麻辣串串香 @ 九龍灣 ( 3-MAY-2018 )

我要中辣   好耐無食   覺得好鬼辣呀   哈哈



食極都仲有好多餸



( 3-MAY-2018  THU )

呢排早咗出門口   所以又多番時間食早餐   勁開心 ~

早餐食吞拿魚治   我真係好鍾意食   依家自打咀巴   成日話人食嘢來來去去都係嗰啲   其實自己都係 ~



菇場唔忙啦   想忙都無得忙   因為 Server 有問題   個 System 又死咗   所以我繼續做電腦 Filing ~

Lunch Time 出去行陣   條街勁熱呀   所以行咗個圈就買筋腩河番菇場食  成 $40 呀   心都痛埋 ~

唔知係咪出咗汗   突然勁眼瞓 ~

放工去淘大行陣   咁去泰昌買麵包比里奧大人一陣食啦   但見十蚊個芝士二重奏好貴   所以諗住去美心買另一款嘅芝士包   佢多啲芝士粒嘛   之後聽到 Cashier 話十四蚊 3 個包   我以為聽錯   一個都要十蚊嘛   之後再問多次芝士包係咪一樣十四蚊 3 個 ?!   佢話係喎   所以即買   反正食唔哂可以做 Lunch   要是只 1 個唔買 1 個   咁肯定同錢有仇啦   哈哈 ~

行到 6 點 45 分就去食嘢 lu   食完再行陣就番教會聽嘢   里奧大人 7 點 45 分先放工   點知無的士   所以 8 點 15 分先到   感恩啱啱開始分組呢 ~

今晚牧者講咗一個重點   就係 "人若賺得全世界, 賠上自己的生命, 有甚麼益處呢? "(馬太十六章 26 節)" 

呢段經文帶出另一個信息係 Work Life Balance   比妳賺哂所有嘅錢 ?!   無咗健康有咩意思 ?!

我人生最緊要係得平安同健康   無平安=無健康   因為你永遠都驚呢樣怕嗰樣   連瞓覺都會諗   無好好睡眠   就無精神做嘢囉   所以我真係覺得瞓得好係好重要呢 ~

9 點幾完畢   所以陪里奧大人去牛下食燒賣腸粉   食完都即番屋企   落雨濕濕唔想周圍去 ~

番到屋企即開機洗衫   沖埋涼就休息 ~

里奧大人 11 點半都瞓   我差唔多 12 點先瞓    呢排比較夜瞓   又瞓得唔好   可能食得太多辣嘢   個人比較燥熱咁呢 ~