2018年5月27日星期日

麻辣牛肚絲 (外賣) + 滷水鴨腎 (外賣) + 絲瓜瑤柱湯 ( 27-MAY-2018 )








( 27-MAY-2018  SUN )

今朝我 9 點半已經醒咗   又見好精神   所以都起身沖涼 ~

之後鬧鐘響   里奧大人以為我啱啱起身   我話我已經搞掂哂啦 ~

食完早餐就番教會   次次都有充裕嘅時間食早餐   所以我地寧願早少少起身   里奧大人知我鍾意嘆早餐   唔鍾意咁急趕 ~





崇拜完畢就番屋企   家姐無啦啦 whatspp 問我食唔食 tea ?!   我又好自然咁問番佢係咪同我食 ?!   因為佢好多時星期日都會問我做緊 d 咩   咁佢居然話同我食   我勁開心 ~

咁尋日我又買咗薯片同龍角散糖比佢   又可以順便比埋佢 ~

2 點半就出發   去到見到有 2 條廁紙   真係比佢激死   我星期五見到廁紙特價就話佢知   因為之前佢成日話想買廁紙嘛   之後佢話佢喺 HKTV Mall 買仲平   又問我要唔要 ?!   我話唔要啦   屋企仲有 2 條   但佢仍然比我   我下次都唔敢再問咁多嘢 @@







我話唔要   但家姐係都要買比我   下次我唔敢問咁多嘢喇 @@



家姐話頭先拎住 2 條廁紙   咁同個男人一齊入餐廳嘅方向   之後家姐話突然有人好大聲同佢講: 我幫妳開門   家姐話比佢嚇咗一跳呀   話以為搶嘢   笑鬼死我啦   痴線   搶妳條廁紙咩 ?!?!   嘩哈哈哈哈   之後佢話喎   頭先對望嘅時候   要是開門   應該個男人早行過佢   開門比佢   所以家姐咪無諗過佢開門囉 ~

我送埋家姐搭巴士就番屋企   又上 youtube 睇下嘢   咁正想瞓着嘅時候   有電話打來搵我   原來係 d 銀行電話   激鬼死   難得瞓着嘛   哈 ~

咁醒哂啦   又口痕食魚片   食下食下   食咗好多塊 @@



今晚 6 點半開飯   早食早休息 ~~~~

食飯前覺得唔係咁舒服咁   但無理由係熱   之後諗諗下   可能食得太多魚片呀   慘 ~~~~

是日懶餐 - 麻辣牛肚絲 (外賣) + 滷水鴨腎 (外賣) + 絲瓜瑤柱湯

麻辣牛肚絲 (外賣) / 
滷水鴨腎 (外賣) - 本來唔想翻熱牛肚絲   但原來唔得架   有好多膏咁   所以兩樣都要翻熱   本來方便餸都變咗唔方便   嘩哈哈哈哈 ~

絲瓜瑤柱湯 - 星期五買嘅絲瓜   今晚點都要滾湯   唔係條絲瓜會縮哂水   變壞咁架喇 ~

洗埋碗就去徑步   其實我好攰   但又想郁下 ~~~~

徑半個鐘   夠哂皮喇   因為好熱呀   哈哈 ~

沖埋涼就休息   11 點都自己瞓島喇 ~

沒有留言:

發佈留言