大家樂 @ 官塘 ( 19-APR-2018 )

菜飯嘅菜係生生哋嘅

原來仲有用蒜蓉炒嘅菜   唔錯喎



( 19-APR-2018  THU )

今朝里奧大人上大陸   肯定好攰啦 ~

早餐食豬扒包   今次塊豬扒只係上次嘅 1/3   連 8 卦都話咁細塊   哈哈 ~



菇場勁忙呀   大老闆同所有大粒都喺我隔離房開會   一定唔可以上網   好在今日忙   呵呵 ~

Lunch Time 出去買牛筋丸米番菇場食   呢排唔想出去食 ~

仍然忙   啲人仲要催催共   我彩妳都傻呀   我自己啲嘢都做唔切呀 ~

我唔會開 OT   因為我已經做埋好多人嘅嘢   要是我日日清哂   真係以為我好得閒   但佢哋又唔體諒我   有啲嘢我係無時間做   因為一定要坐定定   一氣呵成做哂   但根本無可能囉   我有時話 Hea 話唔忙   只係無咁忙   其實雙手都係無停過㗎 ~

放工即走   我見有摩囉酥   但呢排家姐星期六都唔駛番工   所以如果佢唔番工就唔買喇 ~

咁即打比家姐啦   我第一句話: 妳星期六都唔同我食早餐㗎啦 ?!   之後家姐話會喎   因為全公司要開 OT   又會咁啱嘅 ~

里奧大人今晚番香港   但唔知同唔同到我食飯   咁我熨住衫等佢啦 ~

佢差唔多 7 點就話番到嚟要 9 點半   咁我諗住同佢食飯嘛   所以我發脾氣話食即食麵算喇   佢話唔好食咁多即食麵   食其他嘢啦   我話唔想落街呀   係咁啦 ~

之後又叫我再打比佢   話如果等埋佢要 9 點半   驚我餓   講到咁其實真係嬲唔落啦   之後我話我去大家樂食嘢 ~

不過有時都要發下脾氣   咁等佢緊張下   哈哈   但其實我都覺得自己好衰嘅   講緊係由大陸番香港   真係需要起碼 2 個半鐘   再叫佢趕落嚟   又係辛苦   同埋佢一定會好餓啦 ~

收完線就即去食飯   食完抖陣就去徑步   食完唔駛洗碗就做運動   真係勁爽   哈哈 ~

沖埋涼都差唔多 9 點   係時候休息喇 ~

里奧大人 9 點 45 分先番到屋企   仲要做公司嘢   其實上大陸真係做唔到嘢囉 ~

咁叫佢食支雪條   之後再沖涼先做嘢啦 ~

我一路睇電視一路食鹽焗杏仁   我比粒里奧大人食啦   佢伸隻手出嚟   我就比一粒鈕比佢   佢堅睇都唔睇就放入口呀   嚇鬼死我   即刻喝住佢囉   之後佢都話我咁衰   哈哈哈哈 ~

我 11 點半都瞓先喇   勁眼瞓呀 ~