米線陣 @ 官塘 ( 12-MAY-2018 )

我只食 2 粒豬肉丸同一半米線   其他比哂里奧大人食   佢真係食得哂喎

( 12-MAY-2018  SAT )

今朝我 7 點 50 分起身番工   見里奧大人都醒咗   不過我話唔同佢食早餐喇   想佢瞓多陣   同埋我又唔駛咁趕呢 ~

感恩身體都 OK 啦   只係個肚有啲扯住   但唔係每月一嘅扯住   好好架喇   起碼有胃口食嘢嘛 ~



菇場本來唔忙   但 11 點半終於新 Server 到啦   咁就開始忙喇喂 ~

做到 1 點放工   番屋企抖陣就同里奧大人去食嘢 ~

無咩胃口   所以 Share 食算喇

食完之後搭車去中環   再 Join 埋其他姑奶一齊拜老爺奶奶   話明 3 點半出發   但無啦啦佢哋又喺大家樂食埋嘢   咁早響嘛   唔駛我哋咁趕 ~

打的去到都已經 4 點幾   差唔多 5 點走人   佢哋真係好奇怪   次次都要影張大合照   影嚟有咩意思呀 ?!   睇都唔會睇喺墳場影嘅相啦   係咪先 ?!

嗰時奶奶喺大酒店又全程攝錄再燒落 CD   仲話寄比大陸啲親戚   人哋一聽到就即話唔要呀   你估開心嘢咩   得閒拎出嚟睇呀 ?!   我覺得佢哋做埋啲嘢真係多鬼餘   你都唔會拎嚟睇啦   拍嚟做咩呢 ?!

咁我個肚仲係扯住   所以唔同佢哋去食放題   我同里奧大人搭的士落中環   再坐 619 去官塘   諗住番屋企   但里奧大人話想去米線陣食嘢喎   咁好啦 ~

食完就番屋企喇   我要抖 ~

咁我又試飲可樂   飲完個肚真係無扯住痛喎   上次 Annual Dinner 又係咁   好過食藥喎   呵呵 ~

之後里奧大人即話駛唔駛聽日買定多啲可樂   我話特價先啦   又唔係急   唔得精打細算   哈哈 ~

抖到 8 點幾就沖涼   又有啲餓   所以食童星點心麵   但食咗幾條又好飽   益埋里奧大人 ~

唉   聽日母親節   睇到電視唱 "真的愛妳"   喊到我死死下 ~

咁里奧大人即轉台睇其他嘢   我就打機咁囉 ~

差唔多 12 點先瞓   好在都瞓到咋   話哂頭先飲咗可樂嘛 ~