2018年5月19日星期六

辣雞煲 @ 阿 MI 屋企 ( 19-MAY-2018 )

今次唔落辣椒   但炒起上黎都好辣架



豆卜 / 水餃 / 鮮冬菇 - d 鮮冬菇好大隻呀   我第一次見咁大隻   之後阿 mi 話 d 鮮冬菇係阿喂揀架   幾有我心   哈哈



蝦滑 - 阿 mi 話另一間買架   都 ok 喎



水魷 - 今次好大隻呀   呢餐樣樣食物都係我叫買架   次次去阿 mi 屋企就最舒服   唔駛買又有得食食食   感恩呢



白蘿蔔 - 我話因為今日無飲中藥   所以勁想食白蘿蔔呀



( 19-MAY-2018  SAT )

今朝同家姐食早餐   本來佢唔駛番工架   但後尾佢同事想佢一齊番   咁就番啦 ~~~~

家姐係咁話好熱   但我話唔熱喎   可能我沖完個涼啦   之後佢覺得好奇怪   正路只有我嗌熱嘛 ~







食下傾下   家姐又話佢間公司好猛鬼   有次佢同男同事肥仔企喺家姐個位度一齊傾計   點知枱面包零食飛咗落地   佢兩個呆咗   之後肥仔就話等我幫妳執番   咁其實大家知咩事   同埋肥仔係見到鬼架   家姐講完呢句   我即刻起雞皮 @@

佢另一個男同事仲勁   係直頭嚇到面青青走出來   事緣有晚佢 9 點幾放工   咁諗住去廁所走人啦   一入去見到水龍頭長開住水   諗住整停去   但因為係免觸式嘅水龍頭   搞咗好耐都唔得   突然間支光管跌咗落黎   差少少就跌正佢頭頂   佢勁驚啦   當時得一個人咋   要是有咩事都無人知囉   咁最後佢都知咩事架喇   警告佢唔好再搞囉   所以佢即走喇 @@

家姐話公司嘅舊寫字樓仲恐怖   同事見住筆筒 d 筆升起   再跌番入筆筒   有個就夜晚 OT   見到張櫈喺度係咁轉   我覺得呢下堅恐怖囉 @@

朝早聽都 ok   但夜晚一定唔聽架   哈哈 ~

食到 8 點 45 分   之後一齊行去搭車   家姐呢次醒喇   唔再企喺司機位隔離同我拜拜   嘩哈哈哈哈 ~

菇場唔忙   但其實係我無 mood  做   呵呵 ~

放工即坐小巴去荃灣   去到差唔多 1 點 50 分   等埋里奧大人就一齊行去上海姥姥喇 ~

好在阿 mi 喂攞咗位   我地 2 點鐘都到了 ~

勁餓呀   唔知係咪開心得滯   我真係次次去阿 mi 或者去家姐屋企   就一定好餓架 ~

招牌小籠包 ($38) - 好味呀   皮薄有肉汁   呢個有驚喜   



醋拌香辣海蜇 ($66) - 我超勁鍾意食海蜇架   估唔到阿喂話叫大份   咁就正喇   哈哈



三鮮鍋貼 ($42) - 阿 mi 點架   難得佢點菜   因為好多時佢都比哂我地揀呢



脹卜卜   勁想一嘢"鍊"爆佢   哈哈



上海炒年糕 ($65) - 果然同阿喂係同類人   我成日想食炒年糕   但里奧大人食炒粗   我無可能食得哂成碟年糕囉   同埋佢又唔鍾意食   所以今餐食得好開心   哈哈



排骨炒粗麵 ($68) - 里奧大人點架   次次食上海嘢都指定排骨炒粗麵



蔥油餅 ($32) - 我無啦啦想食咋   但里奧大人唔食   唔緊要   我食埋



豆沙鍋餅 ($40) - 阿 mi 居然記得里奧大人之前想食豆沙鍋餅   所以話一齊食   因為份量都多呀



一路食一路傾   多嘢講到好似十年無見過咁   好在我地講嘢頻率快   唔係就真係天黑都未講完   哈 ~~~~

因為我地係邊個叫邊個清   咁阿 mi 又問我幾級肚餓喎   我話十級   佢個樣呆咗咁   好搞笑   我十級唔餓妳就話驚啫   呵呵 ~

今餐 lunch 我一定要請   因為阿喂之前送咗個袋比我嘛   請佢地食飯真係差 d 反枱咁滯   係都唔比我請   呢個時候   里奧大人就最心   因為用到我 d 錢   嘩哈哈哈 ~

