2018年5月18日星期五

黑椒牛仔骨 + 鹹蛋瑤柱角瓜湯 ( 18-MAY-2018 )






( 18-MAY-2018  FRI )

尋晚瞓得唔錯喎   唔通飲咗中藥真係好瞓 ?!?!?!   但又覺得咁又唔係咁好喎   始終無可能靠藥瞓得好家嘛   等我再試多幾晚先 ~

早餐食腿蛋治   其實好想食米粉餐   不過今日遲咗   同埋咁趕咁食   食完成身汗都似   都係咪搞 ~~



仍然做埋個長命 report   聽 8 卦講呢個 report 原來又係廢嘅   佢地最後都係做個假數   咁老闆睇咗就唔會問 3 問 4   我頂   都唔知做來做乜   浪費我時間 ~

Lunch time 出去食   第一次一個人食 lunch set 呀   好似好大食咁   哈哈 ~





食完去銀行   再行幾個大運先番菇場   大佬   頭先食咁多嘢 ~

番到菇場仍然做 report   差唔多放工前搞掂哂 lu ~

放工去買餸   買咗 2 條角瓜   再買 1 磅妃子笑 + 1/4個西瓜 + 1 梳皇帝蕉   估唔到都幾重 ~

之後我去買包茶瓜   順便買 4 隻鹹蛋   檔主拎住包茶瓜   好緊張同我講話茶瓜係用黎煲皮蛋架    我話我知呀   哈哈 ~

番到屋企就即醃牛仔骨   之後切好西瓜就抖抖喇 ~

7 點幾滾湯   我自己飲先   飲完都 8 點   諗住徑步   但里奧大人放工放工   咁唔徑啦   不過依家 d 天氣好焗熱   唔徑都好   藉口多多添   哈哈 ~

里奧大人拎埋淘寶嘢就番屋企   都差唔多 9 點了 ~~~~

是日晚餐 - 黑椒牛仔骨 + 鹹蛋瑤柱角瓜湯 

黑椒牛仔骨 - 第 1 次唔用黑椒醬汁   其實依家都盡量唔買咁多醬汁架喇   咁屋企一定有黑椒粒   所以上網睇黑椒汁食譜   原來好簡單架咋   里奧大人又話好味道   之後我問佢 100 分比幾多分 ?!?!   佢比 90 分   我話下次最少要 95 分   嘩哈哈哈哈 ~   

鹹蛋瑤柱瓜湯 - 我想買絲瓜   但見好多人買角瓜   咁我問個師奶呢隻角瓜點食 ?!   佢話炒好好食架   我話煲湯呢 ?!?!   佢話滾湯就有   無人煲湯架   哈   其實我係想講滾湯   咁所以我又買 2 條啦 ~

洗埋碗都差唔多 10 點   沖埋涼就開機洗衫 ~

同里奧大人一齊睇 youtube   睇定多 d 資訊   希望到時可以用到啦  ~

睇到成 12 點幾先瞓呀   好在有睡意   唔係越睇越興奮就慘喇   哈哈 ~ 

沒有留言:

發佈留言