2018年4月13日星期五

米線陣 @ 官塘 ( 13-APR-2018 )

雞絲粉皮



紅油青瓜木耳



口水雞



牛肚米線 (+$2 蕃茄麻辣湯底)



滷水牛展米線 (+$2 蕃茄麻辣湯底)





( 13-APR-2018  FRI )

又到星期五喇   但今日啲天氣有啲潮濕咁   又有煙霞   好在有啲陽光   唔係就真係無咩 mood 㗎喇 ~

早餐食米粉餐   今次嘅米粉份量好多囉   所以比隻蛋比 8 卦食   我已經走包   唔係呢個餐真係超級飽   其實如果走包減一蚊就好啦   哈哈 ~



菇場忙爆   8 卦無啦啦叫我聽張惠妹嘅 "身後"   我一上 Youtube 睇   一見到停屍間   再入埋火爐   我個心實哂   唔敢再睇落去   之後即鬧 8 卦   下次晨早流流唔好叫我睇啲傷感嘢   其實呢首歌嘅歌詞寫得好好   只係我觸景傷情啫 ~

真係成個人無哂 Mood   好在忙咋   唔係又亂諗嘢 ~

Lunch Time 出去還書   之後買珍珠奶茶同芝士沙律包   同 8 卦行咗一陣一田   無嘢買就走 lu ~

仍然忙啦   里奧大人話公司有麻煩嘢   今晚可能番唔到香港   嘩   聽完當堂無哂心機   唯有不斷急切祈禱啦 ~

放工去街市買嘢   咁聽日就唔駛去買   之後打比里奧大人   佢話已經上咗廠車啦   感恩感恩 ~

買完嘢即番屋企   放好哂啲嘢就熨 3 機衫   攰到我呢 ~

之前買嘅蕃薯出哂芽   已經第 2 次係咁喇   嘥哂啲嘢



好似將開雙手咁   哈哈   紫色嘅芽又幾靚喎   



差唔多 8 點幾就出去拎淘寶嘢   拎完都差唔多 9 點   原來里奧大人都已經喺 APM 拎完裇衫   咁喺米線陣等啦 ~

勁餓   所以要食套餐呀 ~

食完就即番企   開機洗衫再沖涼 ~

里奧大人唔知叫我做啲咩   我叫佢自己做啦   我話我好攰呀   放工買完餸又要熨衫   佢個樣呆咗   之後話估唔到我做咗咁多嘢   唔係你以為我放工之後好得閒呀   真係呢 ~

咁其實佢仲更加攰   所以見佢咁慘   叫佢快啲沖涼   之後 "北" 杯雪糕比佢食啦 ~

差唔多 11 點幾又瞓唔着   咁就聽歌啦   聽 "身後"   睇哂成個 MV   我啲眼淚不停係咁流出來    里奧大人問我睇啲咩 ?!   我都無答佢 ~

咁要平復番心情   所以 12 點半先瞓覺 ~      

沒有留言:

發佈留言