黑椒金菇豚肉卷 + 冬瓜冬菇薏米乾螺頭湯 ( 14-APR-2018 )

呢邊嘅豚肉卷就散修修   因為有啲豚肉比較細塊   同埋我唔記得用生粉痴住個口呀   唉





( 14-APR-2018  SAT )

呢排家姐無咁忙   所以星期六都唔駛番工   咁都好啦   可以抖下 ~

8 卦想食豬扒薯餅   叫我食吉列豬扒   不過我話唔餓   所以轉場食豬扒包   咁 8 卦話我唔餓都食咁大個豬扒包   咁頭先我真係唔餓架   但見完佢份早餐又覺得餓囉   不過我比咗 1/3 塊豬扒比佢   無諗過咁大塊豬扒 @@





菇場忙啦   但唔做唔得囉 ~

條死臭龍真係超級賤   我錯咗 2 個價錢   佢圈咗出來   咁整佢死制啦   寫埋個正確價錢比我嘛    依家叫妳做 Miss 改卷呀 ?!  頂佢   又要我再搵   所以我特登唔改住   星期一先比番佢   點解啲人可以自私到咁 ~

我錯當然都係唔啱   但條臭龍有細數   佢點都唔一早比我   要我逐個 Check 呢 ?!   最嘥時間係咁   因為我啲價錢係 2014 年都有   而電腦個 System 又唔準   我係要拎哂啲 Box File 出來對㗎   起碼要拎 6 個出來   所以自從我知道佢有細數唔比我之後   佢一叫我做嘢我就黑佢臉   因為諗起都嬲呀 ~

放工都未做完   但唔鬼理佢喇   哼 ~

番到屋企抖下   差唔多 3 點就同里奧大人出去食下午茶 ~

食完就即番屋企煲湯喇   之後就熨 2 機衫   6 點幾就飲湯 ~

7 點煮嘢   7 點半食得   算快喇 ~

是日懶餐 - 黑椒金菇豚肉卷 + 冬瓜冬菇乾螺頭湯 

黑椒金菇豚肉卷 - 好有心機煎㗎   再用黑椒汁燴熟   所以金菇就一定全熟   里奧大人話呢次好味   因為金菇咬到喎 ~

冬瓜冬菇薏米螺頭湯 - 2 斤冬瓜 + 8 粒冬菇 + 8 粒乾螺頭 + 2 湯匙生熟薏米   我無落肉   但驚乾螺頭好腥   所以都係用薑出水   呢個湯好味道呀   一陣陣冬菇嘅香味   下次再煲 ~

搞掂哂就沖涼   係時候抖下   但里奧大人又要做公司嘢囉 ~

呢排成日好夜先聽歌   所以 12 點幾先瞓呀 ~