焗燒肉 + 腐乳通菜 ( 11-APR-2018 )

( 11-APR-2018  TUE )

尋晚瞓瞓下好凍   仲以為自己作病   點知原來里奧大人開咗冷氣   所以佢都話估唔到我會話凍   哈哈 ~

今日狀態都 OK   起碼想食嘢   咁食芝腿治啦   唔駛咁油膩 ~



菇場勁忙   仲有排忙添 ~

Lunch Time 出去買酸辣米線   今次要少米線   因為只係想食少少濕嘢 ~

忙呀忙   但點都會放工即走   我想快啲番屋企做家務呀   哈哈 ~

番到屋企即拎嚿五花腩室溫解凍   希望今次焗燒肉成功啦 ~

係咁出力吉啲皮   本身有啲豬毛㗎   我用我嘅眉夾逐條夾出來   嘔心嗎 ?!   哈哈哈哈





叫做成功㗎喇  

啖啖肉其實唔係咁啱我   所以我都係鍾意食乳豬多啲



之後即拖地抹嘢   呢啲本身係星期一做㗎   但每月一要休息   所以到呢日先做   真係成日會心掛掛要做咁㗎 ~

清潔完呢   個心就安安樂樂   但個頭就暈暈哋咁   所以做完又要抖一抖 ~

今日主要係焗嘢同淥嘢   所以我都可以沖埋涼先整呢   勁爽 ~

8 點開始焗嘢   焗 15 分鐘再焗 20 分鐘   聽到個焗爐 "sisisasa" 咁聲   嚇死我   入去裝下   原來係塊豬皮開始爆開喇   好期待脆卜卜嘅燒肉呀 ~

呵呵   終於大功告成喇   勁開心呀 ~

里奧大人 9 點放工   要打的番屋企啦   呢排都煮上海麵比佢食   因為我懶   哈哈 ~

是日懶餐 - 焗燒肉 + 腐乳通菜  

焗燒肉 - 之前喺 Taste 買咗嚿新鮮五花腩 ($35)   咁星期五開始解凍   星期日醃   諗住星期一整   不過每月一所以無整啦   咁等到今晚先整   好在我用鮑魚汁醃   咁無咁鹹囉   但都有味㗎   可惜有 2 塊皮唔脆   如果唔係就更加好了 ~

腐乳通菜 - 星期日食剩半斤   今晚點都要清啦 ~

洗埋碗就休息   睇多觶電視   里奧大人 11 點都瞓   我就 11 點半先瞓   好似唔係咁眼瞓咁 ~