肉醬意粉 + 香辣炒麵 + 牛油沙糖多士 + 菜心 ( 12-MAY-2020 )

( 12-MAY-2020  TUE )

感恩一覺瞓天光   我應該 7 點 10 分左右醒咗   但里奧大人鬧鐘未響   我都懶下床 ~

今朝仍然落毛毛雨   但當堂無咁熱喇 ~

早餐食餐蛋治烘底   好味道 ~

菇場唔忙   呢排都係咁㗎喇 ~

Lunch 食 Flakes + 朱古力奶   其實我想買乳酪   但真係好唔想洗杯   咁直接倒 Flakes 落朱古力奶盒仔真係好方便   哈哈 ~

放工即走   去買超市買急凍三文魚就番屋企喇 ~

番到屋企可以抖陣   其實 6 點開始都餓餓哋   不過唔食零食喇   睇下 Youtube 分散下好過   哈哈 ~

里奧大人 7 點放工   我都要煮晚餐喇 ~

呢個炒麵嘅質地都唔錯   爽爽的   冰姑話佢都係食呢款   又會咁啱嘅

是日懶餐 - 肉醬意粉 + 香辣炒麵 + 牛油沙糖多士 + 菜心

肉醬意粉 - 尋晚食剩㗎   今晚要食埋去啦   以前會直接放入焗爐焗   但焗完之後好乾   所以依家會落鑊慢火炒   寧願攰啲   但起碼好味道嘛 ~

香辣炒麵 - 之前食午餐送㗎   其實係類似印尼撈麵   不過無蒜粒   無咁香呢 ~

牛油沙糖多士 - 星期四買嘅黑糖軟包   1 條有 10 片   里奧大人食 4 片   我星期日食 3 片   咁今晚食埋剩咗嘅 3 片   用嚟做多士都唔錯 ~

菜心 - 今晚西餐   其實食菜心真係好唔夾   但西蘭花唔靚   又唔想食粟米   所以最後都係買菜心算喇 ~

洗埋碗就開機洗衫   沖埋涼就休息 ~

今晚 9 點半先開始睇 "慶餘年"   所以 11 點半先瞓 ~