今日我地 3 個主要係陪里奧大人買 4 個骨嘅褲   阿喂之前都買咗 d 褲   咁介紹比我地去睇下   所以阿 mi 一早講定話帶我地荃灣一日遊   佢地就朝早送完機就即去買定餸   咁就多 d 時間睇衫呢   感激感激 ~

里奧大人喺男人店買咗 2 條短褲 + 1 條 4 個骨褲   好似買咗 $650   最搞笑佢一試穿出來   阿 mi 同我就話 ok 呀   衰奧以為我地玩嘢咁   但我地梗唔會啦   唔好睇一定講囉   唔想行出來影衰我地   哈哈 ~

之後再去買柑茶同胎菊   一齊買嘢勁開心   因為可以知道大家嘅口味   同埋可以 share   始終有 d 份量太多   但有 d 又買 2 罐就平 d 咁嘛   哈哈 ~ 

行呀行   阿 mi 又話好熱   佢話熱就真係好熱架喇   最離奇我又唔覺好熱   我仲着中袖外套   不過之後行行下都熱喇   成臉都係汗   但我唔敢抹架   因為我搽咗防曬   下次都係唔理喇   佢次次見我成臉汗   個樣好似好驚咁   嘩哈哈哈哈 ~

行到唔知咩商場   個冷氣超勁凍   正呀 ~

去 OCC 買咗 2 條褲 + 1 對太陽眼鏡 (貨品買 2 送 1   送嘅價錢係以最低嘅計算)   好似買咗一千定咩   唔記得添   男人們就開心啦   輪住試褲   之後阿喂都買咗副太陽眼鏡 ~

丫   我無啦啦個胃有 d 痛   咁 d 腸直頭好似扯住咁痛添呀   之後阿 mi 話我無飲水   咁又係喎   多嘢講又出汗   加上又唔飲水添   咁最搞嘢係我頭先一落小巴就想去廁所   但要排隊就唔去啦   再之後都完全唔記得去廁所呢回事呀   哈 ~

本來想買嘢飲   不過阿喂話番屋企飲啦   所以即打的番屋企 lu   原來已經 5 點幾喇 ~

一入屋換私家拖   咁我都唔記得自己腳爭貼咗膠布   阿 mi 見到話 d 膠布做咩甩甩下咁   之後就即比個防刮腳貼比我   仲幫我貼埋   哈哈   堅懶到出汁 ~~~~~~~~
  
今次要做番上次未做嘅嘢   就係要阿 mi 幫我整 FB 嘅嘢   好感動佢記得   因為上次實在太多嘢傾   我講完之後   完全唔記得咗呢回事添 ~

搞掂哂就到兩個男人上網睇嘢   咁我地就去廚房整嘢   其實我只係企喺度嘅啫   但我都要比人炒 ~~~~~~~~~~~~~~

最搞笑我同 mi 話要煲定白蘿蔔水   以為佢唔記得   點知原來一早煲好咗   哈哈 ~

好好笑   依家我同阿 mi 一入廚房   佢就好自然叫我食條朱古力   因為我次次都會睇佢個玻璃兜裝住 d 咩嘢零食架 ~

7 點 15 分左右開餐   今晚唔買咁多嘢   但我食嘅就樣樣都有   堅感動   自己都會買餸   所以覺得有人買埋比妳食   真係好幸福架   瓜菜水果又重   仲要唔係話要一個地方可以買哂喎 ~

食呀食傾呀傾   勁開心呀   今日超勁開心   因為早午晚都見到我最愛嘅人   呵呵 ~ 

9 點 45 分就食涼粉   阿 mi 話食完辣雞煲要清清熱   隔半個鐘又食紅火龍果

阿 mi 調咗片糖汁   里奧 8 婆又話驚甜唔要   我話片糖都有益架   唔好成日話甜   又唔係日日食   之後佢食咗啖涼粉   又話要 d 片糖水   係咪煩丫   哈哈



紅火龍果   我聽到阿 mi 講話食剩一粒   之後佢食埋佢   可能佢聽得我講多   成日話里奧大人成日食嘢食剩一粒   飲剩一啖   嘩哈哈哈哈   



又食又拎   阿 mi 上次話唔記得比包豬肉鬆比我試   所以今日一黎到就拎比我   我好感動   因為佢仲擺喺心度   我覺得佢勁似我家姐咁   漏咗比嘢我呢   就好似欠我咁   但其實佢地自己食就可以啦   係都要留比我架   勁感動           



10 點幾 call 車   話咁快 11 點 15 分就番到屋企 ~

沖埋涼抖陣   都 12 點先瞓 ~~~~

沒有留言:

發佈留言