎喎 估唔到佢識聽 好堅呀
好在睇到咋 唔係我以為有人會來收番啲餐盤添
餐具回收處 左手邊好似室外咁嘅 ?!
諗住食榴槤糯米飯 咁等位啦 紅色衫嘅女人擰轉頭 用廣東話同我哋講 話啲糯米唔熟 咁我地都唔食 lu
好多糖果 但天氣熱 真係完全對零食無興趣
頭先個小朋友就係玩呢啲動物車
IDEMITY 係咪 Indemnity 簡寫 ?! 原來要填 Form 咁都幾煩喎
2 Token 玩 20 分鐘 但唔知幾錢 1 個 Token 呢 ?!
里奧大人話我會揀比卡超 因為黃色 哈哈 但我一定唔會揀蝦毛吉帝囉
碰碰車 ?!
原來大人都玩得喎
Candy Crepe
佢地寫係棉花糖 如果有得試下就好 想試下咩口感 好似脆卜卜咁
KFC 炸雞好味道 但可惜我太飽食唔到 咁壓韻嘅 哈哈
地方好闊落 所以揸住架動物車兜大運都幾好玩呢
想送比阿 mi 一諗起做家務就諗起佢呢
呢個送比阿喂 因為佢最鍾意出斧頭公仔
呢個當然會送比自己啦 因為我鍾意食嘢嘛 哈哈 同埋我真係好鍾意紅色家品㗎
真心覺得呢個公仔幾恐怖 哈哈
我會買 KEMT 因為立眼堅似煙呀 如果我剪髮拎呢盒嘢出嚟 我表妹一定嚇死 哈哈
我叫里奧大人影我對手 佢個樣好好委屈咁 之後求其好快手咁幫我影呀 笑死我啦 大佬 我想影比阿 mi 睇下呢幾件淘寶嘢咋 咪以為真係手手腳腳都要你影一餐先得㗎 哈哈
啲筆真係好鬼平 計番港紙最多係 $3.3 香港最平都要 $9 啦
呢啲都係港紙 HK4.7 超級平 但真係要忍手 屋企有太多原子筆喇
擦膠 依家真係買少見少咯 因為都無咩需要點寫字呢
膠紙都咁多顏色
封箱膠紙又係好多顏色 但 65B 一件就好貴囉
呢啲一定係女仔用 哈哈
Zipper 膠袋 見唔係貴 所以買咗 1 Pack 唔知咩 Size 因為係里奧大人買的
我想買呢啲 但里奧大人話唔好 因為縛好咗之後 會有條尾伸出來
仲諗住影本全泰文字嘅薄留念 點知原來有英文嘅 但影嘅時候唔覺有英文噃
呢本簿都要 85B 依家買薄真係好貴
我離遠見到 以為係豬肉鬆呀 哈哈 都覺得奇怪啦 點解文具店有嘢食賣嘅呢 ?!
之得我落一層 叫里奧大人影我啦 咁影出來全部一間間咁 睇完其實會有啲暈 哈哈
講真 如果係 20B一個 我真係會忍唔住手買兩個唔同色囉 咁大個抵嘛 但原來係 Start from 20B 呢個款要 90B 一個呀 咁我就唔買 lu
忍
仲以為買蜜糖產品 哈哈
Boots 嘅嘢真係全部貴哂
左手邊嘅大細象都好靚呀 但細細隻都要千幾泰銖 太貴喇 一定唔買
咁我影緊相 突然見有人跑過嚟我呢邊方向 嗰下真係嚇到我心跳加速呀 以為唔比影相嘛 但原來佢係跑去前面間舖頭比嘢個職員
又係好靚 真係覺得隻隻都好靚 哈哈
呢隻都 OK
無聊 999 但我覺得塊鏡幾特別嘛 我後面係洗手間入口嚟㗎 所以我影相呢 啲人以為我影咩 哈哈
呢日未完㗎 ^^
沒有留言:
發佈留言