Babymama: 住家飯 @ MIMI 屋企 ( 5-MAY-2018 )

是日晚餐 - 4 餸 1 湯 1 甜品 1 生果

食 Lunch 嘅時候阿 mi 話整咗每人一樣鍾意食嘅嘢我估到係酸辣鳳爪哈哈

果皮蒸龍躉 - 我最愛嘅餸就咁撈汁食飯都超吸引了

鹹魚炒芥蘭 - 好味呀其實啲菜唔黃㗎

苦瓜炒蝦卷 - 好多蒜片之後阿 mi 叫阿喂食多啲蒜片感冒食蒜係好㗎

芫茜皮蛋魚片湯 - 好味呀阿 mi 買嘅材料只係落多我一包茶瓜不過佢一包茶瓜=我兩包茶瓜份量但味道真係清甜好多

( 5-MAY-2018 SAT )

今朝 9 點 45 分自然醒不過尋晚同里奧大人都去咗 2 次廁所瞓得唔係咁好但起身都精神今日會見自己鍾意嘅人所以基本上唔會有攰嘅感覺哈哈哈哈 ~

阿 mi 呢個星期重感冒但食咗 3 日藥已經好番 8 成所以話星期六大家都要自然醒早起就飲茶遲起就求其食啲嘢因為今日主要係去千色店 Shopping ~

咁大家都早起身咁決定去美心皇宮飲茶了 ~

我地沖埋涼就出發坐小巴到荃灣本來可以早啲到但我話總站落車但原來總站係 AEON 嗰邊里奧大人就怨聲四起我已經話我衰咗啦仲講講講留番啖氣搵路好過啦最憎佢話如果頭先落啱車就識行依家唔識行佢明知我唔識路嘛之後如果佢再講話唔識叫我帶我會直接搭的士去酒樓問題發生就解決啦嘈來有咩用呢 ?!

好在之前都試過由 AEON 行去地鐵站同埋記得阿 mi 話跟住條靚橋行咁就好快到地鐵站所以一見到條靚橋就勁開心哈哈 ~

去到美心皇宮已經見到 mi 喂喇之後里奧大人話行錯路再話唔知咩好似叫我講話邊個行錯我其實黑哂臉佢仲笑笑口話咁睇就知邊個行錯啦 ?! 之後我話買咖啡阿 mi 話陪我買但最後一齊決定唔飲茶喇因為仲要等 40 張飛所以話去飯堂食 Lunch 喇 ~

之後一路行就同阿 mi 講番頭先單嘢囉好在比我呻下所以好快又無事 lu 我唔要比撒旦攻擊我哼 ~

原來阿喂又感冒佢唔聽老婆講啦叫佢食多一日藥就會好佢就係爭咁一日唔食唉 ~

阿 mi 話我哋 3 個打邊爐阿喂就食其他咁當然整鬼佢啦不過里奧大人就會好認真咁話唔好啦佢兩條友成日幫來幫佢好在我同阿 mi 可以一齊反擊男人最怕係咩呀 ?! 最怕女人嘈嘛所以想佢哋唔好串串共呢我哋就會不斷一口唱一和佢哋會自然會收聲哈哈 ~

蝦醬炒飯 - 阿 mi 鍾意食所以一定比佢叫呢個飯呢

冬蔭功湯河 - 阿喂飲咗一啖湯話辣之後我話係咪冬蔭功湯河黎㗎 ?! 再睇有啲乜餸原來真係冬蔭功湯河咁阿喂唔舒服嘛但佢話照食囉

魚蛋湯河 - 之後先嚟呢碗 "白雪雪" 魚蛋湯河哈哈哈哈

泰式炒豬肉飯 - 上次同里奧大人去清邁食過覺得好好食所以又叫喇但味道係有啲唔同不過都好味

凍咖啡 / 芒果沙冰 - 今次杯沙冰好鬼甜呀

食下傾下好似已經 1 點幾要去千色店喇 ~

里奧大人想買 Samsonite 背囊好耐但硬係唔啱心水所以次次阿 mi 喂一見到做特價就會同我哋講所以我成日同里奧大人講你講咗 1 次咋之後佢哋次次都幫你留意呀對你幾好呀你要好好珍惜呀 ~

唔係里奧大人講都唔知佢已經想買背囊 2 年因為果次係同阿 mi 喂去完意粉屋食嘢之後一齊去睇呢 ~

感恩終於買到合心水背囊呀折咗係 $978 阿喂就買咗個斜揹袋之後阿 mi 叫阿喂買埋里奧大人果個背囊不過佢話要諗下先驚同里奧大人撞袋我話你放心啦呢個係番工先用我都唔係好想佢拎住呢個背囊同你 Gathering 囉咁即係要代表做公司嘢啦哈哈 ~

