嗄拋肉碎蓋飯 + 蕃茄南瓜粟米湯 ( 10-JUN-2020 )

( 10-JUN-2020  WED )

感恩一覺瞓天光呀   日日係咁就好 lu ~

雖然無落雨   但都好鬼熱咁 ~

早餐食奶醬多   食啲甜嘢好似好啲   哈哈哈哈 ~

菇場勁忙呀   眨下眼又到 Lunch Time ~

Lunch 食牛腩河   好想食熱嘢呀 ~

我要瘦腩同多蔥少河   但唔覺係囉   嗚嗚

仍然忙   但都可以 5 點準時放工   因為留番聽日做   哈哈 ~

買埋青瓜就番屋企   之後就即刻滾湯喇 ~

里奧大人 6 點放工   番到屋企都仲未食得住呀   所以叫佢沖涼先呢 ~

是日晚餐 - 嗄拋肉碎蓋飯 + 蕃茄南瓜粟米湯

嗄拋肉碎蓋飯 - 買 $30 梅頭搞碎   估唔到炒起來咁多   之得分兩餐啦   我覺得最難係煎荷包蛋   里奧大人話佢識煎喎   仲話下次幫我煎   真係估唔到佢識煎喎   嘻嘻 ~

蕃茄南瓜粟米湯 - 5 個蕃茄 + 半個南瓜 + 2 條粟米 + 1 粒紅蔥頭   今次醒喇   無買紅蘿蔔   如果唔係又放唔哂落煲呀   哈哈 ~

里奧大人今日食杯麵   佢話起碼有 5 個同事同佢講   你今日食杯麵 ?!   之後佢話食杯麵要問老婆拎 Permit   佢同事老公咁啱嚟咗   佢苦笑點頭   衰奧承機話囉   佢話佢老婆話杯麵好味所以買   咁做特價又話買   但買完又唔準佢食   咁到差唔多過期就係咁叫佢食食食   佢同事老公又係咁點頭呀   佢同事就係咁大笑 ~

衰奧又講得無錯喎   我次次真係咁   好多時一差唔多到期就係咁食   依家啲零食就係咁   所以有時都會叫里奧大人拎番公司食   佢就知啲食物係差唔多到期呢    哈哈哈哈 ~

洗埋碗就大清潔廚房   之後開機洗衫   沖埋涼就休息 lu ~

睇多陣 Youtube   諗住 11 點即瞓   點知同里奧大人傾下計   傾到 11 點 15 分先瞓 ~