2018年5月9日星期三

一品香菜館 @ 官塘 ( 9-MAY-2018 ) + ( 10-MAY-2018 )

排骨炒粗 - 塊豬扒用鬆肉粉醃   好怕呢 d 口感



回鍋豬肉 - 呢個味道唔錯架   但真係好似食菜咁囉   哈哈



( 9-MAY-2018  WED )

今朝里奧大人好早起身上大陸喇   佢出咗門口   我都即刻可以瞓番 lu ~

朝朝早都會同 8 卦 whatsapp 去邊度食早餐   之後佢無啦啦話 "鯊魚呀"   我問係咩 ?!   佢話係下雨呀 @@

之後佢話佢朋友去台灣影婚紗相   係近海邊嘅   咁個新娘子用國語講 "鯊魚呀"   攝影師即刻望個海   睇下邊到有鯊魚出現   之後再問新娘邊到有鯊魚 ?!?!?!   嘩   比我都會講"鯊魚"喎   所以講國語真係好難   聽就易得多   但唔好係北京腔   哈哈 ~

早餐食芝蛋治烘底   好飽也 ~~~~



菇場唔忙喇   清哂 d 嘢   但一諗起之後要做一堆嘢就頭痛喇   哈哈 ~      

Lunch time 出去買牛丸河番菇場食   依家鍾意買嘢番菇場食   感覺唔駛咁趕咁 ~



仍然 hea 過等放工   但個肚扯住唔係咁舒服   都無咩 mood 上網 lu ~

放工番屋企等里奧大人   佢 8 點 15 分左右到官塘   去食上海嘢喇 ~

佢之前喺工廠嘅超市卡入咗幾大蚊人仔   所以依家間唔中都會買 d 小食   我叫佢買糖啦   輕 d嘛   之後佢話佢唔買糖   但買咗我好鍾意嘅嘢   就係 "尖叫"   我話唔好再買喇   好重嘛   不過佢係都要買 @@

番到屋企即沖涼   終於每月一到   唉   之後頭先睇醫生啦   咁唔駛聽日睇嘛 ~~~~

好攰呀   11 點都一齊瞓喇 ~~~~

( 10-MAY-2018  THU )

今朝 8 點半都醒咗   即去睇醫生   點知其實係開 9 點   咁個袋寫住 8 點半嘛   嗚嗚 ~

西瓜唔喺香港   咁 wechat 佢啦   之後我周圍行陣下   感恩個肚無痛   但個人就好攰囉 ~

9 點去到診所   但醫生要 9 點半先番   咁我喺診所等 lu ~

睇完都差唔多 10 點   又落大粒雨   我又無帶遮   所以沖涼洗頭先瞓呢 ~

個肚開始有 d 痛   唔係劇痛   但嘔咗 2 次   又沖個熱水涼   真係沖完涼又舒服 d 咁架噃 ~~~~

瞓到 7 點幾   里奧大人打比我   話搵唔到我   差 d 要報警   因為我將電話校靜音   好怕有信息就係咁震嘛 ~~~~

佢番埋教會聽嘢   差唔多 10 點就番到屋企   之後我又繼續瞓   全日無離開過張床 ~~~~   

沒有留言:

發佈留言