再陪阿 mi 睇家品佢想買但又最後唔買我話送比佢又係都唔要喎好難得佢咁鍾意嘛當生日禮物又唔制因為佢諗唔到個用途咁我又用唔到唔可以 Share 囉呢點我已經要向佢多多學習而依家我真係買少好多無謂嘢所以里奧大人係非常之欣賞阿 mi 㗎哈哈 ~

之後阿 mi 係咁叫阿喂買背囊最終阿喂都話買但其實阿 mi 話送比阿喂呢衰喂好唔願意咁真係吖要是係里奧大人即比張單我比錢㗎哈哈 ~

我哋總共買咗 $2,xxx 原來銀聯簽滿 $1,000 就有 $50 Cash Coupon 但我哋分開咗單所以無囉如果唔係就有 $100 咁可以買頭先阿 mi 想買嘅家品激死我 ~

買完又行去買陳皮我買埋胎菊之後再去 COO 買褲買 2 送 1 但有啲褲無碼最終買咗 2 條褲 + 1 對太陽眼鏡買咗接近 $1,500 估唔到阿喂都買咗副太陽眼鏡店員好好幫我哋點計先用盡買 2 送 1 嘅優惠就係最貴嘅 3 件一張單最平就另一張單因為會員有折 ~

好期待一齊去旅行 Shopping 呀買到平嘢最開心咁當然要有用啦哈哈 ~

買哂嘢就去飲嘢因為我話我請里奧大人就會好踴躍架喇同埋我聽到佢話飲咖啡好呀今日好 Relax 我好開心佢咁講呀因為我都好想佢好 Relax 始終佢近排工作好鬼忙呢 ~

阿 mi 話去 Toast Box 梗係啦里奧大人成日講話咖啡好飲所以去到荃灣基本上食嘅嘢係以我地行先嘻嘻好在阿 mi 都鍾意咁可以唔駛又諗邊度呢呵呵 ~

又傾埋買啲咩餸之後就去街市買嘢喇我同里奧大人就企喺街市出面等佢哋買嘢好快我哋一齊行真係會拖慢同埋我哋又唔識揀呢真係多咗兩嚿嘢一齊行仲煩哈哈 ~

買哂嘢就搭車番屋企喇話咁快就 4 點半大佬仲有好多嘢未傾喎 ~

里奧大人要淘嘢同阿喂講話 : 可唔可以借部電腦用一用 ?! 之後就自己埋位初初點會咁㗎喺梳化坐定定㗎依家唔會咯不過我都唔會問㗎直接入佢房摸下隻樹熊我見到隻樹熊就好開心可能阿 mi 上次去澳洲玩得開心我又覺得好開心咁 ~

番到屋企就煲定湯洗埋菜搞掂哂要煮嘅嘢就出去傾下偈喇 ~

托阿 mi 幫我買嘅手信

坐都未坐熱張櫈阿 mi 又話要試食泰國手信所以我成日話佢去屋企把口好似係不停咁食嘢咁哈哈 ~

咁我同家姐都托阿 mi 幫我買好多嘢買咗 1,800B 如果喺香港買 1,800B 只能買到一半嘢㗎咋 ~

阿喂又比咗個迷彩 Tote Bag 比我話買咗好耐無用過阿 mi 都話佢無用過咁我又唔客氣喇我非常之鍾意 Tote Bag 㗎拎出街夠方便等自己唔駛拎咁多嘢出街 ~

我真係成日又食又拎㗎所以阿喂都成日串串共話: 你知就好啦哈哈哈哈大家兄弟唔想再講客氣說話啦不過點老套都要講人哋個心唔掛住妳係唔會買比妳食囉係咪先 ?!

一齊睇 Youtube 一齊係咁話人唱到點點點個樣點點點勁搞笑大佬真係個個樣都好恐怖囉笑鬼死 ~

7 點開飯最鍾意睇阿 mi 煮嘢快手快腳最緊要乾淨嘛 ~

我話第一次去阿 mi 屋企係食泰菜係里奧大人生日飯我好肯定有酸辣鳳爪同埋最尾道菜係魷魚因為飽到食唔哂嘛所以好記得哈哈 ~

9 點就食甜品 10 點食生果個口真係無停過大滿足因為唔駛做有得食嘻嘻 ~

終於覺得今日有啲唔同原來係個個都無飲酒呀哈哈哈哈 ~

阿 mi 話食甜品我話我知係大菜糕里奧大人鍾意食嘛