2018年5月17日星期四

米線陣 @ 官塘 ( 8-MAY-2018 )






( 8-MAY-2018  TUE )

尋日瞓得唔錯呀   但仲想瞓耐 d 囉   不過唔可以啦   哈哈 ~

估唔到今日涼涼地喎   好在着長袖衫咋 ~   

早餐食通粉餐  好鍾意火腿通粉落勁多胡椒粉   食完個身都暖 d 架 ~



菇場都忙   雖然 system 死咗 ~~~~~~~~

Lunch time 同 8 卦出去食   佢話帶我食彈牙嘅墨魚丸喎   食完就去買豬扒包   佢真係唔知道自己超級大食   未食完一餐已經諗定下一餐   之後再陪佢去圖書館還書就番菇場啦 ~~~~





番到菇場無耐   8 卦無啦啦話飲多咗水又好飽   唔想食豬扒包   我話大哥   依家 2 點咋   你咪講到夜晚 8 點咁先得架 @@

忙咗陣又放工    今晚去大酒店   咁我搭巴士直接到紅磡   好過搭火車要轉來轉去   都係喺地面好 d   哈哈 ~

咁我代表屋企人向攝影表弟"麻麻"鞠躬   因為家姐唔記得咗   里奧大人又忙   但上次表弟咁有心陪 daddy 媽咪來見媽咪最後一面   所以我點都要去表達小小心意 ~

我 6 點 15 分左右到咗   但當入到大酒店一刻   個心真係好唔舒服   眼淚想湧出來咁   所以比自己冷靜一下先上去 ~

我鞠躬完   阿姨就拉埋我一邊同我講   妳做咩黎呀 ?!?!   之後咁啱又有客到   佢又要番埋位 ~~~

咁我心諗唔係我件衫唔得呀嘛   都係黑色白點   以為要純黑色   定係因為媽咪走咗   所以驚雙沖 ?!?!   但媽咪都走咗 2 年啦   同埋基督教唔會理呢 d 家嘛 ~~~~~~

之後阿姨問我點解知道 ?!?!?!   我話妳喺 chat room 講家嘛   唔好嚇我喎 @@   之後佢話以為係婆婆叫我點都要黎呀   我話唔係呢 ~~~~

婆婆又係好煩   大食話婆婆知道麻麻走咗   係咁問地點時間   幾乎日日問   問到阿姨都發脾氣   我咪話囉   呢 d 係唔開心嘅嘢   妳日日問做咩 ?!?!   妳又唔係幫手   同埋妳又唔會到   仲更加唔應該問問問囉   對成件事無幫助嘅 ~~

正想諗住坐陣就走   咁阿姨同學到咗   佢話認得我   但我完全無印象   我果時係丁屎咁大個咋   最勁係佢叫得出我個名   仲記得家姐個名   仲話好易記 ~~~~~~~~

大舅父 7 點幾到   咁又傾一陣計啦   我本來話走   佢話坐多陣   佢梗係以為我黎咗無耐定啦   但其實我坐咗成個鐘囉   呵 ~

我個人覺得基督教儀式感覺係舒服 d   但大舅父話覺得無氣氛   鍾意有 d 丁丁茶茶嘅音樂聽下 @@   

差唔多 8 點   就同大舅父 阿姨同學一齊走   舅父住紅磡就識路   阿姨同學就搭火車   佢地叫我帶佢去火車站   我話我唔識喎   我都係諗住有路就行架咋   最緊要快快離開呢個地方呢 ~

之後佢話上橋就到火車站   咁我同舅父就一齊行番出去   同舅父 say bye   我話下次見   其實我意思係飲茶啦   佢話最緊要唔好喺果度見   哈哈 ~

咁我買埋麵包比里奧大人就去搭巴士   今晚里奧大人 8 點半放工   驚我餓喎 ~

又去米線陣   不過我都好鍾意佢地嘅麻辣蕃茄湯底   哈哈 ~

食完即番屋企喇   好鬼攰 ~

我沖完涼到里奧大人沖啦   原來都已經 10 點半   里奧大人聽朝上大陸   所以要瞓   我話我都瞓喇   好鬼攰呀今日 ~~~~~~

沒有留言:

發佈留言